श्रीकृष्णचैतन्यस्तोत्रम् Devaih Kritam Shri Krishnachaitanya Stotram

देवा ऊचुः ।कुलिशध्वजपद्मगदाङ्कुशाभं चरणं तव नाथ महाभरणम् ।रमणं मुनिभिर्विधिशम्भुयुतं प्रणमाम वयं भवभीतिहरम् ॥ २७॥

devā ūcuḥ |kuliśadhvajapadmagadāṅkuśābhaṃ caraṇaṃ tava nātha mahābharaṇam |ramaṇaṃ munibhirvidhiśambhuyutaṃ praṇamāma vayaṃ bhavabhītiharam || 27||

दरचक्रगदाम्बुजमानधरः सुरशत्रुकठोरशरीरहरः ।सचराचरलोकभरश्चपलः खलनाशकरस्सुरकार्यकरः ॥ २८॥

daracakragadāmbujamānadharaḥ suraśatrukaṭhoraśarīraharaḥ |sacarācaralokabharaścapalaḥ khalanāśakarassurakāryakaraḥ || 28||

नमस्ते शचीनन्दनानन्दकारिन्महापापसन्तापदुर्लापहारिन् ।सुरारीन्निहत्याशु लोकाधिधारिन्स्वभक्त्याघजाताङ्गकोटिप्रहारिन् ॥ २९॥

namaste śacīnandanānandakārinmahāpāpasantāpadurlāpahārin |surārīnnihatyāśu lokādhidhārinsvabhaktyāghajātāṅgakoṭiprahārin || 29||

त्वयाहं स्वरूपेण सत्यं प्रपाल्य त्वया यज्ञरूपेण वेदः प्ररक्ष्यः ।स वै यज्ञरूपो भवाँल्लोकधारी शचीनन्दनः शक्रशर्मप्रसक्तः ॥ ३०॥

tvayāhaṃ svarūpeṇa satyaṃ prapālya tvayā yajñarūpeṇa vedaḥ prarakṣyaḥ |sa vai yajñarūpo bhavām̐llokadhārī śacīnandanaḥ śakraśarmaprasaktaḥ || 30||

अनर्पितचरो चिरात्करुणयावतीर्णःकलौ समर्पयितुमुन्नतोज्वलरसां स्वभक्तिश्रियम् ।हरेः पुनरसुन्दरद्युतिकदम्बसन्दीपितःसदा स्फुरतु नो हृदयकन्दरे शचीनन्दनः ॥ ३१॥

anarpitacaro cirātkaruṇayāvatīrṇaḥkalau samarpayitumunnatojvalarasāṃ svabhaktiśriyam |hareḥ punarasundaradyutikadambasandīpitaḥsadā sphuratu no hṛdayakandare śacīnandanaḥ || 31||

विसर्जति नरान्भवान्करुणया प्रपाल्य क्षितौनिवेदयितुमुद्भवः परात्परं स्वकीयं पदम् ।कलौ दितिजसम्भवाधिव्यथाब्धिसुरमग्नगान्समुद्धर महाप्रभो कृष्णचैतन्य शचीसुत ॥ ३२॥

visarjati narānbhavānkaruṇayā prapālya kṣitaunivedayitumudbhavaḥ parātparaṃ svakīyaṃ padam |kalau ditijasambhavādhivyathābdhisuramagnagānsamuddhara mahāprabho kṛṣṇacaitanya śacīsuta || 32||

माधुर्यैर्मधुभिस्सुगन्धवदनः स्वर्णाम्बुजानां वनंकारुण्यामृतनिर्झरैरुपचितः सत्प्रेमहेमाचलः ।भक्ताम्भोधरधारिणी विजयिनी निष्कम्पसप्तावलीदेवो नः कुलदैवतं विजयते चैतन्यकृष्णो हरिः ॥ ३३॥

mādhuryairmadhubhissugandhavadanaḥ svarṇāmbujānāṃ vanaṃkāruṇyāmṛtanirjharairupacitaḥ satpremahemācalaḥ |bhaktāmbhodharadhāriṇī vijayinī niṣkampasaptāvalīdevo naḥ kuladaivataṃ vijayate caitanyakṛṣṇo hariḥ || 33||

देवारातिजनैरधर्मजनितैस्सपीडितेयं महीसङ्कुच्याशु कलौ कलेवरमिदं बीजाय हा वर्तते ।त्वन्नाम्नैव सुरारयो विदलिताः पातालगाः पीडिताम्लेच्छा धर्मपराः सुरेशनमनास्तस्मै नमो व्यापिने ॥ ३४॥

devārātijanairadharmajanitaissapīḍiteyaṃ mahīsaṅkucyāśu kalau kalevaramidaṃ bījāya hā vartate |tvannāmnaiva surārayo vidalitāḥ pātālagāḥ pīḍitāmlecchā dharmaparāḥ sureśanamanāstasmai namo vyāpine || 34||

इति भविष्यपुराणे प्रतिसर्गपर्वणि चतुर्थखण्डे दशमाध्यायान्तर्गंदेवैः कृतं श्रीकृष्णचैतन्यस्तोत्रं समाप्तम् ।भविष्यपुराण । प्रतिसर्गपर्व । चतुर्थखण्ड । अध्याय १०/२७३४॥भविष्यपुराण । प्रतिसर्गपर्व । चतुर्थखण्ड । अध्याय १०/२७-३४॥

iti bhaviṣyapurāṇe pratisargaparvaṇi caturthakhaṇḍe daśamādhyāyāntargaṃdevaiḥ kṛtaṃ śrīkṛṣṇacaitanyastotraṃ samāptam |bhaviṣyapurāṇa | pratisargaparva | caturthakhaṇḍa | adhyāya 10/2734||bhaviṣyapurāṇa | pratisargaparva | caturthakhaṇḍa | adhyāya 10/27-34||