लीलाशतनामस्तोत्रम् Lila Shatanama Stotram

कृष्णलीलाशतनामस्तोत्रम्शाण्डिल्य उवाच ।अथ लीलाशतं स्तोत्रं प्रवक्ष्यामि हरेः प्रियम् ।यस्याभ्यसनतः सद्यः प्रीयते पुरुषोत्तमः ॥ १॥

kṛṣṇalīlāśatanāmastotramśāṇḍilya uvāca |atha līlāśataṃ stotraṃ pravakṣyāmi hareḥ priyam |yasyābhyasanataḥ sadyaḥ prīyate puruṣottamaḥ || 1||

यदुक्तं श्रीमता पूर्वं प्रियायै प्रीतिपूर्वकम् ।ललितायै यथाप्रोक्तं सा मह्यं कृपया जगौ ॥ २॥

yaduktaṃ śrīmatā pūrvaṃ priyāyai prītipūrvakam |lalitāyai yathāproktaṃ sā mahyaṃ kṛpayā jagau || 2||

श्रुतिभिर्यत्पुरा प्रोक्तं मुनिभिर्यत्पुरोदितम् ।तदहं वो वर्णयिष्ये श्रद्धालून् संमतान् शुचीन् ॥ ३॥

śrutibhiryatpurā proktaṃ munibhiryatpuroditam |tadahaṃ vo varṇayiṣye śraddhālūn saṃmatān śucīn || 3||

लीलानामशतस्यास्य ऋषयोऽग्निसमुद्भवाः ।देवता शीपतिर्नित्यलीलानुग्रहविग्रहः ॥ ४॥

līlānāmaśatasyāsya ṛṣayo'gnisamudbhavāḥ |devatā śīpatirnityalīlānugrahavigrahaḥ || 4||

छन्दांस्यनुष्टुप् रूपाणि कीर्तितानि मुनीश्वराः ।बीजं भक्तानुग्रहकृत् शक्तिलीलाप्रियः प्रभुः ॥ ५॥

chandāṃsyanuṣṭup rūpāṇi kīrtitāni munīśvarāḥ |bījaṃ bhaktānugrahakṛt śaktilīlāpriyaḥ prabhuḥ || 5||

श्रीकृष्णभगवत्प्रीतिद्वारा स्वार्थे नियोजनम् ।सर्वेश्वरश्च सर्वात्मा सर्वतोऽस्रेण रक्षतु ॥ ६॥

śrīkṛṣṇabhagavatprītidvārā svārthe niyojanam |sarveśvaraśca sarvātmā sarvato'sreṇa rakṣatu || 6||

अथ स्तोत्रम् ।श्रीकृष्णः सच्चिदानन्दः स्वतन्त्रपरमावधिः ।लीलाकर्ता बाललीलो निजानन्दैकविग्रहः ॥ ७॥

atha stotram |śrīkṛṣṇaḥ saccidānandaḥ svatantraparamāvadhiḥ |līlākartā bālalīlo nijānandaikavigrahaḥ || 7||

लीलाशक्तिर्निजलीलासृष्टिदेहो विनोदकृत् ।वृन्दावने गोपिगोपगोद्विजादिसचिन्मयः ॥ ८॥

līlāśaktirnijalīlāsṛṣṭideho vinodakṛt |vṛndāvane gopigopagodvijādisacinmayaḥ || 8||

वाक्।ह्सृष्टिकर्ता नादात्मा प्रणवो वर्णरूपधृक् ॥ ९॥

vāk|hsṛṣṭikartā nādātmā praṇavo varṇarūpadhṛk || 9||

प्रकृतिः प्रत्ययो वाक्यो वेदो वेदाङ्गजः कविः ।मायोद्भवोद्भवोऽचिन्त्यकार्यो जीवप्रवर्तकः ॥ १०॥

prakṛtiḥ pratyayo vākyo vedo vedāṅgajaḥ kaviḥ |māyodbhavodbhavo'cintyakāryo jīvapravartakaḥ || 10||

