महालक्ष्मीस्तवः Shri Mahalakshmi Stava

मयि कुरु मङ्गलमम्बुजवासिनि मङ्गलदायिनि मञ्जुगतेमतिमलहारिणि मञ्जुळभाषिणि मन्मथतातविनोदरते ।मुनिजनपालिनि मौक्तिकमालिनि सद्गुणवर्षिणि साधुनुतेजय जय हे मधुसूदनमोहिनि मोदविधायिनि वेदनुते ॥ १॥

mayi kuru maṅgalamambujavāsini maṅgaladāyini mañjugatematimalahāriṇi mañjuḷabhāṣiṇi manmathatātavinodarate |munijanapālini mauktikamālini sadguṇavarṣiṇi sādhunutejaya jaya he madhusūdanamohini modavidhāyini vedanute || 1||

कलिमलहारिणि कामितदायिनि कान्तविधायिनि कान्तहितेकमलदलोपम कम्रपदद्वय शिञ्जितनूपुर नादयुते ।कमलसुमालिनि काञ्चनहारिणि लोकसुखैषिणि कामिनुतेजय जय हे मधुसूदनमोहिनि मोदविधायिनि वेदनुते ॥ २॥

kalimalahāriṇi kāmitadāyini kāntavidhāyini kāntahitekamaladalopama kamrapadadvaya śiñjitanūpura nādayute |kamalasumālini kāñcanahāriṇi lokasukhaiṣiṇi kāminutejaya jaya he madhusūdanamohini modavidhāyini vedanute || 2||

कुवलयमोचकनेत्रकृपापरिपालित संश्रितभक्तकुलेगुरुवर शङ्करसन्नुतितुष्टिसुवृष्टसुहेममयामलके ।रविकुलवारिधिचन्द्रसमादरमन्त्रगृहीतसुपाणितलेजय जय हे मधुसूदनमोहिनि मोदविधायिनि वेदनुते ॥ ३॥

kuvalayamocakanetrakṛpāparipālita saṃśritabhaktakuleguruvara śaṅkarasannutituṣṭisuvṛṣṭasuhemamayāmalake |ravikulavāridhicandrasamādaramantragṛhītasupāṇitalejaya jaya he madhusūdanamohini modavidhāyini vedanute || 3||

कुलललनाकुललाळितलोलविलोचनपूर्णकृपाकमलेचलदळकावलिवारिदमध्यगचन्द्रसुनिर्मलफालतले ।मणिमयभासुरकर्णविभूषणकान्तिपरिष्कृतगण्डतलेजय जय हे मधुसूदनमोहिनि मोदविधायिनि वेदनुते ॥ ४॥

kulalalanākulalāḷitalolavilocanapūrṇakṛpākamalecaladaḷakāvalivāridamadhyagacandrasunirmalaphālatale |maṇimayabhāsurakarṇavibhūṣaṇakāntipariṣkṛtagaṇḍatalejaya jaya he madhusūdanamohini modavidhāyini vedanute || 4||

सुरगणदानवमण्डललोहितसागरसम्भवदिव्यतनोसकलसुरासुरदेवमुनीनतिहाय च दोषदृशाहि रमे ।गुणगणवारिधिनाथमहोरसिदत्तसुमावलिजातमुदेजय जय हे मधुसूदनमोहिनि मोदविधायिनि वेदनुते ॥ ५॥

suragaṇadānavamaṇḍalalohitasāgarasambhavadivyatanosakalasurāsuradevamunīnatihāya ca doṣadṛśāhi rame |guṇagaṇavāridhināthamahorasidattasumāvalijātamudejaya jaya he madhusūdanamohini modavidhāyini vedanute || 5||

कनकघटोपमकुङ्कुमशोभित हारसुरञ्जित दिव्यकुचेकमलजपूजित कुङ्कुमपङ्गिल कान्तपदद्वयतामरसे ।करधृतकञ्जसुमे कटिवीतदूकुलमनोहरकान्तिवृतेजय जय हे मधुसूदनमोहिनि मोदविधायिनि वेदनुते ॥ ६॥

kanakaghaṭopamakuṅkumaśobhita hārasurañjita divyakucekamalajapūjita kuṅkumapaṅgila kāntapadadvayatāmarase |karadhṛtakañjasume kaṭivītadūkulamanoharakāntivṛtejaya jaya he madhusūdanamohini modavidhāyini vedanute || 6||

सुरपतिपूजनदत्तमनोहरचन्दनकुङ्कुमसंवलितेसुरयुवतीकृतवादननर्तनवीजनवन्दनसम्मुदिते ।निजरमणारुणपादसरोरुहमर्दनकल्पनतोषयुतेजय जय हे मधुसूदनमोहिनि मोदविधायिनि वेदनुते ॥ ७॥

surapatipūjanadattamanoharacandanakuṅkumasaṃvalitesurayuvatīkṛtavādananartanavījanavandanasammudite |nijaramaṇāruṇapādasaroruhamardanakalpanatoṣayutejaya jaya he madhusūdanamohini modavidhāyini vedanute || 7||

दिनमणिसन्निभदीपसुदीपित रत्नसमावृतदिव्यगृहेसुतधनधान्यमुखाभिधलक्ष्म्यभिसंवृतकान्तगृहीतकरे ।निजवनपूजन दिव्यसुमार्चन वन्दनकल्पितभर्तृमुदेजय जय हे मधुसूदनमोहिनि मोदविधायिनि वेदनुते ॥ ८॥

dinamaṇisannibhadīpasudīpita ratnasamāvṛtadivyagṛhesutadhanadhānyamukhābhidhalakṣmyabhisaṃvṛtakāntagṛhītakare |nijavanapūjana divyasumārcana vandanakalpitabhartṛmudejaya jaya he madhusūdanamohini modavidhāyini vedanute || 8||

