धर्मनन्दनाष्टकम् Shri Dharmanandana Ashtakam

मुक्तानां सदसि सदा विराजमानंपूर्णेन्दुप्रवरमुखाब्जपत्रनेत्रम् ।मन्दारस्थलरुहकुन्दसारहारंधर्माङ्गप्रभवमहं हरिं प्रपद्ये ॥ १॥

muktānāṃ sadasi sadā virājamānaṃpūrṇendupravaramukhābjapatranetram |mandārasthalaruhakundasārahāraṃdharmāṅgaprabhavamahaṃ hariṃ prapadye || 1||

अभोजध्वजकलशांकुशोर्ध्वेरेखागोपादप्रमुखसुलक्ष्मपादपद्मम् ।सामोदभ्रमरविगुञ्जितावचूलंधर्माङ्गप्रभवमहं हरिं प्रपद्ये ॥ २॥

abhojadhvajakalaśāṃkuśordhverekhāgopādapramukhasulakṣmapādapadmam |sāmodabhramaraviguñjitāvacūlaṃdharmāṅgaprabhavamahaṃ hariṃ prapadye || 2||

भक्तेभ्यो विहितसबीजसाङ्ख्ययोगंप्रावारप्रचलितकञ्चुकाभिरामम् ।श्रीखण्डप्रवरतमालपत्रमीशंधर्माङ्गप्रभवमहं हरिं प्रपद्ये ॥ ३॥

bhaktebhyo vihitasabījasāṅkhyayogaṃprāvārapracalitakañcukābhirāmam |śrīkhaṇḍapravaratamālapatramīśaṃdharmāṅgaprabhavamahaṃ hariṃ prapadye || 3||

विद्योतन्मणिमयहेमकुण्डलश्रीकर्णाग्रोत्तमकुसुमावतंसरम्यम् ।श्रीवत्सोल्लसितभुजान्तरं सदीशंधर्माङ्गप्रभवमहं हरिं प्रपद्ये ॥ ४॥

vidyotanmaṇimayahemakuṇḍalaśrīkarṇāgrottamakusumāvataṃsaramyam |śrīvatsollasitabhujāntaraṃ sadīśaṃdharmāṅgaprabhavamahaṃ hariṃ prapadye || 4||

संसारप्रशमनकारणप्रतापंबिभ्राणं सुरुचिर मौक्तिकीञ्च मालाम् ।हस्ताग्रे सुललितमालिकां दधानंधर्माङ्गप्रभवमहं हरिं प्रपद्ये ॥ ५॥

saṃsārapraśamanakāraṇapratāpaṃbibhrāṇaṃ surucira mauktikīñca mālām |hastāgre sulalitamālikāṃ dadhānaṃdharmāṅgaprabhavamahaṃ hariṃ prapadye || 5||

शान्तानां विदलितमानमत्सराणांकामादिप्रबलविपक्षनिर्जयानाम् ।साधूनामनिशमवेक्षणीयरूपंधर्माङ्गप्रभवमहं हरिं प्रपद्ये ॥ ६॥

śāntānāṃ vidalitamānamatsarāṇāṃkāmādiprabalavipakṣanirjayānām |sādhūnāmaniśamavekṣaṇīyarūpaṃdharmāṅgaprabhavamahaṃ hariṃ prapadye || 6||

वेदान्तैरुदितसुकीर्तिमाप्तकामंजुष्टाङ्घ्रिं विजितविदूषणैर्मुनिन्द्रैः ।ब्रह्माण्डस्थपतिसुरेश्वरैकनाथंधर्माङ्गप्रभवमहं हरिं प्रपद्ये ॥ ७॥

vedāntairuditasukīrtimāptakāmaṃjuṣṭāṅghriṃ vijitavidūṣaṇairmunindraiḥ |brahmāṇḍasthapatisureśvaraikanāthaṃdharmāṅgaprabhavamahaṃ hariṃ prapadye || 7||

रम्याणां विमलसुवर्णभूषणानांश्रीमत्तामवयवशोभाया दधानम् ।घर्मान्तप्रभावनवीनमेघनीलंधर्माङ्गप्रभवमहं हरिं प्रपद्ये ॥ ८॥

ramyāṇāṃ vimalasuvarṇabhūṣaṇānāṃśrīmattāmavayavaśobhāyā dadhānam |gharmāntaprabhāvanavīnameghanīlaṃdharmāṅgaprabhavamahaṃ hariṃ prapadye || 8||

इति श्री अचिन्त्यानन्दब्रह्मचारीविरचितं श्रीधर्मनन्दनाष्टकं सम्पूर्णम् ।

iti śrī acintyānandabrahmacārīviracitaṃ śrīdharmanandanāṣṭakaṃ sampūrṇam |