नानातत्त्वानुरूपश्च कालकर्मस्वभावकः ।वेदानुगो वेदवेत्ता नियतो मुक्तबन्धनः ॥ ११॥

nānātattvānurūpaśca kālakarmasvabhāvakaḥ |vedānugo vedavettā niyato muktabandhanaḥ || 11||

असुरक्लेशदो क्लिष्टजननिद्रारतिप्रदः ।नारायणो हृषीकेशो देवदेवो जनार्दनः ॥ १२॥

asurakleśado kliṣṭajananidrāratipradaḥ |nārāyaṇo hṛṣīkeśo devadevo janārdanaḥ || 12||

स्ववर्णाश्रमधर्मात्मा संस्कृतः शुद्धमानसः ।अग्निहोत्रादिपञ्चात्मा स्वर्गलोकफलप्रदः ॥ १३॥

svavarṇāśramadharmātmā saṃskṛtaḥ śuddhamānasaḥ |agnihotrādipañcātmā svargalokaphalapradaḥ || 13||

शुद्धात्मज्ञानदो ज्ञानगम्यःस्वानन्ददायकः ।देवानन्दकरो मेघश्यामलः सत्त्वविग्रहः ॥ १४॥

śuddhātmajñānado jñānagamyaḥsvānandadāyakaḥ |devānandakaro meghaśyāmalaḥ sattvavigrahaḥ || 14||

गम्भीरोऽनवगाह्यश्रीद्विभुजो मुरलीधरः ।पूर्णानन्दघनः साक्षात् कोटिमन्मथमन्मथः ॥ १५॥

gambhīro'navagāhyaśrīdvibhujo muralīdharaḥ |pūrṇānandaghanaḥ sākṣāt koṭimanmathamanmathaḥ || 15||

श्रुतिगम्यो भक्तिगम्यो मुनिगम्यो व्रजेश्वरः ।श्रीयशोदासुतो नन्दभाग्यचिन्तामणिः प्रभुः ॥ १६॥

śrutigamyo bhaktigamyo munigamyo vrajeśvaraḥ |śrīyaśodāsuto nandabhāgyacintāmaṇiḥ prabhuḥ || 16||

अविद्याहरणः सर्वदोषसङ्घविनाशकः ।निःसाधनोद्धारदक्षो भक्तानुग्रहकातरः ॥ १७॥

avidyāharaṇaḥ sarvadoṣasaṅghavināśakaḥ |niḥsādhanoddhāradakṣo bhaktānugrahakātaraḥ || 17||

सर्वसामर्थ्यसहितो दैवदोषनिवारकः ।कुमारिकानुग्रहकृद् योगमायाप्रसादकृत् ॥ १८॥

sarvasāmarthyasahito daivadoṣanivārakaḥ |kumārikānugrahakṛd yogamāyāprasādakṛt || 18||

ब्रह्मानन्दपरानन्दभजनानन्ददायकः ।लोकव्यामोहकृत्स्वीयानुग्रहो वेणुवादतः ॥ १९॥

brahmānandaparānandabhajanānandadāyakaḥ |lokavyāmohakṛtsvīyānugraho veṇuvādataḥ || 19||

नित्यलीलारासरतो नित्यलीलाफलप्रदः ।मूढोद्धारकरो राजलीलासन्तोषितामरः ॥ २०॥

nityalīlārāsarato nityalīlāphalapradaḥ |mūḍhoddhārakaro rājalīlāsantoṣitāmaraḥ || 20||

सतां लोकद्वयानन्ददश्चैश्वर्यादिभूषितः ।निरोधलीलासम्पत्तिर्दशलीलापरायणः ॥ २१॥

satāṃ lokadvayānandadaścaiśvaryādibhūṣitaḥ |nirodhalīlāsampattirdaśalīlāparāyaṇaḥ || 21||

