दैन्याष्टकम् २ Shri Dainya Ashtakam (2)

हाहा श्रीवल्लभाधीश हाहा कृष्ण मुखाम्बुजः ।हाहा वियोग भावाग्ने देहि मे निजदर्शनम् ॥ १॥

hāhā śrīvallabhādhīśa hāhā kṛṣṇa mukhāmbujaḥ |hāhā viyoga bhāvāgne dehi me nijadarśanam || 1||

हाहा विशालनयन हाहा फुल्लतमानन ।हाहा सुनासिकाशोभ देहि मे निजदर्शनम् ॥ २॥

hāhā viśālanayana hāhā phullatamānana |hāhā sunāsikāśobha dehi me nijadarśanam || 2||

हाहा लोकावृत मुख हाहामित सुधाधर ।हाहातिरम्यचुबक देहि मे निजदर्शनम् ॥ ३॥

hāhā lokāvṛta mukha hāhāmita sudhādhara |hāhātiramyacubaka dehi me nijadarśanam || 3||

हाहा निजजनाधार हाहा दीनजाश्रय ।हाहा दयार्द्रहृदय देहि मे निजदर्शनम् ॥ ४॥

hāhā nijajanādhāra hāhā dīnajāśraya |hāhā dayārdrahṛdaya dehi me nijadarśanam || 4||

हाहा स्वकीय सर्वस्व हाहाधन मनोधन ।हाहाति मृदुल स्वान्त देहि मे निजदर्शनम् ॥ ५॥

hāhā svakīya sarvasva hāhādhana manodhana |hāhāti mṛdula svānta dehi me nijadarśanam || 5||

हाहा कृतस्वकीयार्ते हाहा भावार्ति दायक ।हाहा पुष्टि पथाचार्य देहि मे निजदर्शनम् ॥ ६॥

hāhā kṛtasvakīyārte hāhā bhāvārti dāyaka |hāhā puṣṭi pathācārya dehi me nijadarśanam || 6||

हाहा निजजनप्राण हाहा निजजनावृत ।हाहा पुष्टि पथाचार्य देहि मे निजदर्शनम् ॥ ७॥

hāhā nijajanaprāṇa hāhā nijajanāvṛta |hāhā puṣṭi pathācārya dehi me nijadarśanam || 7||

हाहा विजित कन्दर्प हाहा स्वानन्दतुन्दिल ।हाहा हरिविहारात्मन् देहि मे निजदर्शनम् ॥ ८॥

hāhā vijita kandarpa hāhā svānandatundila |hāhā harivihārātman dehi me nijadarśanam || 8||

इति श्रीहरिदासोदितं दैन्याष्टकं सम्पूर्णम् ।

iti śrīharidāsoditaṃ dainyāṣṭakaṃ sampūrṇam |