मम हृदिवास पराभवतापमपाकुरु देहि मुदं हि रमेमयि करुणां कुरु सादरवीक्षणमर्थिजने दिश चारुतनो ।सकृतभिवीक्षणजातमहोदयशक्रमुखाखिलदेवगणेजय जय हे मधुसूदनमोहिनि मोदविधायिनि वेदनुते ॥ ९॥

mama hṛdivāsa parābhavatāpamapākuru dehi mudaṃ hi ramemayi karuṇāṃ kuru sādaravīkṣaṇamarthijane diśa cārutano |sakṛtabhivīkṣaṇajātamahodayaśakramukhākhiladevagaṇejaya jaya he madhusūdanamohini modavidhāyini vedanute || 9||

सुतधनमौक्तिकहैमनिवेशितरत्नसुभूषण दानरतेरथगजवाजिसमावृतमन्दिरराज्यसुकल्पनकल्पलते ।कुसुमसुचन्दनवस्त्रमनोहररूपकलारतिपोषरतेजय जय हे मधुसूदनमोहिनि मोदविधायिनि वेदनुते ॥ १०॥

sutadhanamauktikahaimaniveśitaratnasubhūṣaṇa dānaraterathagajavājisamāvṛtamandirarājyasukalpanakalpalate |kusumasucandanavastramanohararūpakalāratipoṣaratejaya jaya he madhusūdanamohini modavidhāyini vedanute || 10||

धिमि धिमि धिन्धिमि धिन्धिमि धिन्धिमि दुन्दुभिनादसुपूर्णदिशेघुम घुम घुङ्घुम घुङ्घुम घुङ्घुम शङ्खनिनादसुतुष्टिवशे ।नटनकलापटुदेवनटीकुलचङ्क्रमनर्तनदत्तदृशेजय जय हे मधुसूदनमोहिनि मोदविधायिनि वेदनुते ॥ ११॥

dhimi dhimi dhindhimi dhindhimi dhindhimi dundubhinādasupūrṇadiśeghuma ghuma ghuṅghuma ghuṅghuma ghuṅghuma śaṅkhaninādasutuṣṭivaśe |naṭanakalāpaṭudevanaṭīkulacaṅkramanartanadattadṛśejaya jaya he madhusūdanamohini modavidhāyini vedanute || 11||

हरिहरपूजनमद्भुतभाषणमष्टसुसिद्धिमुपानय मेमधुकृतपायसमुद्गकृतौदनभक्ष्यनिवेदनतुष्टमते ।सकलसुमार्पणपूजनसम्भ्रमदेववधूकुलसंवलितेजय जय हे मधुसूदनमोहिनि मोदविधायिनि वेदनुते ॥ १२॥

hariharapūjanamadbhutabhāṣaṇamaṣṭasusiddhimupānaya memadhukṛtapāyasamudgakṛtaudanabhakṣyanivedanatuṣṭamate |sakalasumārpaṇapūjanasambhramadevavadhūkulasaṃvalitejaya jaya he madhusūdanamohini modavidhāyini vedanute || 12||

अनवधिमङ्गलमार्तिविनाशनमच्युतसेवनमम्ब रमेनिखिलकलामतिमास्तिकसङ्गममिन्द्रियपाटवमर्पय मे ।अमितमहोदयमिष्टसमागममष्टसुसम्पदमाशु ममजय जय हे मधुसूदनमोहिनि मोदविधायिनि वेदनुते ॥ १३॥

anavadhimaṅgalamārtivināśanamacyutasevanamamba ramenikhilakalāmatimāstikasaṅgamamindriyapāṭavamarpaya me |amitamahodayamiṣṭasamāgamamaṣṭasusampadamāśu mamajaya jaya he madhusūdanamohini modavidhāyini vedanute || 13||

करधृतशुक्लसुमावलिनिर्मितहारगजीवृतपार्श्वतलेकमलनिवासिनि शोकविनाशिनि दैवसुवासिनि लक्ष्म्यभिदे ।निजरमणारुणचन्दनचर्चितचम्पकहारसुचारुगलेजय जय हे मधुसूदनमोहिनि मोदविधायिनि वेदनुते ॥ १४॥

karadhṛtaśuklasumāvalinirmitahāragajīvṛtapārśvatalekamalanivāsini śokavināśini daivasuvāsini lakṣmyabhide |nijaramaṇāruṇacandanacarcitacampakahārasucārugalejaya jaya he madhusūdanamohini modavidhāyini vedanute || 14||

अनघमनन्तपदान्वितरामसुदीक्षितसत्कृतपद्यमिदंपठति शृणोति च भक्तियुतो यदि भाग्यसमृद्धिमथो लभते ।द्विजवरदेशिकसन्नुतितुष्टरमे परिपालय लोकमिमंजय जय हे मधुसूदनमोहिनि मोदविधायिनि वेदनुते ॥ १५॥

anaghamanantapadānvitarāmasudīkṣitasatkṛtapadyamidaṃpaṭhati śṛṇoti ca bhaktiyuto yadi bhāgyasamṛddhimatho labhate |dvijavaradeśikasannutituṣṭarame paripālaya lokamimaṃjaya jaya he madhusūdanamohini modavidhāyini vedanute || 15||

इति श्री अनन्तरामदीक्षितेन विरचितः श्रीमहालक्ष्मीस्तवः सम्पूर्णः ।

iti śrī anantarāmadīkṣitena viracitaḥ śrīmahālakṣmīstavaḥ sampūrṇaḥ |