स्फुरत्कृष्णप्रेमामृतस्तोत्रम् Sphuratkrishnapremamritastotram

स्फुरत्कृष्णप्रेमामृतरसभरेणातिभरिताविहारात्कुर्वाणा व्रजपतिविहाराब्धिषु सदा ।प्रिया गोपीभर्तुः स्फुरतु सततं वल्लभ इतिप्रधावत्यस्माकं हृदि सुभगमूर्तिः सकरुणा ॥ १॥

sphuratkṛṣṇapremāmṛtarasabhareṇātibharitāvihārātkurvāṇā vrajapativihārābdhiṣu sadā |priyā gopībhartuḥ sphuratu satataṃ vallabha itipradhāvatyasmākaṃ hṛdi subhagamūrtiḥ sakaruṇā || 1||

श्रीभागवतप्रतिपदमणिवरभावांशुभूषिता मूर्तिः ।श्रीवल्लभाभिधानस्तनोति निजदास्यसौभाग्यम् ॥ २॥

śrībhāgavatapratipadamaṇivarabhāvāṃśubhūṣitā mūrtiḥ |śrīvallabhābhidhānastanoti nijadāsyasaubhāgyam || 2||

मायावादतमो निरस्य मधुभित्सेवाख्यवर्त्माद्भुतंश्रीमद्गोकुलनाथसङ्गमसुधासम्प्रापकं तत्क्षणात् ।दुष्प्रापं प्रकटीचकार करुणारागादिसम्मोहनःस श्रीवल्लभभानुरुल्लसति यः श्रीवल्लवीशान्तरः ॥ ३॥

māyāvādatamo nirasya madhubhitsevākhyavartmādbhutaṃśrīmadgokulanāthasaṅgamasudhāsamprāpakaṃ tatkṣaṇāt |duṣprāpaṃ prakaṭīcakāra karuṇārāgādisammohanaḥsa śrīvallabhabhānurullasati yaḥ śrīvallavīśāntaraḥ || 3||

क्वचित्पाण्डित्यं चेन्न निगमगतिः सापि यदि नक्रिया सा सापि स्याद्यदि न हरिमार्गे परिचयः ।यदि स्यात्सोऽपि श्रीव्रजपतिरतिर्नेति निखिलैर्गुणैरन्यः को वा विलससि विना वल्लभवरम् ॥ ४॥

kvacitpāṇḍityaṃ cenna nigamagatiḥ sāpi yadi nakriyā sā sāpi syādyadi na harimārge paricayaḥ |yadi syātso'pi śrīvrajapatiratirneti nikhilairguṇairanyaḥ ko vā vilasasi vinā vallabhavaram || 4||

मायावादिकरीन्द्रदर्पदलनेनास्येन्दुराजोद्गतश्रीमद्भागवताख्यदुर्लभसुधावर्षेण वेदोक्तिभिः ।राधावल्लभसेवया तदुचितप्रेम्णोपदेशैरपिश्रीमद्वल्लभनामधेयसदृशो भावी न भूतोऽस्त्यपि ॥ ५॥

māyāvādikarīndradarpadalanenāsyendurājodgataśrīmadbhāgavatākhyadurlabhasudhāvarṣeṇa vedoktibhiḥ |rādhāvallabhasevayā taducitapremṇopadeśairapiśrīmadvallabhanāmadheyasadṛśo bhāvī na bhūto'styapi || 5||

यदङ्घ्रिनखमण्डलप्रसृतवारिपीयूषयुग्वराङ्गहृदयैः कलिस्तृणमिवेह तुच्छीकृतः ।व्रजाधिपतिरिन्दिराप्रभृतिमृग्यपादाम्बुजःक्षणेन परितोषितस्तदनुगत्वमेवास्तु मे ॥ ६॥

yadaṅghrinakhamaṇḍalaprasṛtavāripīyūṣayugvarāṅgahṛdayaiḥ kalistṛṇamiveha tucchīkṛtaḥ |vrajādhipatirindirāprabhṛtimṛgyapādāmbujaḥkṣaṇena paritoṣitastadanugatvamevāstu me || 6||

अघौघतमसाऽऽवृतं कलिभुजङ्गमासादितंजगद्विषयसागरे पतितमस्वधर्मे रतम् ।यदीक्षणसुधानिधिः समुदितोऽनुकम्पामृतादमृत्युमकरोत्क्षणादरणमस्तु मे तत्पदम् ॥ ७॥

aghaughatamasā''vṛtaṃ kalibhujaṅgamāsāditaṃjagadviṣayasāgare patitamasvadharme ratam |yadīkṣaṇasudhānidhiḥ samudito'nukampāmṛtādamṛtyumakarotkṣaṇādaraṇamastu me tatpadam || 7||

इति श्रीविठ्ठलेश्वरविरचितं स्फुरत्कृष्णप्रेमामृतस्तोत्रं सम्पूर्णम् ।

iti śrīviṭhṭhaleśvaraviracitaṃ sphuratkṛṣṇapremāmṛtastotraṃ sampūrṇam |