मङ्गलाचरणम् २ Mangalacharanam 2

श्रीकृष्णाय नमः । श्रीगोपीजनवल्लभाय नमः ॥चिन्ता च सन्तानहन्तारो यत्पादाम्बुजरेणवः ।स्वीयानां तान्निजाचार्यान्प्रणमामि मुहुर्मुहुः ॥ १॥

śrīkṛṣṇāya namaḥ | śrīgopījanavallabhāya namaḥ ||cintā ca santānahantāro yatpādāmbujareṇavaḥ |svīyānāṃ tānnijācāryānpraṇamāmi muhurmuhuḥ || 1||

यदनुग्रहतो जन्तुः सर्वदुःखातिगो भवेत् ।तमहं सर्वदा वन्दे श्रीमद्वल्लभनन्दनम् ॥ २॥

yadanugrahato jantuḥ sarvaduḥkhātigo bhavet |tamahaṃ sarvadā vande śrīmadvallabhanandanam || 2||

यदुक्तं तातचरणैः श्रीकृष्णः शरणं मम ।अत एवास्ति नैश्चित्त्यमैहिके पारलौकिके ॥ ३॥

yaduktaṃ tātacaraṇaiḥ śrīkṛṣṇaḥ śaraṇaṃ mama |ata evāsti naiścittyamaihike pāralaukike || 3||

मम चित्तस्य विश्वासः श्रीगोपीजनवल्लभे ।यदा तदा कृतार्थोऽहं शोचनीयो न कर्हिचित् ॥ ४॥

mama cittasya viśvāsaḥ śrīgopījanavallabhe |yadā tadā kṛtārtho'haṃ śocanīyo na karhicit || 4||

इति श्रीविठ्ठलेश्वरविरचितं मगलाचरणं समाप्तम् ।

iti śrīviṭhṭhaleśvaraviracitaṃ magalācaraṇaṃ samāptam |