लक्ष्मीनृसिंहसुप्रभातविंशतिः Lakshminrisimha Suprabhata Vimshatih

पराङ्कुशमुनि विरचिताअम्ब प्रसन्नशरदिन्दुमुखि प्रपन्नपङ्कच्छटादलनपादसरोजयुग्मे ।लक्ष्मीनृसिंहपरिरम्भणरम्यगात्रेलक्ष्मीनृसिंहदयिते तव सुप्रभातम् ॥ १॥

parāṅkuśamuni viracitāamba prasannaśaradindumukhi prapannapaṅkacchaṭādalanapādasarojayugme |lakṣmīnṛsiṃhaparirambhaṇaramyagātrelakṣmīnṛsiṃhadayite tava suprabhātam || 1||

भानुः स्वभानुपरिरम्भणजृम्भदब्जपालिर्वलारिहरिदङ्गणमेति दीव्यन् ।शश्वद् विनश्यति च नैशमिदं तमिस्रंलक्ष्मीनृसिंह भगवन् तव सुप्रभातम् ॥ २॥

bhānuḥ svabhānuparirambhaṇajṛmbhadabjapālirvalāriharidaṅgaṇameti dīvyan |śaśvad vinaśyati ca naiśamidaṃ tamisraṃlakṣmīnṛsiṃha bhagavan tava suprabhātam || 2||

यः पद्मिनीं स्वविरहेण कलङ्किसङ्गभीत्येव सङ्कुचितनालकराब्जवक्त्राम् ।आश्वासयन्नुदयमेति मुहुः कराग्रैर्लक्ष्मीनृसिंह भगवन् तव सुप्रभातम् ॥ ३॥

yaḥ padminīṃ svaviraheṇa kalaṅkisaṅgabhītyeva saṅkucitanālakarābjavaktrām |āśvāsayannudayameti muhuḥ karāgrairlakṣmīnṛsiṃha bhagavan tava suprabhātam || 3||

दोषाकरो निशि पयोजसुहृद्वियोगदूरां स्पृशन् निजकरैर्नलिनीं विभाते ।मित्रेण दृष्ट उपधाव्य निलीयतेऽब्धौलक्ष्मीनृसिंह भगवन् तव सुप्रभातम् ॥ ४॥

doṣākaro niśi payojasuhṛdviyogadūrāṃ spṛśan nijakarairnalinīṃ vibhāte |mitreṇa dṛṣṭa upadhāvya nilīyate'bdhaulakṣmīnṛsiṃha bhagavan tava suprabhātam || 4||

भावत्कपादनखचन्द्ररुचिद्रवत्स्वभावोच्चलन्नयननिःसृतबाष्पपूराः ।विप्रा हरिर्हरिरिति स्फुटमीरयन्तिलक्ष्मीनृसिंह भगवन् तव सुप्रभातम् ॥ ५॥

bhāvatkapādanakhacandrarucidravatsvabhāvoccalannayananiḥsṛtabāṣpapūrāḥ |viprā harirhaririti sphuṭamīrayantilakṣmīnṛsiṃha bhagavan tava suprabhātam || 5||

गम्भीरवारिभवपङ्कजपत्रनेत्रंध्यात्वा द्विजास्तरणिमण्डलमण्डनं त्वाम् ।अर्घ्यं भवत्पदसरोजयुगे क्षिपन्तिलक्ष्मीनृसिंह भगवन् तव सुप्रभातम् ॥ ६॥

gambhīravāribhavapaṅkajapatranetraṃdhyātvā dvijāstaraṇimaṇḍalamaṇḍanaṃ tvām |arghyaṃ bhavatpadasarojayuge kṣipantilakṣmīnṛsiṃha bhagavan tava suprabhātam || 6||

आसन्नतिम्मकरगर्भतयेव शक्रकाष्ठामुखं विलुलितोडुगणाग्र्यजालम् ।दूरीकृतेन्दुतिलकं प्रविभाति पाण्डुलक्ष्मीनृसिंह भगवन् तव सुप्रभातम् ॥ ७॥

