गुरुवातपुराधिपाष्टकम् Rogahara Shri Guruvatapuradhipa Ashtakam

गुरुपुरमन्दिर गोकुलसुन्दर गोपपुरन्दर गोपतनोगुणगणसागर भक्तशिवङ्कर कौस्तुभकन्धर केलितनो ।गणपतिहोमजधूमसुवासितगव्यपयोर्पणतुष्टमतेजय जय हे गुरुवातपुराधिप रोगमशेषमपाकुरु मे ॥ १॥

gurupuramandira gokulasundara gopapurandara gopatanoguṇagaṇasāgara bhaktaśivaṅkara kaustubhakandhara kelitano |gaṇapatihomajadhūmasuvāsitagavyapayorpaṇatuṣṭamatejaya jaya he guruvātapurādhipa rogamaśeṣamapākuru me || 1||

मुरहर माधव मङ्गलसम्भव मान्यसुवैभव रम्यतनोमधुरिपुसूदन मातृसुपूजन मङ्गलवादन मोदमते ।मधुमयभाषण चोद्धववन्दन तातसुपूजन तृप्तमतेजय जय हे गुरुवातपुराधिप रोगमशेषमपाकुरु मे ॥ २॥

murahara mādhava maṅgalasambhava mānyasuvaibhava ramyatanomadhuripusūdana mātṛsupūjana maṅgalavādana modamate |madhumayabhāṣaṇa coddhavavandana tātasupūjana tṛptamatejaya jaya he guruvātapurādhipa rogamaśeṣamapākuru me || 2||

प्रतिदिनमादरपूर्वदिनार्चितमाल्यविसर्जनदत्ततनोप्रतिदिनमर्पिततैलसुषेवणनाशितदुस्सहरोगरिपो ।प्रतिदिनमद्भुतचन्दनचर्चित चम्पककल्पितमाल्यततेजय जय हे गुरुवातपुराधिप रोगमशेषमपाकुरु मे ॥ ३॥

pratidinamādarapūrvadinārcitamālyavisarjanadattatanopratidinamarpitatailasuṣevaṇanāśitadussaharogaripo |pratidinamadbhutacandanacarcita campakakalpitamālyatatejaya jaya he guruvātapurādhipa rogamaśeṣamapākuru me || 3||

करिवरकल्पितकञ्जसुमोत्तम कम्रकराम्बुज लोकगुरोभयततिमोचक भाग्यविधायक पुण्यसुपूरक मुग्धतनो ।शिवजलमज्जनदर्शनवन्दनकीर्तनसंस्तुतभक्तततेजय जय हे गुरुवातपुराधिप रोगमशेषमपाकुरु मे ॥ ४॥

karivarakalpitakañjasumottama kamrakarāmbuja lokagurobhayatatimocaka bhāgyavidhāyaka puṇyasupūraka mugdhatano |śivajalamajjanadarśanavandanakīrtanasaṃstutabhaktatatejaya jaya he guruvātapurādhipa rogamaśeṣamapākuru me || 4||

करजितपङ्कज कोटिरविप्रभ कोमलकल्पितवेष हरेरविशतसन्निभ रत्नविनिर्मितरम्यकिरीट मनोज्ञ हरे ।मुनिवर मुद्गलवंशसुरक्षण दीक्षित रक्षितपार्थ हरेजय जय हे गुरुवातपुराधिप रोगमशेषमपाकुरु मे ॥ ५॥

karajitapaṅkaja koṭiraviprabha komalakalpitaveṣa hareraviśatasannibha ratnavinirmitaramyakirīṭa manojña hare |munivara mudgalavaṃśasurakṣaṇa dīkṣita rakṣitapārtha harejaya jaya he guruvātapurādhipa rogamaśeṣamapākuru me || 5||

भवभयनाशक भोगविवर्धक भक्तजनस्तुतिमग्नमतेयदुकुलनन्दन मङ्गलकारण शत्रुनिवारणदीक्षमते ।गजपतिसंश्रयवाद्यसुघोषण नामसुकीर्तन हृष्टमतेजय जय हे गुरुवातपुराधिप रोगमशेषमपाकुरु मे ॥ ६॥

bhavabhayanāśaka bhogavivardhaka bhaktajanastutimagnamateyadukulanandana maṅgalakāraṇa śatrunivāraṇadīkṣamate |gajapatisaṃśrayavādyasughoṣaṇa nāmasukīrtana hṛṣṭamatejaya jaya he guruvātapurādhipa rogamaśeṣamapākuru me || 6||

विधिहरनारदतुम्बुरुसद्गुरुवायुमुखामरपूज्य हरेकलियुगसम्भव कल्मषनाशक काम्यफलप्रद मोक्षपते ।कविवरभट्टतिरिस्तुतिकम्पित मस्तकदर्शित दिव्यतनोजय जय हे गुरुवातपुराधिप रोगमशेषमपाकुरु मे ॥ ७॥

vidhiharanāradatumburusadguruvāyumukhāmarapūjya harekaliyugasambhava kalmaṣanāśaka kāmyaphalaprada mokṣapate |kavivarabhaṭṭatiristutikampita mastakadarśita divyatanojaya jaya he guruvātapurādhipa rogamaśeṣamapākuru me || 7||

चरणयुगागतभक्तजनार्पितदेहतुलाभरतुष्टमतेतवचरणाम्बुज मानसपून्दन दर्शितदिव्यगृहाधिपते ।विषभयरक्षितपाण्ड्यनरेश्वर कल्पितमन्दिर वैद्यपतेजय जय हे गुरुवातपुराधिप रोगमशेषमपाकुरु मे ॥ ८॥

caraṇayugāgatabhaktajanārpitadehatulābharatuṣṭamatetavacaraṇāmbuja mānasapūndana darśitadivyagṛhādhipate |viṣabhayarakṣitapāṇḍyanareśvara kalpitamandira vaidyapatejaya jaya he guruvātapurādhipa rogamaśeṣamapākuru me || 8||

शिवदमनन्तपदान्वितरामसुदीक्षित सत्कवि पद्यमिदंगुरुपवनाधिपतुष्टिदमुत्तममिष्टसुसिद्धिदमार्तिहरम् ।पठति शृणोति च भक्तियुतो यदि भाग्यसमृद्धिमथो लभतेजय जय हे गुरुवातपुराधिप रोगमशेषमपाकुरु मे ॥ ९॥

śivadamanantapadānvitarāmasudīkṣita satkavi padyamidaṃgurupavanādhipatuṣṭidamuttamamiṣṭasusiddhidamārtiharam |paṭhati śṛṇoti ca bhaktiyuto yadi bhāgyasamṛddhimatho labhatejaya jaya he guruvātapurādhipa rogamaśeṣamapākuru me || 9||

इति रोगहरश्रीगुरुवातपुराधिपाष्टकं सम्पूर्णम् ।

iti rogaharaśrīguruvātapurādhipāṣṭakaṃ sampūrṇam |