सुदर्शनकवचम् ४ Sudarshanakavacham 4

श्रीकृष्णाय नमः ॥ श्रीगोपीजनवल्लभाय नमः ॥अथ विनियोगःॐ अस्य श्रीसुदर्शनकवचमहामन्त्रस्य नारायणऋषिः ।श्रीसुदर्शनो देवता ॥ गायत्री छन्दः ॥ दुष्टं दारयतीति कीलकम् ॥हन हन द्विष इति बीजम् ॥सर्वशत्रुक्षयार्थे सुदर्शनस्तोत्रपाठे विनियोगः ॥अथ न्यासःॐ नारायणऋषये नमः शिरसि ॥ॐ गायत्री छन्दसे नमः मुखे ॥ॐ दुष्टं दारयतीति कीलकाय नमः हृदये ॥ॐ ह्रां ह्रीं ह्रूं द्विष इति बीजाय नमः गुह्ये ॥ॐ सुदर्शने ज्वलत्पावकसङ्काशेति कीलकाय नमः सर्वाङ्गे ॥इति ऋष्यादिः ॥अथ हृदयादिन्यासःॐ नारायणऋषये नमः अङ्गुष्ठाभ्यां नमः ॥ॐ गायत्रीछन्दसे नमः तर्जनीभ्यां नमः ।ॐ दुष्टं दारयतीति कीलकाय नमः मध्यमाभ्यां नमः ॥ॐ ह्रां ह्रीं ह्रूं द्विष इति बीजाय नमः अनामिकाभ्यां नमः ॥ॐ सर्वशत्रुक्षयार्थे श्रीसुदर्शनदेवतेतिकरतलकरपृष्ठाभ्यां नमः ॥ॐ नारायणऋषये नमः हृदयाय नमः ॥ॐ गायत्रीछन्दसे नमः शिरसे स्वाहा ॥ॐ दुष्टं दारयतीति कीलकाय नमः शिखायै वषट् ॥ॐ ह्रां ह्रीं ह्रूं द्विष इति बीजाय नमः कवचाय हुम् ॥ॐ सुदर्शन ज्वलत्पावकसङ्काशेति नेत्रत्रयाय वौषट् ॥ॐ सर्वशत्रुक्षयार्थे सुदर्शनदेवतेति अस्त्राय फट् ॥इति न्यासं विधाय ध्यानं कुर्यात् ।अथ ध्यानम् ।सुदर्शनं महावेगं गोविन्दस्य प्रियायुधम् ।ज्वलत्पावकसङ्काशं सर्वशत्रुविनाशनम् ॥ १॥

śrīkṛṣṇāya namaḥ || śrīgopījanavallabhāya namaḥ ||atha viniyogaḥoṃ asya śrīsudarśanakavacamahāmantrasya nārāyaṇaṛṣiḥ |śrīsudarśano devatā || gāyatrī chandaḥ || duṣṭaṃ dārayatīti kīlakam ||hana hana dviṣa iti bījam ||sarvaśatrukṣayārthe sudarśanastotrapāṭhe viniyogaḥ ||atha nyāsaḥoṃ nārāyaṇaṛṣaye namaḥ śirasi ||oṃ gāyatrī chandase namaḥ mukhe ||oṃ duṣṭaṃ dārayatīti kīlakāya namaḥ hṛdaye ||oṃ hrāṃ hrīṃ hrūṃ dviṣa iti bījāya namaḥ guhye ||oṃ sudarśane jvalatpāvakasaṅkāśeti kīlakāya namaḥ sarvāṅge ||iti ṛṣyādiḥ ||atha hṛdayādinyāsaḥoṃ nārāyaṇaṛṣaye namaḥ aṅguṣṭhābhyāṃ namaḥ ||oṃ gāyatrīchandase namaḥ tarjanībhyāṃ namaḥ |oṃ duṣṭaṃ dārayatīti kīlakāya namaḥ madhyamābhyāṃ namaḥ ||oṃ hrāṃ hrīṃ hrūṃ dviṣa iti bījāya namaḥ anāmikābhyāṃ namaḥ ||oṃ sarvaśatrukṣayārthe śrīsudarśanadevatetikaratalakarapṛṣṭhābhyāṃ namaḥ ||oṃ nārāyaṇaṛṣaye namaḥ hṛdayāya namaḥ ||oṃ gāyatrīchandase namaḥ śirase svāhā ||oṃ duṣṭaṃ dārayatīti kīlakāya namaḥ śikhāyai vaṣaṭ ||oṃ hrāṃ hrīṃ hrūṃ dviṣa iti bījāya namaḥ kavacāya hum ||oṃ sudarśana jvalatpāvakasaṅkāśeti netratrayāya vauṣaṭ ||oṃ sarvaśatrukṣayārthe sudarśanadevateti astrāya phaṭ ||iti nyāsaṃ vidhāya dhyānaṃ kuryāt |atha dhyānam |sudarśanaṃ mahāvegaṃ govindasya priyāyudham |jvalatpāvakasaṅkāśaṃ sarvaśatruvināśanam || 1||

