निम्बाद्रीलक्ष्मीनृसिंहसुप्रभातम् Shri Nimbadrilakshminrisimha Suprabhatam

कौसल्या सुप्रजाराम पूर्वसन्ध्या प्रवर्तते ।उत्तिष्ठ नरशार्दूल कर्तव्यं दैवमान्हिकम् ॥उत्तिष्ठोत्तिष्ठ लक्ष्मीश निम्बाद्रिनिलयाच्युत ।उत्तिष्ठ नरहर्यक्ष त्रैलोक्यं मङ्गलं कुरु ॥मातर्विरञ्चिमुख विश्वचराचराणांवैकुण्ठमन्दिर मनोहर दीपरेखे ।वन्दारुभक्तजनवाञ्छितदानशौण्डेनिम्बाद्रिनाथ दयिते तव सुप्रभातम् ॥ १॥

kausalyā suprajārāma pūrvasandhyā pravartate |uttiṣṭha naraśārdūla kartavyaṃ daivamānhikam ||uttiṣṭhottiṣṭha lakṣmīśa nimbādrinilayācyuta |uttiṣṭha naraharyakṣa trailokyaṃ maṅgalaṃ kuru ||mātarvirañcimukha viśvacarācarāṇāṃvaikuṇṭhamandira manohara dīparekhe |vandārubhaktajanavāñchitadānaśauṇḍenimbādrinātha dayite tava suprabhātam || 1||

तव सुप्रभातमखिलार्थसाधिकेमधुवैरिपलिजलजातपुत्रिके ।नवपुण्डरीकदलदीर्घनेत्रिकेवर निम्बशैलपतिभाग्यजीविके ॥ २॥

tava suprabhātamakhilārthasādhikemadhuvairipalijalajātaputrike |navapuṇḍarīkadaladīrghanetrikevara nimbaśailapatibhāgyajīvike || 2||

वसिष्ठ कुम्भभवभव्यतपःप्रभावकौण्डिण्यसिद्धऋषयः कृतकल्यकृत्या ।नैहीं तनुं तव विलोकयितुं प्रविष्टाःनिम्बाद्रिनाथ नृहरे तव सुप्रभातम् ॥ ३॥

vasiṣṭha kumbhabhavabhavyatapaḥprabhāvakauṇḍiṇyasiddhaṛṣayaḥ kṛtakalyakṛtyā |naihīṃ tanuṃ tava vilokayituṃ praviṣṭāḥnimbādrinātha nṛhare tava suprabhātam || 3||

प्रह्लादनारदमुखाः परतत्त्वविज्ञाःप्रातर्विधि परिसमाप्य समागतास्ते ।पङ्केरुहैस्तव पदौ परिपूजनायनिम्बाद्रिनाथ नृहरे तव सुप्रभातम् ॥ ४॥

prahlādanāradamukhāḥ paratattvavijñāḥprātarvidhi parisamāpya samāgatāste |paṅkeruhaistava padau paripūjanāyanimbādrinātha nṛhare tava suprabhātam || 4||

सेनेशशेषगरूडादिसमस्तनित्याःदिव्यानि भूरि विरजा जलजानि नीत्त्वा ।प्राप्तास्त्वदीय पदपङ्कजपूजनायनिम्बाद्रिनाथ नृहरे तव सुप्रभातम् ॥ ५॥

seneśaśeṣagarūḍādisamastanityāḥdivyāni bhūri virajā jalajāni nīttvā |prāptāstvadīya padapaṅkajapūjanāyanimbādrinātha nṛhare tava suprabhātam || 5||

सन्निम्बवृक्षसमुसङ्गि समीरडिम्भाःशीतैर्लतान्तमकरन्दकणैश्च युक्ताः ।मन्दं प्रवाति तव कन्दरमन्दिरान्तेनिम्बाद्रिनाथ नृहरे तव सुप्रभातम् ॥ ६॥

sannimbavṛkṣasamusaṅgi samīraḍimbhāḥśītairlatāntamakarandakaṇaiśca yuktāḥ |mandaṃ pravāti tava kandaramandirāntenimbādrinātha nṛhare tava suprabhātam || 6||

