मङ्गलाचरणम् ३ Mangalacharanam 3

॥ श्रीमद्विठ्ठलेशचरणकमलेभ्यो नमः ॥॥ श्रीमद्गोकुलेशो जयति ॥निजमुरलिकानादाह्वानागतव्रजसुन्दरीनिरुपमनवस्नेहाऽम्भोधेर्विचित्रस्मरोर्मिभिः ।किमपि परितश्चार्द्रार्द्रोऽस्तु प्रभुः प्रकटीभवन्प्रतियुवतिसम्भेदेनास्मद्दशां विषयः सदा ॥ १॥

|| śrīmadviṭhṭhaleśacaraṇakamalebhyo namaḥ |||| śrīmadgokuleśo jayati ||nijamuralikānādāhvānāgatavrajasundarīnirupamanavasnehā'mbhodhervicitrasmarormibhiḥ |kimapi paritaścārdrārdro'stu prabhuḥ prakaṭībhavanpratiyuvatisambhedenāsmaddaśāṃ viṣayaḥ sadā || 1||

मायावादिकरीन्द्रदर्पदलनेनास्येन्दुराजोद्रतश्रीमद्भागवताख्यदुर्लभसुधावर्षेण वेदोक्तिभिः ।राधावल्लभसेवया तदुदितप्रेम्णोपदेशैरपिश्रीमद्वल्लभनामधेयसदृशो भावी न भूतोऽस्त्यपि ॥ २॥

māyāvādikarīndradarpadalanenāsyendurājodrataśrīmadbhāgavatākhyadurlabhasudhāvarṣeṇa vedoktibhiḥ |rādhāvallabhasevayā taduditapremṇopadeśairapiśrīmadvallabhanāmadheyasadṛśo bhāvī na bhūto'styapi || 2||

सायङ्कुञ्जालयस्थासनमुपविलसत्स्वर्णपात्रं सुधौतंराजद्यज्ञोपवीतम्परितनुवसनङ्गोरमम्भोजवक्त्रम् ।प्राणानायम्य नासापुटनिहितकरङ्कर्णराजद्विमुक्तंवन्देऽर्धोन्मीलिताक्षं मृगमदतिलकं विठ्ठलेशं सुकेशम् ॥ ३॥

sāyaṅkuñjālayasthāsanamupavilasatsvarṇapātraṃ sudhautaṃrājadyajñopavītamparitanuvasanaṅgoramambhojavaktram |prāṇānāyamya nāsāpuṭanihitakaraṅkarṇarājadvimuktaṃvande'rdhonmīlitākṣaṃ mṛgamadatilakaṃ viṭhṭhaleśaṃ sukeśam || 3||

नमामि श्रीपतिं देवं वल्लभं विठ्ठलात्मजम् ।यः करोति सदारण्ये मङ्गलं जनवर्जिते ॥ ४॥

namāmi śrīpatiṃ devaṃ vallabhaṃ viṭhṭhalātmajam |yaḥ karoti sadāraṇye maṅgalaṃ janavarjite || 4||

वन्देऽहं गोकुलाधीशं भगवन्तं कृपानिधिम् ।पावनो यामुने जातः कलौ घोरे द्विजेषु यः ॥ ५॥

vande'haṃ gokulādhīśaṃ bhagavantaṃ kṛpānidhim |pāvano yāmune jātaḥ kalau ghore dvijeṣu yaḥ || 5||

नमामि गोकुलाधीशं लीलामानुषविग्रहम् ।व्रजाधीशं विश्वविभुं पार्वतीप्राणवल्लभम् ॥ ६॥

namāmi gokulādhīśaṃ līlāmānuṣavigraham |vrajādhīśaṃ viśvavibhuṃ pārvatīprāṇavallabham || 6||

राक्षिता स्रग् जहाङ्गीराद्।ह्ध्यधर्माद्रक्षिता जनाः ।विद्रूपाद्रक्षितो धर्मः पातु वः पार्वतीपतिः ॥ ७॥

rākṣitā srag jahāṅgīrād|hdhyadharmādrakṣitā janāḥ |vidrūpādrakṣito dharmaḥ pātu vaḥ pārvatīpatiḥ || 7||

मायावादिचिद्रूपादिप्तिबन्धनिवारकः ।दर्पहा दुर्मदान्धानां पायाद्वो भक्तभूषणः ॥ ८॥

māyāvādicidrūpādiptibandhanivārakaḥ |darpahā durmadāndhānāṃ pāyādvo bhaktabhūṣaṇaḥ || 8||

इति मङ्गलाचरणं सम्पूर्णम् ।

iti maṅgalācaraṇaṃ sampūrṇam |