āsannatimmakaragarbhatayeva śakrakāṣṭhāmukhaṃ vilulitoḍugaṇāgryajālam |dūrīkṛtendutilakaṃ pravibhāti pāṇḍulakṣmīnṛsiṃha bhagavan tava suprabhātam || 7||

विप्रास्त्रभिन्नकरकन्धरसन्धिबन्धमन्देहदेहनिवहैरिव मेघखण्डैः ।मुक्तः पुरा स्वयमुदेति वियद् दिनेशोलक्ष्मीनृसिंह भगवन् तव सुप्रभातम् ॥ ८॥

viprāstrabhinnakarakandharasandhibandhamandehadehanivahairiva meghakhaṇḍaiḥ |muktaḥ purā svayamudeti viyad dineśolakṣmīnṛsiṃha bhagavan tava suprabhātam || 8||

पद्मालयेषु गृहिणो नियताः प्रभाभिःकिञ्जल्ककर्मठगणा मकरन्दभिक्षाम् ।विश्राणयन्त्यलिवटुभ्य उपागतेभ्योलक्ष्मीनृसिंह भगवन् तव सुप्रभातम् ॥ ९॥

padmālayeṣu gṛhiṇo niyatāḥ prabhābhiḥkiñjalkakarmaṭhagaṇā makarandabhikṣām |viśrāṇayantyalivaṭubhya upāgatebhyolakṣmīnṛsiṃha bhagavan tava suprabhātam || 9||

दूरं गते कुमुदिनी रमणेऽतिमत्तगायन्मधुव्रतहठात्करणातिभीता ।द्वारं गृहस्य पिदधाति दलाररेणलक्ष्मीनृसिंह भगवन् तव सुप्रभातम् ॥ १०॥

dūraṃ gate kumudinī ramaṇe'timattagāyanmadhuvratahaṭhātkaraṇātibhītā |dvāraṃ gṛhasya pidadhāti dalārareṇalakṣmīnṛsiṃha bhagavan tava suprabhātam || 10||

श्रीरङ्गनाथशठजिद्गुरुसार्वभौमाःकृत्वाह्निकं भुवनमङ्गलमादरात् त्वाम् ।उद्बोधयन्ति विजयी भव माधवेतिलक्ष्मीनृसिंह भगवन् तव सुप्रभातम् ॥ ११॥

śrīraṅganāthaśaṭhajidgurusārvabhaumāḥkṛtvāhnikaṃ bhuvanamaṅgalamādarāt tvām |udbodhayanti vijayī bhava mādhavetilakṣmīnṛsiṃha bhagavan tava suprabhātam || 11||

अम्भोजिनी निजकरैः कमने सुदूरादागत्य ताडयति पत्रकवाटमाशु ।उद्धाट्य पृच्छति सुखागमनं मिलिन्दैर्लक्ष्मीनृसिंह भगवन् तव सुप्रभातम् ॥ १२॥

ambhojinī nijakaraiḥ kamane sudūrādāgatya tāḍayati patrakavāṭamāśu |uddhāṭya pṛcchati sukhāgamanaṃ milindairlakṣmīnṛsiṃha bhagavan tava suprabhātam || 12||

सन्तस्त्वदीयपदपङ्कजवन्दनाभिर्ध्यानार्चनस्तुतिनमस्कृतिबद्धभावाः ।त्वां सर्वलोकशरणं प्रणमन्ति भूयोलक्ष्मीनृसिंह भगवन् तव सुप्रभातम् ॥ १३॥

santastvadīyapadapaṅkajavandanābhirdhyānārcanastutinamaskṛtibaddhabhāvāḥ |tvāṃ sarvalokaśaraṇaṃ praṇamanti bhūyolakṣmīnṛsiṃha bhagavan tava suprabhātam || 13||

ध्यायन्ति भान्ति परियन्ति वदन्ति सन्तितिष्ठन्ति यान्त्यभिनमन्ति समाह्वयन्ति ।आकर्णयन्त्यनुवदन्ति नुवन्ति सन्तोलक्ष्मीनृसिंह भगवन् तव सुप्रभातम् ॥ १४॥

dhyāyanti bhānti pariyanti vadanti santitiṣṭhanti yāntyabhinamanti samāhvayanti |ākarṇayantyanuvadanti nuvanti santolakṣmīnṛsiṃha bhagavan tava suprabhātam || 14||

