मुकुन्दस्तोत्रम् Shri Mukundastotram

श्रीधाम्नि दुग्धोदधिपुण्डरीके यश्चञ्चरीकद्युतिमातनोति ।नीलोत्पलश्यामलदेहकान्तिः स वोऽस्तु भूत्यै भगवान्मुकुन्दः ॥ १॥

śrīdhāmni dugdhodadhipuṇḍarīke yaścañcarīkadyutimātanoti |nīlotpalaśyāmaladehakāntiḥ sa vo'stu bhūtyai bhagavānmukundaḥ || 1||

वृन्दारका यस्य भवन्ति भृङ्गाः मन्दाकिनी यन्मकरन्दबिन्दुः ।तवारविन्दाक्ष पदारविन्दं वन्दे चतुर्वर्गचतुष्पदं तत् ॥ २॥

vṛndārakā yasya bhavanti bhṛṅgāḥ mandākinī yanmakarandabinduḥ |tavāravindākṣa padāravindaṃ vande caturvargacatuṣpadaṃ tat || 2||

जयत्युपेन्द्रः स चकार दूतो बिभित्सया यः क्षणलब्धलक्ष्यया ।दृशेव कोपारुणया रिपोरुरः स्वयं भयाद्भिन्नमिवास्रपाटलम् ॥ ३॥

jayatyupendraḥ sa cakāra dūto bibhitsayā yaḥ kṣaṇalabdhalakṣyayā |dṛśeva kopāruṇayā riporuraḥ svayaṃ bhayādbhinnamivāsrapāṭalam || 3||

सकलभुवनबन्धोर्वैरमिन्दोः सरोजैःअनुचितमिति मत्वा यः स्वपादारविन्दम् ।घटयितुमिव मायी योजयत्याननेन्दौवटदलपुटशायी मङ्गलं वः कृष्टीष्ट ॥ ४॥

sakalabhuvanabandhorvairamindoḥ sarojaiḥanucitamiti matvā yaḥ svapādāravindam |ghaṭayitumiva māyī yojayatyānanendauvaṭadalapuṭaśāyī maṅgalaṃ vaḥ kṛṣṭīṣṭa || 4||

जीयादम्बुधितनयाऽधररसमास्वादयन्मुरारिरयम् ।अम्बुधिमथनक्लेशं कलयन्विफलं च सफलं च ॥ ४॥

jīyādambudhitanayā'dhararasamāsvādayanmurārirayam |ambudhimathanakleśaṃ kalayanviphalaṃ ca saphalaṃ ca || 4||

इति श्रीमुकुन्दस्तोत्रं सम्पूर्णम् ।

iti śrīmukundastotraṃ sampūrṇam |