श्रीकृष्णस्तोत्रम् (गोपैः कृतं श्रीकृतं हरिवंशान्तर्गतम् गते शक्रे ततः कृष्णः पूज्यमानो व्रजौकसैः) Gopaih Kritam Shri Kritam Shrikrishna Stotram

गते शक्रे ततः कृष्णः पूज्यमानो व्रजौकसैः ।गोवर्धनधरः श्रीमान् विवेश व्रजमेव ह ॥ १॥

gate śakre tataḥ kṛṣṇaḥ pūjyamāno vrajaukasaiḥ |govardhanadharaḥ śrīmān viveśa vrajameva ha || 1||

तं स्म वृद्धाभिनन्दन्ति ज्ञातयश्च सहोषिताः ।धन्याः स्मोऽनुगृहीताः स्मस्त्वद्धृतेन नगेन ह ॥ २॥

taṃ sma vṛddhābhinandanti jñātayaśca sahoṣitāḥ |dhanyāḥ smo'nugṛhītāḥ smastvaddhṛtena nagena ha || 2||

गावो वर्षभयात्तीर्णा वयं तीर्णा महाभयात् ।तव प्रसादाद्गोविन्द देवतुल्य महाद्युते ॥ ३॥

gāvo varṣabhayāttīrṇā vayaṃ tīrṇā mahābhayāt |tava prasādādgovinda devatulya mahādyute || 3||

अमानुषाणि कर्माणि तव पश्याम गोपते ।धारणेनास्य शैलस्य विद्मस्त्वां कृष्णमव्ययम् ॥ ४॥

amānuṣāṇi karmāṇi tava paśyāma gopate |dhāraṇenāsya śailasya vidmastvāṃ kṛṣṇamavyayam || 4||

कस्त्वं भवसि रुद्राणां मरुतां वा महाबल ।वसूनां वा किमर्थं च वसुदेवः पिता तव ॥ ५॥

kastvaṃ bhavasi rudrāṇāṃ marutāṃ vā mahābala |vasūnāṃ vā kimarthaṃ ca vasudevaḥ pitā tava || 5||

वने च बालक्रीडा ते जन्म चास्मासु गर्हितम् ।कृष्ण दिव्या च ते चेष्टा शङ्कितानि मनांसि नः ॥ ६॥

vane ca bālakrīḍā te janma cāsmāsu garhitam |kṛṣṇa divyā ca te ceṣṭā śaṅkitāni manāṃsi naḥ || 6||

किमर्थं गोपवेषेण रमसेऽस्मासु गर्हितम् ।लोकपालोपमश्चैव गास्त्वं किं परिरक्षसि ॥ ७॥

kimarthaṃ gopaveṣeṇa ramase'smāsu garhitam |lokapālopamaścaiva gāstvaṃ kiṃ parirakṣasi || 7||

देवो वा दानवो वा त्वं यक्षो गन्धर्व एव वा ।अस्माकं बान्धवो जातो योऽसि सोऽसि नमोऽस्तु ते ॥ ८॥

devo vā dānavo vā tvaṃ yakṣo gandharva eva vā |asmākaṃ bāndhavo jāto yo'si so'si namo'stu te || 8||

नमोऽस्तु कृष्ण कृष्णेति नमो गोपालबन्धवे ।नमो बालाय गोप्त्रे च गोपवेषाय बान्धव ॥ ९॥

namo'stu kṛṣṇa kṛṣṇeti namo gopālabandhave |namo bālāya goptre ca gopaveṣāya bāndhava || 9||

नमस्ते शिशुसिंहाय नमो भूधरधारिणे ।देवायाथ वरिष्ठाय यक्षाय च नमो नमः ॥ १०॥

namaste śiśusiṃhāya namo bhūdharadhāriṇe |devāyātha variṣṭhāya yakṣāya ca namo namaḥ || 10||

नमस्ते नन्दपुत्राय यशोदायाः सुताय च ।को भवान् कश्च वा देवः किमर्थं नोऽभिरक्षसि ॥ ११॥

namaste nandaputrāya yaśodāyāḥ sutāya ca |ko bhavān kaśca vā devaḥ kimarthaṃ no'bhirakṣasi || 11||

केनचिद्यदि कार्येण वससीह यदृच्छया ।वयं तवानुगाः सर्वे भवन्तं शरणं गताः ॥ १२॥

kenacidyadi kāryeṇa vasasīha yadṛcchayā |vayaṃ tavānugāḥ sarve bhavantaṃ śaraṇaṃ gatāḥ || 12||

इति हरिवंशान्तर्गतं गोपैः कृतं श्रीकृतं श्रीकृष्णस्तोत्रं सम्पूर्णम् ।हरिवंश । अध्याय ६३\।१९॥हरिवंश । अध्याय ६३।१-९॥

iti harivaṃśāntargataṃ gopaiḥ kṛtaṃ śrīkṛtaṃ śrīkṛṣṇastotraṃ sampūrṇam |harivaṃśa | adhyāya 63\|19||harivaṃśa | adhyāya 63|1-9||