कृष्णप्राप्तिकरं शश्वद्भक्तानां भयभञ्जनम् ।सङ्ग्रामे जयदं तस्माद्ध्यायेदेवं सुदर्शनम् ॥ २॥

kṛṣṇaprāptikaraṃ śaśvadbhaktānāṃ bhayabhañjanam |saṅgrāme jayadaṃ tasmāddhyāyedevaṃ sudarśanam || 2||

अथ मन्त्रःॐ ह्रां ह्रीं ह्र्रूं नमो भगवते भो भो सुदर्शनचक्रदुष्टं दारय दारयदुरितं हन हन पापं मथ मथ आरोग्यं कुरु कुरु हुं फट् स्वाहा ॥अथ सुदर्शनकवचम् ।श्री कृष्णाय नमः ॥ श्रीगोपीजनवल्लभाय नमः ॥ॐ वैष्णवानां हि रक्षार्थं श्रीवल्लभनिरूपितः ।सुदर्शनमहामन्त्रो वैष्णवानां हितावहः ॥ १॥

atha mantraḥoṃ hrāṃ hrīṃ hrrūṃ namo bhagavate bho bho sudarśanacakraduṣṭaṃ dāraya dārayaduritaṃ hana hana pāpaṃ matha matha ārogyaṃ kuru kuru huṃ phaṭ svāhā ||atha sudarśanakavacam |śrī kṛṣṇāya namaḥ || śrīgopījanavallabhāya namaḥ ||oṃ vaiṣṇavānāṃ hi rakṣārthaṃ śrīvallabhanirūpitaḥ |sudarśanamahāmantro vaiṣṇavānāṃ hitāvahaḥ || 1||

यन्त्रमध्ये निरूप्यन्ते चक्राकारं च लिख्यते ।उत्तरागर्भरक्षा च परीक्षितहिते रतः ॥ २॥

yantramadhye nirūpyante cakrākāraṃ ca likhyate |uttarāgarbharakṣā ca parīkṣitahite rataḥ || 2||

ब्रह्मास्त्रवारणं चैव भक्तानां भयभञ्जनः ।वधं च दुष्टदैत्यानां खण्डं खण्डं च कारकः ॥ ३॥

brahmāstravāraṇaṃ caiva bhaktānāṃ bhayabhañjanaḥ |vadhaṃ ca duṣṭadaityānāṃ khaṇḍaṃ khaṇḍaṃ ca kārakaḥ || 3||

वैष्णवानां हितार्थाय चक्रं धारयते हरिः ।पीताम्बरः परब्रह्म वनमाली गदाधरः ॥ ४॥

vaiṣṇavānāṃ hitārthāya cakraṃ dhārayate hariḥ |pītāmbaraḥ parabrahma vanamālī gadādharaḥ || 4||

कोटिकन्दर्पलावण्यो गोपिकाप्राणवल्लभः ।श्रीवल्लभः कृपानाथो गिरिधृक् शत्रुमर्दनः ॥ ५॥

koṭikandarpalāvaṇyo gopikāprāṇavallabhaḥ |śrīvallabhaḥ kṛpānātho giridhṛk śatrumardanaḥ || 5||

दावाग्निपानकर्ता च गोपीभयनिवारकः ।गापालो गोपकन्याभिः समावृत्तोऽधितिष्ठते ॥ ६॥

dāvāgnipānakartā ca gopībhayanivārakaḥ |gāpālo gopakanyābhiḥ samāvṛtto'dhitiṣṭhate || 6||

व्रजमण्डलप्रकाशी च रामकृष्णजगन्मयः ।गोगोपिकासमाकीर्णो वेणुवादनतत्परः ॥ ७॥

vrajamaṇḍalaprakāśī ca rāmakṛṣṇajaganmayaḥ |gogopikāsamākīrṇo veṇuvādanatatparaḥ || 7||

कामरूपी कलावांश्च कामिन्यां कामदो विभुः ।मन्मथो मथुरानाथो माधवो मकरध्वजः ॥ ८॥

kāmarūpī kalāvāṃśca kāminyāṃ kāmado vibhuḥ |manmatho mathurānātho mādhavo makaradhvajaḥ || 8||

श्रीधरः श्रीकरश्चैव श्रीनिवासः सतां गतिः ।भुक्तिदो मुक्तिदो विष्णुर्भूधरो भूतभावनः ॥ ९॥

