लीलामृतस्तोत्रम् Lilamritastotram

श्रीकृष्णस्य श्रीलीलामृतनामकदशनामस्तोत्रंराधिकाहृदयोन्मादिवंशीक्वाणमधुच्छटः ।राधापरिमलोद्गारगरिमाक्षिप्तमानसः ॥ १॥

śrīkṛṣṇasya śrīlīlāmṛtanāmakadaśanāmastotraṃrādhikāhṛdayonmādivaṃśīkvāṇamadhucchaṭaḥ |rādhāparimalodgāragarimākṣiptamānasaḥ || 1||

कम्रराधामनोमीनवडिशीकृतविभ्रमः ।प्रेमगर्बान्धगान्धर्वाकिलकिञ्चितरञ्जितः ॥ २॥

kamrarādhāmanomīnavaḍiśīkṛtavibhramaḥ |premagarbāndhagāndharvākilakiñcitarañjitaḥ || 2||

ललितावश्यधीराधामानाभासवशीकृतः ।राधावक्रोक्तिपीयूषमाधुर्यभरलम्पटः ॥ ३॥

lalitāvaśyadhīrādhāmānābhāsavaśīkṛtaḥ |rādhāvakroktipīyūṣamādhuryabharalampaṭaḥ || 3||

मुखेन्दुचन्द्रिकोद्गीर्णराधिकारागसागरः ।वृषभानुसुताकण्ठहारिहारहरिन्मणिः ॥ ४॥

mukhenducandrikodgīrṇarādhikārāgasāgaraḥ |vṛṣabhānusutākaṇṭhahārihāraharinmaṇiḥ || 4||

फुल्लराधाकमलिनीमुखाम्बुजमधुव्रतः ।राधिकाकुचकस्तूरीपत्रस्फुरदुरःस्थलः ॥ ५॥

phullarādhākamalinīmukhāmbujamadhuvrataḥ |rādhikākucakastūrīpatrasphuraduraḥsthalaḥ || 5||

इति गोकुलभूपालीसूनुलीलामनोहरम् ।यः पठेन्नामदशकं सोऽस्य वल्लभतां व्रजेत् ॥ ६॥

iti gokulabhūpālīsūnulīlāmanoharam |yaḥ paṭhennāmadaśakaṃ so'sya vallabhatāṃ vrajet || 6||

इति श्रीरूपगोस्वामिविरचितस्तवमालायां लीलामृतस्तोत्रं सम्पूर्णम् ।

iti śrīrūpagosvāmiviracitastavamālāyāṃ līlāmṛtastotraṃ sampūrṇam |