श्रीस्वामिनारायणस्तुतिः Devubavirachitam Shri Svaminarayana Stuti

अक्षरे परमे धाम्नि स्वाङ्गकान्तिसुमण्डिते ।राजमानं परेशानं त्वामहं शरणं गता ॥ १॥

akṣare parame dhāmni svāṅgakāntisumaṇḍite |rājamānaṃ pareśānaṃ tvāmahaṃ śaraṇaṃ gatā || 1||

तस्मिन्नेव परे धाम्नि स्वमुक्तसेविताङ्घ्रिकम् ।महैश्वर्यैकपाथोधं त्वामहं शरणं गता ॥ २॥

tasminneva pare dhāmni svamuktasevitāṅghrikam |mahaiśvaryaikapāthodhaṃ tvāmahaṃ śaraṇaṃ gatā || 2||

अहैतुककृपाकारं प्रपन्नार्तिविनाशकम् ।दुर्गुणानां प्रहन्तारं त्वामहं शरणं गता ॥ ३॥

ahaitukakṛpākāraṃ prapannārtivināśakam |durguṇānāṃ prahantāraṃ tvāmahaṃ śaraṇaṃ gatā || 3||

कृपासिन्धो दयासिन्धो क्षमासिन्धो शुभङ्कर ।दिव्यानन्दैकसिन्धोऽज त्वामहं शरणं गता ॥ ४॥

kṛpāsindho dayāsindho kṣamāsindho śubhaṅkara |divyānandaikasindho'ja tvāmahaṃ śaraṇaṃ gatā || 4||

आधिव्याधिहरं स्वामिन् वैरद्वैषविवर्जितम् ।भक्तेष्टदानकर्तारं त्वामहं शरणं गता ॥ ५॥

ādhivyādhiharaṃ svāmin vairadvaiṣavivarjitam |bhakteṣṭadānakartāraṃ tvāmahaṃ śaraṇaṃ gatā || 5||

कालातीतं भयातीतं भावातीतं विभूतिदम् ।वाङ्मनोऽगोचरं दिव्यं त्वामहं शरणं गता ॥ ६॥

kālātītaṃ bhayātītaṃ bhāvātītaṃ vibhūtidam |vāṅmano'gocaraṃ divyaṃ tvāmahaṃ śaraṇaṃ gatā || 6||

आलयं सर्वभूतानां करुणावरुणालयम् ।भवभीतिप्रहर्तारं त्वामहं शरणं गता ॥ ७॥

ālayaṃ sarvabhūtānāṃ karuṇāvaruṇālayam |bhavabhītiprahartāraṃ tvāmahaṃ śaraṇaṃ gatā || 7||

वात्सल्यवारिधिं नाथ स्वामिनारायणप्रभो ।दिव्यसौख्यप्रदातारं त्वामहं शरणं गता ॥ ८॥

vātsalyavāridhiṃ nātha svāminārāyaṇaprabho |divyasaukhyapradātāraṃ tvāmahaṃ śaraṇaṃ gatā || 8||

इति श्रीदेवुबाविरचितं श्रीस्वामिनारायणस्तुतिः समाप्ता ।

iti śrīdevubāviracitaṃ śrīsvāminārāyaṇastutiḥ samāptā |