śrīdharaḥ śrīkaraścaiva śrīnivāsaḥ satāṃ gatiḥ |bhuktido muktido viṣṇurbhūdharo bhūtabhāvanaḥ || 9||

सर्वदुःखहरो वीरो दुष्टदैत्यविनाशकः ।श्रीनृसिंहो महाविष्णुः श्रीनिवासः सतां गतिः ॥ १०॥

sarvaduḥkhaharo vīro duṣṭadaityavināśakaḥ |śrīnṛsiṃho mahāviṣṇuḥ śrīnivāsaḥ satāṃ gatiḥ || 10||

चिदानन्दमयो नित्यः पूर्णब्रह्मसनातनः ।कोटिभानुप्राकाशी च निश्चितार्थस्वरूपकः ॥ ११॥

cidānandamayo nityaḥ pūrṇabrahmasanātanaḥ |koṭibhānuprākāśī ca niścitārthasvarūpakaḥ || 11||

भक्तप्रियः पद्मनेत्रो भक्तानां वाञ्छितप्रदः ।हृदि कृष्णो मुखे कृष्णो नेत्रे कृष्णश्च कर्णयोः ॥ १२॥

bhaktapriyaḥ padmanetro bhaktānāṃ vāñchitapradaḥ |hṛdi kṛṣṇo mukhe kṛṣṇo netre kṛṣṇaśca karṇayoḥ || 12||

भक्तिप्रियश्च श्रीकृष्णः सर्वं कृष्णमयं जगत् ।कालमृत्युयमाहूतं भूतप्रेतो न दृश्यते ॥ १३॥

bhaktipriyaśca śrīkṛṣṇaḥ sarvaṃ kṛṣṇamayaṃ jagat |kālamṛtyuyamāhūtaṃ bhūtapreto na dṛśyate || 13||

पिशाचा राक्षसाश्चैव हृदि रोगाश्च दारुणाः ।भूचराः खेचराः सर्वे डाकिनी शाकिनी तथा ॥ १४॥

piśācā rākṣasāścaiva hṛdi rogāśca dāruṇāḥ |bhūcarāḥ khecarāḥ sarve ḍākinī śākinī tathā || 14||

नाटकं चेटकं चैव छलं छिद्रं न दृश्यते ।अकाले मरणं तस्य शोकदुःखं न लभ्यते ॥ १५॥

nāṭakaṃ ceṭakaṃ caiva chalaṃ chidraṃ na dṛśyate |akāle maraṇaṃ tasya śokaduḥkhaṃ na labhyate || 15||

सर्वविघ्नं क्षयं याति रक्ष मे गोपिकाप्रिय ।भयदावाग्निचौराणां विग्रहे राजसङ्कटे ॥ १६॥

sarvavighnaṃ kṣayaṃ yāti rakṣa me gopikāpriya |bhayadāvāgnicaurāṇāṃ vigrahe rājasaṅkaṭe || 16||

व्यालव्याघ्रमहाशत्रुवैरिबन्धो न लभ्यते ।आधिव्याधिहरश्चैव ग्रहपीडाविनाशनम् ॥ १७॥

vyālavyāghramahāśatruvairibandho na labhyate |ādhivyādhiharaścaiva grahapīḍāvināśanam || 17||

इमे सप्तशश्लोका यन्त्रमध्ये च लिख्यते ।वंशवृद्धिर्भवेत्तस्य श्रोता च फलमाप्नुयात् ॥ १८॥

ime saptaśaślokā yantramadhye ca likhyate |vaṃśavṛddhirbhavettasya śrotā ca phalamāpnuyāt || 18||

कृष्णाष्टमीं समारभ्य यावतकृष्णाष्टमी भवेत् ।देवं ध्यात्वा जपेन्मत्रमयुतानां चतुष्टयम् ॥ १९॥

kṛṣṇāṣṭamīṃ samārabhya yāvatakṛṣṇāṣṭamī bhavet |devaṃ dhyātvā japenmatramayutānāṃ catuṣṭayam || 19||

वैष्णवानां हि रक्षार्थं वैष्णवानां हिताय च ।सुदर्शनमहामन्त्रो लभते जयमङ्गलम् ।सर्वपापहर कृष्ण त्वामहं शरणं गतः ॥ २०॥

vaiṣṇavānāṃ hi rakṣārthaṃ vaiṣṇavānāṃ hitāya ca |sudarśanamahāmantro labhate jayamaṅgalam |sarvapāpahara kṛṣṇa tvāmahaṃ śaraṇaṃ gataḥ || 20||

इति श्रीमद्वल्लभाचार्यचरणविरचितं श्रीसुदर्शनकवचं सम्पूर्णम् ।

iti śrīmadvallabhācāryacaraṇaviracitaṃ śrīsudarśanakavacaṃ sampūrṇam |