मदनमोहनाष्टकम् Madanamohanashtakam

जय शङ्खगदाधर नीलकलेवर पीतपटाम्बर देहि पदम् ।जय चन्दनचर्चित कुण्डलमण्डित कौस्तुभशोभित देहि पदम् ॥ १ ॥

jaya śaṅkhagadādhara nīlakalevara pītapaṭāmbara dehi padam |jaya candanacarcita kuṇḍalamaṇḍita kaustubhaśobhita dehi padam || 1 ||

जय पङ्कजलोचन मारविमोहन पापविखण्डन देहि पदम् ।जय वेणुनिनादक रासविहारक वङ्किम सुन्दर देहि पदम् ॥ २ ॥

jaya paṅkajalocana māravimohana pāpavikhaṇḍana dehi padam |jaya veṇuninādaka rāsavihāraka vaṅkima sundara dehi padam || 2 ||

जय धीरधुरन्धर अद्भुतसुन्दर दैवतसेवित देहि पदम् ।जय विश्वविमोहन मानसमोहन संस्थितिकारण देहि पदम् ॥ ३ ॥

jaya dhīradhurandhara adbhutasundara daivatasevita dehi padam |jaya viśvavimohana mānasamohana saṃsthitikāraṇa dehi padam || 3 ||

जय भक्तजनाश्रय नित्यसुखालय अन्तिमबान्धव देहि पदम् ।जय दुर्जनशासन केलिपरायण कालियमर्दन देहि पदम् ॥ ४ ॥

jaya bhaktajanāśraya nityasukhālaya antimabāndhava dehi padam |jaya durjanaśāsana keliparāyaṇa kāliyamardana dehi padam || 4 ||

जय नित्यनिरामय दीनदयामय चिन्मय माधव देहि पदम् ।जय पामरपावन धर्मपरायण दानवसूदन देहि पदम् ॥ ५ ॥

jaya nityanirāmaya dīnadayāmaya cinmaya mādhava dehi padam |jaya pāmarapāvana dharmaparāyaṇa dānavasūdana dehi padam || 5 ||

जय वेदविदांवर गोपवधूप्रिय वृन्दावनधन देहि पदम् ।जय सत्यसनातन दुर्गतिभञ्जन सज्जनरञ्जन देहि पदम् ॥ ६ ॥

jaya vedavidāṃvara gopavadhūpriya vṛndāvanadhana dehi padam |jaya satyasanātana durgatibhañjana sajjanarañjana dehi padam || 6 ||

जय सेवकवत्सल करुणासागर वाञ्छितपूरक देहि पदम् ।जय पूतधरातल देवपरात्पर सत्त्वगुणाकर देहि पदम् ॥ ७ ॥

jaya sevakavatsala karuṇāsāgara vāñchitapūraka dehi padam |jaya pūtadharātala devaparātpara sattvaguṇākara dehi padam || 7 ||

जय गोकुलभूषण कंसनिषूदन सात्वतजीवन देहि पदम् ।जय योगपरायण संसृतिवारण ब्रह्मनिरञ्जन देहि पदम् ॥ ८ ॥

jaya gokulabhūṣaṇa kaṃsaniṣūdana sātvatajīvana dehi padam |jaya yogaparāyaṇa saṃsṛtivāraṇa brahmanirañjana dehi padam || 8 ||

॥ इति श्रीमदनमोहनाष्टकं सम्पूर्णम् ॥

|| iti śrīmadanamohanāṣṭakaṃ sampūrṇam ||