धार्मिकस्तोत्रम् Shri Dharmika Stotram

(वसन्ततिलका वृत्तम्)श्रीवासुदेवविमलामृतधामवासंनारायणं नरकतारणनामधेयम् ।श्यामं सितं द्विभुजमेव चतुर्भुजं चत्वां भक्तिधर्मतनयं शरणं प्रपद्ये ॥ १॥

(vasantatilakā vṛttam)śrīvāsudevavimalāmṛtadhāmavāsaṃnārāyaṇaṃ narakatāraṇanāmadheyam |śyāmaṃ sitaṃ dvibhujameva caturbhujaṃ catvāṃ bhaktidharmatanayaṃ śaraṇaṃ prapadye || 1||

शिक्षार्थमत्र निजभक्तिमतां नराणांएकान्तधर्ममखिलं परिशीलयन्तम् ।अष्टाङ्गयोगकलनाश्च महाव्रतानित्वां भक्तिधर्मतनयं शरणं प्रपद्ये ॥ २॥

śikṣārthamatra nijabhaktimatāṃ narāṇāṃekāntadharmamakhilaṃ pariśīlayantam |aṣṭāṅgayogakalanāśca mahāvratānitvāṃ bhaktidharmatanayaṃ śaraṇaṃ prapadye || 2||

श्वासेन साकमनुलोमविलोमवृत्त्यास्वान्तर्बहिश्च भगवत्युरुधा निजस्य ।पूरे गतागतजलाम्बुधिनोपमेयंत्वां भक्तिधर्मतनयं शरणं प्रपद्ये ॥ ३॥

śvāsena sākamanulomavilomavṛttyāsvāntarbahiśca bhagavatyurudhā nijasya |pūre gatāgatajalāmbudhinopameyaṃtvāṃ bhaktidharmatanayaṃ śaraṇaṃ prapadye || 3||

बाह्यान्तरिन्द्रियगणश्वसनाधिदैववृत्युद्भवस्थितिलयानपि जायमानान् ।स्थित्वा ततः स्वमहसा पृथगीक्षमाणंत्वां भक्तिधर्मतनयं शरणं प्रपद्ये ॥ ४॥

bāhyāntarindriyagaṇaśvasanādhidaivavṛtyudbhavasthitilayānapi jāyamānān |sthitvā tataḥ svamahasā pṛthagīkṣamāṇaṃtvāṃ bhaktidharmatanayaṃ śaraṇaṃ prapadye || 4||

मायामयाकृतितमोऽशुभवासनानांकर्तुं निषेधमुरुधाभगवत्स्वरूपे ।निर्बीजसाङ्ख्यमतयोगगयुक्तिभाजंत्वां भक्तिधर्मतनयं शरणं प्रपद्ये ॥ ५॥

māyāmayākṛtitamo'śubhavāsanānāṃkartuṃ niṣedhamurudhābhagavatsvarūpe |nirbījasāṅkhyamatayogagayuktibhājaṃtvāṃ bhaktidharmatanayaṃ śaraṇaṃ prapadye || 5||

दिव्याकृतित्वसुमहस् त्वसुवासनानांसम्यग्विधिं प्रथयितुं च पतौ रमायाः ।सालम्बसाङ्ख्यपथयोगसुयुक्तिभाजंत्वां भक्तिधर्मतनयं शरणं प्रपद्ये ॥ ६॥

divyākṛtitvasumahas tvasuvāsanānāṃsamyagvidhiṃ prathayituṃ ca patau ramāyāḥ |sālambasāṅkhyapathayogasuyuktibhājaṃtvāṃ bhaktidharmatanayaṃ śaraṇaṃ prapadye || 6||

कामार्त्ततस्करनटव्यसनिद्विषन्तःस्वस्वार्थसिद्धिमिव चेतसि नित्यमेव ।नारायणं परमयैव मुदा स्मरन्तंत्वां भक्तिधर्मतनयं शरणं प्रपद्ये ॥ ७॥

kāmārttataskaranaṭavyasanidviṣantaḥsvasvārthasiddhimiva cetasi nityameva |nārāyaṇaṃ paramayaiva mudā smarantaṃtvāṃ bhaktidharmatanayaṃ śaraṇaṃ prapadye || 7||

साध्वीचकोरशलभास्तिमिकालकण्ठकोका निजेष्टविषयेषु यथैव लग्नाः ।मूर्तौ तथा भगवतोऽत्र मुदातिलग्नंत्वां भक्तिधर्मतनयं शरणं प्रपद्ये ॥ ८॥

sādhvīcakoraśalabhāstimikālakaṇṭhakokā nijeṣṭaviṣayeṣu yathaiva lagnāḥ |mūrtau tathā bhagavato'tra mudātilagnaṃtvāṃ bhaktidharmatanayaṃ śaraṇaṃ prapadye || 8||

स्नेहातुरस्त्वथ भयातुर आमयावीयद्वत् क्षुधातुरजनश्च विहाय मानम् ।दैन्यं भजेयुरिह सत्सु तथा चरन्तंत्वां भक्तिधर्मतनयं शरणं प्रपद्ये ॥ ९॥

snehāturastvatha bhayātura āmayāvīyadvat kṣudhāturajanaśca vihāya mānam |dainyaṃ bhajeyuriha satsu tathā carantaṃtvāṃ bhaktidharmatanayaṃ śaraṇaṃ prapadye || 9||

धर्मस्थितैरुपगतैर्बृहता निजैक्यंसेव्यो हरिः सितमहःस्थितदिव्यमूर्तिः ।शब्दाद्यरागिभिरिति स्वमतं वदन्तंत्वां भक्तिधर्मतनयं शरणं प्रपद्ये ॥ १०॥

dharmasthitairupagatairbṛhatā nijaikyaṃsevyo hariḥ sitamahaḥsthitadivyamūrtiḥ |śabdādyarāgibhiriti svamataṃ vadantaṃtvāṃ bhaktidharmatanayaṃ śaraṇaṃ prapadye || 10||

सद्ग्रन्थनित्यपठनश्रवणादिसक्तंब्राह्मीं च सत्सदसि शासतमत्र विद्याम् ।संसारजालपतिताखिलजीवबन्धोत्वां भक्तिधर्मतनयं शरणं प्रपद्ये ॥ ११॥

sadgranthanityapaṭhanaśravaṇādisaktaṃbrāhmīṃ ca satsadasi śāsatamatra vidyām |saṃsārajālapatitākhilajīvabandhotvāṃ bhaktidharmatanayaṃ śaraṇaṃ prapadye || 11||

इति श्रीशतानन्दमुनिविरचितं श्रीधार्मिकस्तोत्रं सम्पूर्णम् ।

iti śrīśatānandamuniviracitaṃ śrīdhārmikastotraṃ sampūrṇam |