गोवर्धनाष्टकम् २ Shri Govardhanashtakam 2

द्वितीयं गोवर्धनाष्टकंश्रीगोवर्धनाय नमः ।नीलस्तम्भोज्ज्वलरुचिभरैर्मण्डिते बाहुदण्डेछत्रच्छायां दधदघरिपोर्लब्धसप्ताहवासः ।धारापातग्लपितमनसां रक्षिता गोकुलानांकृष्णप्रेयान् प्रथयतु सदा शर्म गोवर्धनो नः ॥ १॥

dvitīyaṃ govardhanāṣṭakaṃśrīgovardhanāya namaḥ |nīlastambhojjvalarucibharairmaṇḍite bāhudaṇḍechatracchāyāṃ dadhadaghariporlabdhasaptāhavāsaḥ |dhārāpātaglapitamanasāṃ rakṣitā gokulānāṃkṛṣṇapreyān prathayatu sadā śarma govardhano naḥ || 1||

भीतो यस्मादपरिगणयन् बान्धवस्नेहबन्धान्सिन्धावद्रिस्त्वरितमविशत् पार्वतीपूर्वजोऽपि ।यस्तं जम्भुद्विषमकुरुत स्तम्भसम्भेदशून्यंस प्रौढात्मा प्रथयतु सदा शर्म गोवर्धनो नः ॥ २॥

bhīto yasmādaparigaṇayan bāndhavasnehabandhānsindhāvadristvaritamaviśat pārvatīpūrvajo'pi |yastaṃ jambhudviṣamakuruta stambhasambhedaśūnyaṃsa prauḍhātmā prathayatu sadā śarma govardhano naḥ || 2||

आविष्कृत्य प्रकटमुकुटाटोपमङ्गं स्थवीयःशैलोऽस्मीति स्फुटमभिदधत् तुष्टिविस्फारदृष्टिः ।यस्मै कृष्णः स्वयमरसयद् वल्लवैर्दत्तमन्नंधन्यः सोऽयं प्रथयतु सदा शर्म गोवर्धनो नः ॥ ३॥

āviṣkṛtya prakaṭamukuṭāṭopamaṅgaṃ sthavīyaḥśailo'smīti sphuṭamabhidadhat tuṣṭivisphāradṛṣṭiḥ |yasmai kṛṣṇaḥ svayamarasayad vallavairdattamannaṃdhanyaḥ so'yaṃ prathayatu sadā śarma govardhano naḥ || 3||

अद्याप्यूर्जप्रतिपदि महान् भ्राजते यस्य यज्ञःकृष्णोपज्ञं जगति सुरभीसैरिभीक्रीडयाढ्यः ।शष्पालम्बोत्तमतटया यः कुटुम्बं पशूनांसोऽयं भूयः प्रथयतु सदा शर्म गोवर्धनो नः ॥ ४॥

adyāpyūrjapratipadi mahān bhrājate yasya yajñaḥkṛṣṇopajñaṃ jagati surabhīsairibhīkrīḍayāḍhyaḥ |śaṣpālambottamataṭayā yaḥ kuṭumbaṃ paśūnāṃso'yaṃ bhūyaḥ prathayatu sadā śarma govardhano naḥ || 4||

श्रीगान्धर्वादयितसरसीपद्मसौरभ्यरत्नंहृत्वा शङ्कोत्करपरवशैरस्वनं सञ्चरद्भिः ।अम्भःक्षोदप्रहरिककुलेनाकुलेनानुयातैर्वातैर्जुष्टैः प्रथयतु सदा शर्म गोवर्धनो नः ॥ ५॥

śrīgāndharvādayitasarasīpadmasaurabhyaratnaṃhṛtvā śaṅkotkaraparavaśairasvanaṃ sañcaradbhiḥ |ambhaḥkṣodapraharikakulenākulenānuyātairvātairjuṣṭaiḥ prathayatu sadā śarma govardhano naḥ || 5||

कंसारातेस्तरिविलसितैरातरानङ्गरङ्गैराभीरीणां प्रणयमभितः पात्रमुन्मीलयन्त्याः ।धौतग्रावावलिरमलिनैर्मानसामर्त्यसिन्धोर्वीचिव्रातैः प्रथयतु सदा शर्म गोवर्धनो नः ॥ ६॥

kaṃsārātestarivilasitairātarānaṅgaraṅgairābhīrīṇāṃ praṇayamabhitaḥ pātramunmīlayantyāḥ |dhautagrāvāvaliramalinairmānasāmartyasindhorvīcivrātaiḥ prathayatu sadā śarma govardhano naḥ || 6||

यस्याध्यक्षः सकलहठिनामाददे चक्रवर्तीशुल्कं नान्यद् व्रजमृगदृशामर्पणाद् विग्रहस्य ।घट्टस्योच्चैर्मधुकररुचस्तस्य धामप्रपञ्चैःश्यामप्रस्थः प्रथयतु सदा शर्म गोवर्धनो नः ॥ ७॥

yasyādhyakṣaḥ sakalahaṭhināmādade cakravartīśulkaṃ nānyad vrajamṛgadṛśāmarpaṇād vigrahasya |ghaṭṭasyoccairmadhukararucastasya dhāmaprapañcaiḥśyāmaprasthaḥ prathayatu sadā śarma govardhano naḥ || 7||

गान्धर्वायाः सुरतकलहोद्दामतावावदूकैःक्लान्तश्रोत्रोत्पलवलयिभिः क्षिप्तपिञ्छावतंसैः ।कुञ्जैस्तल्पोपरि परिलुठद्वैजयन्तीपरीतैःपुण्याङ्गश्रीः प्रथयतु सदा शर्म गोवर्धनो नः ॥ ८॥

gāndharvāyāḥ suratakalahoddāmatāvāvadūkaiḥklāntaśrotrotpalavalayibhiḥ kṣiptapiñchāvataṃsaiḥ |kuñjaistalpopari pariluṭhadvaijayantīparītaiḥpuṇyāṅgaśrīḥ prathayatu sadā śarma govardhano naḥ || 8||

यस्तुष्टात्मा स्फुटमनुपठेच्छ्रद्धया शुद्धयान्तर्मेध्यः पद्याष्टकमचटुलः सुष्ठु गोवर्धनस्य ।सान्द्रं गोवर्धनधरपदद्वन्द्वशोणारविन्देविन्दन् प्रेमोत्करमिह करोत्यद्रिराजे स वासम् ॥ ९॥

yastuṣṭātmā sphuṭamanupaṭhecchraddhayā śuddhayāntarmedhyaḥ padyāṣṭakamacaṭulaḥ suṣṭhu govardhanasya |sāndraṃ govardhanadharapadadvandvaśoṇāravindevindan premotkaramiha karotyadrirāje sa vāsam || 9||

इति श्रीरूपगोस्वामिविरचितस्तवमालायां श्रीगिरीन्द्रवासानन्ददंनाम द्वितीयं श्रीगोवर्धनाष्टकं सम्पूर्णम् ।

iti śrīrūpagosvāmiviracitastavamālāyāṃ śrīgirīndravāsānandadaṃnāma dvitīyaṃ śrīgovardhanāṣṭakaṃ sampūrṇam |