द्वादशाङ्गवपुः श्रीमाँश्चतृर्व्यूहश्चतुर्मयः ।गोकुलानन्ददः श्रीमद् गोवर्धनकृताश्रयः ॥ २२॥

dvādaśāṅgavapuḥ śrīmām̐ścatṛrvyūhaścaturmayaḥ |gokulānandadaḥ śrīmad govardhanakṛtāśrayaḥ || 22||

चराचरानुग्रहकृद्वंशीवाद्यविशारदः ।देवकीनन्दनो द्वारापतिर्गोवर्धनाद्रिभृत् ॥ २३॥

carācarānugrahakṛdvaṃśīvādyaviśāradaḥ |devakīnandano dvārāpatirgovardhanādribhṛt || 23||

श्रीगोकुलसुधानाथः श्रीमुकुन्दोऽतिसुन्दरः ।बाललीलारतो हैयङ्गवीनरसतत्परः ॥ २४॥

śrīgokulasudhānāthaḥ śrīmukundo'tisundaraḥ |bālalīlārato haiyaṅgavīnarasatatparaḥ || 24||

नृत्यप्रियो युग्मलीलो त्रिभङ्गललिताकृतिः ।आचार्यानुगृहीतात्मा करुणावरुणालयः ॥ २५॥

nṛtyapriyo yugmalīlo tribhaṅgalalitākṛtiḥ |ācāryānugṛhītātmā karuṇāvaruṇālayaḥ || 25||

श्रीराधिकाप्रेममूर्तिः श्रीचन्द्रावलिवल्लभः ।ललिताप्राणनाथः श्रीकलिन्दगिरिजाप्रियः ॥ २६॥

śrīrādhikāpremamūrtiḥ śrīcandrāvalivallabhaḥ |lalitāprāṇanāthaḥ śrīkalindagirijāpriyaḥ || 26||

अप्राकृतगुणोदारो ब्रह्मेशेन्द्रादिवन्दितः ।पवित्रकीर्तिःश्रीनाथो वृन्दारण्यपुरन्दरः ॥ २७॥

aprākṛtaguṇodāro brahmeśendrādivanditaḥ |pavitrakīrtiḥśrīnātho vṛndāraṇyapurandaraḥ || 27||

फलश्रुतिः ।इति लीलाशतं नाम्नां निजात्मकसमन्वितम् ।यः पठेत्प्रत्यहं प्रीत्या तं प्रीणाति स माधवः ॥ २८॥

phalaśrutiḥ |iti līlāśataṃ nāmnāṃ nijātmakasamanvitam |yaḥ paṭhetpratyahaṃ prītyā taṃ prīṇāti sa mādhavaḥ || 28||

ईषणात्रयनिर्मुक्तो या पठेद्धरिसन्निधौ ।सोऽचलां भक्तिमाप्नोति इति सत्यं मुनीश्वराः ॥ २९॥

īṣaṇātrayanirmukto yā paṭheddharisannidhau |so'calāṃ bhaktimāpnoti iti satyaṃ munīśvarāḥ || 29||

ईषणात्रयसम्पन्नं यस्य चित्त प्रखिद्यति ।तेनात्र ध्यानगम्येन प्रकारेण समाप्यते ॥ ३०॥

īṣaṇātrayasampannaṃ yasya citta prakhidyati |tenātra dhyānagamyena prakāreṇa samāpyate || 30||

पुत्रेषणासु सर्वासु ध्यायेत्पुत्रप्रदं हरिम् ।ब्रह्माणं मोहयत्तेन वरावाप्तिः प्रजायते ॥ ३१॥

putreṣaṇāsu sarvāsu dhyāyetputrapradaṃ harim |brahmāṇaṃ mohayattena varāvāptiḥ prajāyate || 31||

वित्तेषणास्सु वासांसि भूषणानि शिखामणिम् ।वदन्तं विषयीकुर्वंल्लभते तत् स्थिरञ्च यत् ॥ ३२॥

vitteṣaṇāssu vāsāṃsi bhūṣaṇāni śikhāmaṇim |vadantaṃ viṣayīkurvaṃllabhate tat sthirañca yat || 32||