मार्तण्डमङ्गलकरस्फुटपद्ममध्यात्भृङ्गाः प्रकर्षमधुपानविशेषमत्ताः ।गच्छन्ति पुष्पमनुपुष्पमदभ्रगीत्यानिम्बाद्रिनाथ नृहरे तव सुप्रभातम् ॥ ७॥

mārtaṇḍamaṅgalakarasphuṭapadmamadhyātbhṛṅgāḥ prakarṣamadhupānaviśeṣamattāḥ |gacchanti puṣpamanupuṣpamadabhragītyānimbādrinātha nṛhare tava suprabhātam || 7||

त्वं क्षेत्रगोत्रपरितस्थितघोषयोषाःमध्नन्ति मङ्गलरवं दधिचन्द्रिकाभम् ।तध्वान्तमुक्ततमसः ककुभः प्रभान्तिनिम्बाद्रिनाथ नृहरे तव सुप्रभातम् ॥ ८॥

tvaṃ kṣetragotraparitasthitaghoṣayoṣāḥmadhnanti maṅgalaravaṃ dadhicandrikābham |tadhvāntamuktatamasaḥ kakubhaḥ prabhāntinimbādrinātha nṛhare tava suprabhātam || 8||

श्रीनिम्बशैलवरकन्दरमन्दिरान्तःविद्योतमान रमणीय रमाश्रिताङ्क ।राकासुधाकरसहश्च निभास्य शोभानिम्बाद्रिनाथ नृहरे तव सुप्रभातम् ॥ ९॥

śrīnimbaśailavarakandaramandirāntaḥvidyotamāna ramaṇīya ramāśritāṅka |rākāsudhākarasahaśca nibhāsya śobhānimbādrinātha nṛhare tava suprabhātam || 9||

पद्मालया सरसि नित्य कृतावगाहाशुद्धश्च वासवमुखा सुरभक्तसङ्घाः ।तिष्ठन्ति दार्वि तव भैरवभक्तरुद्धाःनिम्बाद्रिनाथ नृहरे तव सुप्रभातम् ॥ १०॥

padmālayā sarasi nitya kṛtāvagāhāśuddhaśca vāsavamukhā surabhaktasaṅghāḥ |tiṣṭhanti dārvi tava bhairavabhaktaruddhāḥnimbādrinātha nṛhare tava suprabhātam || 10||

श्रीनिम्बशैल पिचुमर्थक पुण्यभूभृनिम्बाद्रि निम्बगिरिमालक गोत्रनाम्ना ।नित्यं वदन्ति निपुणास्तव गोत्रराजंनिम्बाद्रिनाथ नृहरे तव सुप्रभातम् ॥ ११॥

śrīnimbaśaila picumarthaka puṇyabhūbhṛnimbādri nimbagirimālaka gotranāmnā |nityaṃ vadanti nipuṇāstava gotrarājaṃnimbādrinātha nṛhare tava suprabhātam || 11||

दुष्टं स्वपुत्ररिपुमुद्धतगर्वमत्तंस्तम्भे रमं कनककश्यपु नामधेयम् ।हर्तुं नृसिंहवपुषा सुषुषाविराजनिम्बाद्रिनाथ नृहरे तव सुप्रभातम् ॥ १२॥

duṣṭaṃ svaputraripumuddhatagarvamattaṃstambhe ramaṃ kanakakaśyapu nāmadheyam |hartuṃ nṛsiṃhavapuṣā suṣuṣāvirājanimbādrinātha nṛhare tava suprabhātam || 12||

भक्तस्य वागवितथं सततं प्रकर्तुंसर्वेषु वस्तुषु च नित्यमदभृवृत्तिम् ।सन्दर्शयन् दनुजनालकृतावतारनिम्बाद्रिनाथ नृहरे तव सुप्रभातम् ॥ १३॥

bhaktasya vāgavitathaṃ satataṃ prakartuṃsarveṣu vastuṣu ca nityamadabhṛvṛttim |sandarśayan danujanālakṛtāvatāranimbādrinātha nṛhare tava suprabhātam || 13||

आदित्यसोमकुजसौम्य सुरार्यशुक्रस्वर्भानुकेतुमुखदिव्यनवग्रहास्ते ।तिष्ठन्ति दास्यमिह कर्तुमतन्द्रभावाःनिम्बाद्रिनाथ नृहरे तव सुप्रभातम् ॥ १४॥

