श्रीहरिस्तुतिः (मयारामभट्टकृता) Mayaramabhattakrita Shri Hari Stuti

(वसन्ततिलकम्)तेजोमये परमधामनि राजमानःकन्दर्पको टिकमनीयसुभद्ररूपः ।यो नैजमुक्तगणसेवितपादपद्मस्त्वांधर्मनन्दनमहं प्रणमामि नित्यम् ॥ १॥

(vasantatilakam)tejomaye paramadhāmani rājamānaḥkandarpako ṭikamanīyasubhadrarūpaḥ |yo naijamuktagaṇasevitapādapadmastvāṃdharmanandanamahaṃ praṇamāmi nityam || 1||

जेगीयमानचरितं श्रुतिशास्त्रवारैःसर्वेश्वरं च परिपूर्णविबोधमाद्यम् ।ब्रह्माण्डकोटिमनिशं परिपालयन्तंत्वां धर्मनन्दनमहं प्रणमामि नित्यम् ॥ २॥

jegīyamānacaritaṃ śrutiśāstravāraiḥsarveśvaraṃ ca paripūrṇavibodhamādyam |brahmāṇḍakoṭimaniśaṃ paripālayantaṃtvāṃ dharmanandanamahaṃ praṇamāmi nityam || 2||

नैकात्ममुक्तिमनुचिन्तयमानमीशंनैजेच्छया क्षितितले धृतमर्त्यनाट्यम् ।भक्त्यात्मजं परमवल्लभवर्णिवेषंत्वां धर्मनन्दनमहं प्रणमामि नित्यम् ॥ ३॥

naikātmamuktimanucintayamānamīśaṃnaijecchayā kṣititale dhṛtamartyanāṭyam |bhaktyātmajaṃ paramavallabhavarṇiveṣaṃtvāṃ dharmanandanamahaṃ praṇamāmi nityam || 3||

मुक्तिप्रदं सकलमङ्गलमङ्गलञ्चयोगीन्द्रचित्तविनिवासपदं परेशम् ।संसारघोरदुरितार्तिहरं महेशंत्वां धर्मनन्दनमहं प्रणमामि नित्यम् ॥ ४॥

muktipradaṃ sakalamaṅgalamaṅgalañcayogīndracittavinivāsapadaṃ pareśam |saṃsāraghoraduritārtiharaṃ maheśaṃtvāṃ dharmanandanamahaṃ praṇamāmi nityam || 4||

ध्यानं यदीयममलं तनुते प्रकाशंयद्दर्शनं जनयते परमं प्रभावम् ।यत्कीर्तनं कलयते चरमाम्प्रशान्तिंत्वां धर्मनन्दनमहं प्रणमामि नित्यम् ॥ ५॥

dhyānaṃ yadīyamamalaṃ tanute prakāśaṃyaddarśanaṃ janayate paramaṃ prabhāvam |yatkīrtanaṃ kalayate caramāmpraśāntiṃtvāṃ dharmanandanamahaṃ praṇamāmi nityam || 5||

भूतं ददाति सततं वचनामृतैर्यःशिक्षां प्रदाय नियमैर्वितनोति धर्मम् ।लोकोत्तरस्वचरितैः शमयत्यभद्रंत्वां धर्मनन्दनमहं प्रणमामि नित्यम् ॥ ६॥

bhūtaṃ dadāti satataṃ vacanāmṛtairyaḥśikṣāṃ pradāya niyamairvitanoti dharmam |lokottarasvacaritaiḥ śamayatyabhadraṃtvāṃ dharmanandanamahaṃ praṇamāmi nityam || 6||

तोष्यमानगुणराशिममर्त्यवृन्दैःसर्वात्मकं निखिलकारणकारणञ्च ।श्रीधीधृतिप्रगतिनीतिचितिप्रकाशंत्वां धर्मनन्दनमहं प्रणमामि नित्यम् ॥ ७॥

toṣyamānaguṇarāśimamartyavṛndaiḥsarvātmakaṃ nikhilakāraṇakāraṇañca |śrīdhīdhṛtipragatinīticitiprakāśaṃtvāṃ dharmanandanamahaṃ praṇamāmi nityam || 7||

यन्नाम वर्तत इदा कलिकल्मषघ्नंनैराश्यकर्दमनिमग्नप्रतारकञ्च ।कल्पद्रुमोपममघौघहरप्रभावंत्वां धर्मनन्दनमहं प्रणमामि नित्यम् ॥ ८॥

yannāma vartata idā kalikalmaṣaghnaṃnairāśyakardamanimagnapratārakañca |kalpadrumopamamaghaughaharaprabhāvaṃtvāṃ dharmanandanamahaṃ praṇamāmi nityam || 8||

इति श्रीस्वामिनारायणबापाचरित्रामृतसागरे तृतीयप्रवाहेद्विचत्वारिंशत्तमे तरङ्गे मयारामभट्टकृता श्रीहरिस्तुतिः सम्पूर्णा ।

iti śrīsvāminārāyaṇabāpācaritrāmṛtasāgare tṛtīyapravāhedvicatvāriṃśattame taraṅge mayārāmabhaṭṭakṛtā śrīharistutiḥ sampūrṇā |