गायन्ति भृङ्गनिवहाः सरसीरुहेषुभ्राम्यन्ति पान्थनिचयास्तरुणीजनेषु ।आयान्ति मन्दमरुतस्तटिनीतटेषुलक्ष्मीनृसिंह भगवन् तव सुप्रभातम् ॥ १५॥

gāyanti bhṛṅganivahāḥ sarasīruheṣubhrāmyanti pānthanicayāstaruṇījaneṣu |āyānti mandamarutastaṭinītaṭeṣulakṣmīnṛsiṃha bhagavan tava suprabhātam || 15||

मत्ता गजेन्द्र विसररास्तुरगैर्नदन्त्युन्नृत्तास्तुरङ्गततयः प्रचरन्ति सोक्षाः ।दृप्ता महोक्षनिकराः प्रभजन्ति धेनूर्लक्ष्मीनृसिंह भगवन् तव सुप्रभातम् ॥ १६॥

mattā gajendra visararāsturagairnadantyunnṛttāsturaṅgatatayaḥ pracaranti sokṣāḥ |dṛptā mahokṣanikarāḥ prabhajanti dhenūrlakṣmīnṛsiṃha bhagavan tava suprabhātam || 16||

काकाः प्रयान्ति कुहराणि पुरीगृहाणांघूकाः प्रयान्ति कुहराणि महीरुहाणाम् ।कोकाः प्रयान्ति कुहराणि सरोरुहाणांलक्ष्मीनृसिंह भगवन् तव सुप्रभातम् ॥ १७॥

kākāḥ prayānti kuharāṇi purīgṛhāṇāṃghūkāḥ prayānti kuharāṇi mahīruhāṇām |kokāḥ prayānti kuharāṇi saroruhāṇāṃlakṣmīnṛsiṃha bhagavan tava suprabhātam || 17||

डोलोत्सवे सुरगणैरशितेषु तारादुग्धान्नखण्डनिवहेष्वजमुख्यदेयाः ।भागा इवेन्दुधिषणोशनसः प्रयान्तिलक्ष्मीनृसिंह भगवन् तव सुप्रभातम् ॥ १८॥

ḍolotsave suragaṇairaśiteṣu tārādugdhānnakhaṇḍanivaheṣvajamukhyadeyāḥ |bhāgā ivendudhiṣaṇośanasaḥ prayāntilakṣmīnṛsiṃha bhagavan tava suprabhātam || 18||

विधिशङ्करशक्रविभावित भोविजितामरवैरिकदम्ब विभो ।विविधागमसारविहार हरेविजयी भव देव रमानृहरे ॥ १९॥

vidhiśaṅkaraśakravibhāvita bhovijitāmaravairikadamba vibho |vividhāgamasāravihāra harevijayī bhava deva ramānṛhare || 19||

झष कूर्म वराह वटोऽरिपटोभृगुनन्दन राघव धेनुकहन् ।वसुदेवसुतानघ कल्कितनोविजयी भव देव रमानृहरे ॥ २०॥

jhaṣa kūrma varāha vaṭo'ripaṭobhṛgunandana rāghava dhenukahan |vasudevasutānagha kalkitanovijayī bhava deva ramānṛhare || 20||

रङ्गाधिराजशठजिद्गुरुपादपद्मभृङ्गः पराङ्कुशयतीन्द्रतपोधनेशः ।हृद्यं ततान नतमङ्गलदायि पद्मासद्मायिताङ्कनरकेसरिसुप्रभातम् ॥ २१॥

raṅgādhirājaśaṭhajidgurupādapadmabhṛṅgaḥ parāṅkuśayatīndratapodhaneśaḥ |hṛdyaṃ tatāna natamaṅgaladāyi padmāsadmāyitāṅkanarakesarisuprabhātam || 21||

इति महादेवविरचिता श्रीलक्ष्मीनृसिंहसुप्रभातविंशतिः समाप्ता ।स्तोत्रसमुच्चयः २ (७३)

iti mahādevaviracitā śrīlakṣmīnṛsiṃhasuprabhātaviṃśatiḥ samāptā |stotrasamuccayaḥ 2 (73)