ādityasomakujasaumya surāryaśukrasvarbhānuketumukhadivyanavagrahāste |tiṣṭhanti dāsyamiha kartumatandrabhāvāḥnimbādrinātha nṛhare tava suprabhātam || 14||

मालूररूपधर कालहारौ च वायुरिन्द्रोथ नैऋतिमुखाः ककुभीशदेवाः ।तद्वास्थदण्डहतिमण्डितशीर्षदेशाःनिम्बाद्रिनाथ नृहरे तव सुप्रभातम् ॥ १५॥

mālūrarūpadhara kālahārau ca vāyurindrotha naiṛtimukhāḥ kakubhīśadevāḥ |tadvāsthadaṇḍahatimaṇḍitaśīrṣadeśāḥnimbādrinātha nṛhare tava suprabhātam || 15||

त्वत्कन्दरोपरि लसच्छिखराग्रभागंदृष्टवा प्रहृष्टमनसो भवभीतिबाधान् ।त्यक्त्वा भजन्ति भवदीय नगाधिराजंनिम्बाद्रिनाथ नृहरे तव सुप्रभातम् ॥ १६॥

tvatkandaropari lasacchikharāgrabhāgaṃdṛṣṭavā prahṛṣṭamanaso bhavabhītibādhān |tyaktvā bhajanti bhavadīya nagādhirājaṃnimbādrinātha nṛhare tava suprabhātam || 16||

श्री धर्मपालनृपविप्र विरञ्चिरुद्रत्रैशङ्कुसङ्गत महाषु विनाशकारिन् ।भक्तैकभोग्य गुणमङ्गल धामनामन्निम्बाद्रिनाथ नृहरे तव सुप्रभातम् ॥ १७॥

śrī dharmapālanṛpavipra virañcirudratraiśaṅkusaṅgata mahāṣu vināśakārin |bhaktaikabhogya guṇamaṅgala dhāmanāmannimbādrinātha nṛhare tava suprabhātam || 17||

लक्ष्मीनृसिंह नखरायुध वीरसिंहगीर्वाणसिंह गिरिशाषुविभङ्गवहः ।दैत्येयजिह करिकुम्भ विघातसिंहनिम्बाद्रिनाथ नृहरे तव सुप्रभातम् ॥ १८॥

lakṣmīnṛsiṃha nakharāyudha vīrasiṃhagīrvāṇasiṃha giriśāṣuvibhaṅgavahaḥ |daityeyajiha karikumbha vighātasiṃhanimbādrinātha nṛhare tava suprabhātam || 18||

प्रह्लादपालक परात्परपापनाशपिङ्गाक्ष पुण्यजन पीवर तुङ्गभङ्ग ।पद्मालयार्चित पवित्रपदारविन्दनिम्बाद्रिनाथ नृहरे तव सुप्रभातम् ॥ १९॥

prahlādapālaka parātparapāpanāśapiṅgākṣa puṇyajana pīvara tuṅgabhaṅga |padmālayārcita pavitrapadāravindanimbādrinātha nṛhare tava suprabhātam || 19||

श्रीमान् श्रितार्तिहरसिन्धुसुतामनोब्जलोलम्ब पत्ररथशङ्खरथाङ्गपाणे ।वात्सल्यपूर्ण वरदायक वासुदेवनिम्बाद्रिनाथ नृहरे तव सुप्रभातम् ॥ २०॥

śrīmān śritārtiharasindhusutāmanobjalolamba patrarathaśaṅkharathāṅgapāṇe |vātsalyapūrṇa varadāyaka vāsudevanimbādrinātha nṛhare tava suprabhātam || 20||

श्रीमान्नृसिंह सुसटाब्द वृताब्जवक्त्रादंष्ट्रोरुदन्तनखशस्त्रधरत्रिनेत्र ।चञ्चल्लगुद्रसनगर्जितनिर्जितारेनिम्बाद्रिनाथ नृहरे तव सुप्रभातम् ॥ २१॥

śrīmānnṛsiṃha susaṭābda vṛtābjavaktrādaṃṣṭrorudantanakhaśastradharatrinetra |cañcallagudrasanagarjitanirjitārenimbādrinātha nṛhare tava suprabhātam || 21||