लोकेषणासु नन्दस्य साधयन्परतन्त्रताम् ।ध्यात्वा हृदि महाभाग्यो भवेल्लोकद्वये पुमान् ॥ ३३॥

lokeṣaṇāsu nandasya sādhayanparatantratām |dhyātvā hṛdi mahābhāgyo bhavellokadvaye pumān || 33||

समर्च्य भगवन्तं तं शालग्रामस्य मन्दिरे ।नमोऽन्तैर्नामसन्मन्त्रैर्दद्याद्वृन्दादलान्यसौ ॥ ३४॥

samarcya bhagavantaṃ taṃ śālagrāmasya mandire |namo'ntairnāmasanmantrairdadyādvṛndādalānyasau || 34||

निवेदयेत्ततः स्वार्थं मध्याह्ने पररात्रके ।तेन सर्वमवाप्नोति प्रसीदति ततस्त्वमुम् ॥ ३५॥

nivedayettataḥ svārthaṃ madhyāhne pararātrake |tena sarvamavāpnoti prasīdati tatastvamum || 35||

सर्वापराधहरणं सर्वदोषनिवारणम् ।सर्वभक्तिप्रजननं भावस्य सदृशं परम् ॥ ३६॥

sarvāparādhaharaṇaṃ sarvadoṣanivāraṇam |sarvabhaktiprajananaṃ bhāvasya sadṛśaṃ param || 36||

एतस्यैव समासाद्य गायत्र्याख्यं महामनुम् ।पठेन्नाम्ना सहस्रं च सुदामादिसमो भवेत् ॥ ३७॥

etasyaiva samāsādya gāyatryākhyaṃ mahāmanum |paṭhennāmnā sahasraṃ ca sudāmādisamo bhavet || 37||

अनयोः सदृशं नास्ति प्रकारोऽत्रापरः परः ।कामव्याकुलचितस्य शोधनाय सतां मतः ॥ ३८॥

anayoḥ sadṛśaṃ nāsti prakāro'trāparaḥ paraḥ |kāmavyākulacitasya śodhanāya satāṃ mataḥ || 38||

न सौषधी मता पुंसा या गदान्तरमर्पयेत् ।प्रकृतं सन्निवर्त्याघं वासनां या न संहरेत् ॥ ३९॥

na sauṣadhī matā puṃsā yā gadāntaramarpayet |prakṛtaṃ sannivartyāghaṃ vāsanāṃ yā na saṃharet || 39||

विषयाक्रान्तचित्तानां नावेशः कर्हिचिद्धरेः ।ततो निवृत्तिः कार्येभ्य इत्याह तनयं विधिः ॥ ४०॥

viṣayākrāntacittānāṃ nāveśaḥ karhiciddhareḥ |tato nivṛttiḥ kāryebhya ityāha tanayaṃ vidhiḥ || 40||

श्रीकृष्णेति महामन्त्रं श्रीकृष्णेति महौषधी ।ये भजन्ति महाभागास्तेषां किं किं न सिद्धयति ॥ ४१॥

śrīkṛṣṇeti mahāmantraṃ śrīkṛṣṇeti mahauṣadhī |ye bhajanti mahābhāgāsteṣāṃ kiṃ kiṃ na siddhayati || 41||

इति श्रीशाण्डिल्यसंहितायां पञ्चमे भक्तिखण्डे द्वितीयभागेतृतीयो अष्टादशोऽध्याये लीलाशतनामस्तोत्रं सम्पूर्णम् ॥ १८॥

iti śrīśāṇḍilyasaṃhitāyāṃ pañcame bhaktikhaṇḍe dvitīyabhāgetṛtīyo aṣṭādaśo'dhyāye līlāśatanāmastotraṃ sampūrṇam || 18||