वैकुण्ठसीम्नि वितता विरजा सुधोद्यालीलाविभूतिमधिगम्य पदाश्रिता ते ।मोक्षप्रदेति विदिता रुचिरप्रवाहनिम्बाद्रिनाथ नृहरे तव सुप्रभातम् ॥ २२॥

vaikuṇṭhasīmni vitatā virajā sudhodyālīlāvibhūtimadhigamya padāśritā te |mokṣapradeti viditā rucirapravāhanimbādrinātha nṛhare tava suprabhātam || 22||

श्रीबेमुगल्पुरसमागतवेदरूपाःते माध्ववैष्णवगणाः शतशो वसन्ति ।नेत्त्वा पयोद्य कमलालमला करीय्यंनिम्बाद्रिनाथ नृहरे तव सुप्रभातम् ॥ २३॥

śrībemugalpurasamāgatavedarūpāḥte mādhvavaiṣṇavagaṇāḥ śataśo vasanti |nettvā payodya kamalālamalā karīyyaṃnimbādrinātha nṛhare tava suprabhātam || 23||

लक्ष्मीपते नरहरे नखदंष्ट्रशालिन्दारिद्रयदावदहन क्षमकालमेघ ।भक्तार्तिभञ्जन बहुप्रदशेषशायिन्निम्बाद्रिनाथ नृहरे तव सुप्रभातम् ॥ २४॥

lakṣmīpate narahare nakhadaṃṣṭraśālindāridrayadāvadahana kṣamakālamegha |bhaktārtibhañjana bahupradaśeṣaśāyinnimbādrinātha nṛhare tava suprabhātam || 24||

प्रह्लादकारिज यतीन्द्र नरादि मौनिनारायणानिल तनुजवरैश्च लक्ष्म्या ।ताक्षर्येण भैरवमुनीन्द्रगणैश्च सेव्यनिम्बाद्रिनाथ नृहरे तव सुप्रभातम् ॥ २५॥

prahlādakārija yatīndra narādi mauninārāyaṇānila tanujavaraiśca lakṣmyā |tākṣaryeṇa bhairavamunīndragaṇaiśca sevyanimbādrinātha nṛhare tava suprabhātam || 25||

कल्याणरूप कमलाश्रितवत्सभागकन्दर्पकोटि सुकुमार करालदंष्ट्रा ।कारुण्यपूर्ण घनकौस्तुभरत्नहारनिम्बाद्रिनाथ नृहरे तव सुप्रभातम् ॥ २६॥

kalyāṇarūpa kamalāśritavatsabhāgakandarpakoṭi sukumāra karāladaṃṣṭrā |kāruṇyapūrṇa ghanakaustubharatnahāranimbādrinātha nṛhare tava suprabhātam || 26||

कार्तिकमासशरदिन्दु विकासपूर्णराकातिथौ तव रथोत्सवसेवनाय ।प्रत्यब्दमब्जभव वृन्दमितोभियातिनिम्बाद्रिनाथ नृहरे तव सुप्रभातम् ॥ २७॥

kārtikamāsaśaradindu vikāsapūrṇarākātithau tava rathotsavasevanāya |pratyabdamabjabhava vṛndamitobhiyātinimbādrinātha nṛhare tava suprabhātam || 27||

श्रीनिम्बशैल नृहरेरिह सुप्रभातंलिङ्गापुरीनिलय लक्ष्मणनामकेन ।भक्त्याकृतं प्रतिदिनं सरसं पठन्तितेषां ददाति नृहरिर्धनपुत्रभोगान् ॥ २८॥

śrīnimbaśaila nṛhareriha suprabhātaṃliṅgāpurīnilaya lakṣmaṇanāmakena |bhaktyākṛtaṃ pratidinaṃ sarasaṃ paṭhantiteṣāṃ dadāti nṛharirdhanaputrabhogān || 28||

इति श्रीनिम्बाद्रीलक्ष्मीनृसिंह सुप्रभातं सम्पूर्णम् ।श्रीलक्ष्मीनृसिंहार्पणमस्तु ।

iti śrīnimbādrīlakṣmīnṛsiṃha suprabhātaṃ sampūrṇam |śrīlakṣmīnṛsiṃhārpaṇamastu |