सुन्दरकाण्डप्रार्थनाश्लोकाः Sundara Kanda Prarthana Shloka

मनोजवं मारुततुल्यवेगंजितेन्द्रियं बुद्दिमतां वरिष्ठम् ।वातात्मजं वानरयूथमुख्यंश्रीरामदूतं शिरसा नमामि ॥ (शरणं प्रपद्ये)

manojavaṃ mārutatulyavegaṃjitendriyaṃ buddimatāṃ variṣṭham |vātātmajaṃ vānarayūthamukhyaṃśrīrāmadūtaṃ śirasā namāmi || (śaraṇaṃ prapadye)

अञ्जनानन्दनं वीरं जानकीशोकनाशनम् ।कपीशमक्षहन्तारं वन्दे लङ्काभयङ्करम् ॥गोष्पदीकृतवाराशिं मशकीकृतराक्षसम् ।रामायणमहामालारत्नं वन्देऽनिलात्मजम् ॥यत्र यत्र रघुनाथकीर्तनं तत्र तत्र कृतमस्तकाञ्जलिम् ।बाष्पवारिपरिपूर्णलोचनं मारुतिं नमत राक्षसान्तकम् ॥वन्दे वानरनारसिंहखगराट्क्रोडाश्ववक्त्राञ्चितंनानालङ्करणं त्रिपञ्चनयनं देदीप्यमानं रुचाम् । (देदिव्यमानं)हस्ताभैरसिखेटपुस्तकसुधाभाण्डं कुशाद्रीन् हलं (हस्तब्जैरसिखेट, सुधाकुम्भाङ्कुशाद्रीन्)खट्वाङ्गं फणिवृक्षधृद्दशभुजं सर्वारिगर्वापहम् ॥ (फणिभूरुहं)पोत्, एलेफन्त् गोअद्, हिल्ल्, प्लोउघ्, स्कुल्ल् उपोन् अ स्तफ़्फ़्, स्नके,

añjanānandanaṃ vīraṃ jānakīśokanāśanam |kapīśamakṣahantāraṃ vande laṅkābhayaṅkaram ||goṣpadīkṛtavārāśiṃ maśakīkṛtarākṣasam |rāmāyaṇamahāmālāratnaṃ vande'nilātmajam ||yatra yatra raghunāthakīrtanaṃ tatra tatra kṛtamastakāñjalim |bāṣpavāriparipūrṇalocanaṃ mārutiṃ namata rākṣasāntakam ||vande vānaranārasiṃhakhagarāṭkroḍāśvavaktrāñcitaṃnānālaṅkaraṇaṃ tripañcanayanaṃ dedīpyamānaṃ rucām | (dedivyamānaṃ)hastābhairasikheṭapustakasudhābhāṇḍaṃ kuśādrīn halaṃ (hastabjairasikheṭa, sudhākumbhāṅkuśādrīn)khaṭvāṅgaṃ phaṇivṛkṣadhṛddaśabhujaṃ sarvārigarvāpaham || (phaṇibhūruhaṃ)pot, elephant goad, hill, plough, skull upon a staफ़फ़, snake,

सर्वारिष्टनिवारकं शुभकरं पिङ्गाक्षमक्षापहंसीतान्वेषणतत्परं कपिवरं कोटीन्दुसूर्यप्रभम् ।लङ्काद्वीपभयङ्करं सकलदं सुग्रीवसम्मानितंदेवेन्द्रादि समक्तदेवविनुतं काकुत्थदूतं भजे ॥बुद्धिर्बलं यशो धैर्यं निर्भयत्वमरोगता ।अजाड्यं वाक्पटुत्वं च हनुमच्छरणाद्भवेत् ॥ (हनुमत्स्मरणाद्भवेत्)

sarvāriṣṭanivārakaṃ śubhakaraṃ piṅgākṣamakṣāpahaṃsītānveṣaṇatatparaṃ kapivaraṃ koṭīndusūryaprabham |laṅkādvīpabhayaṅkaraṃ sakaladaṃ sugrīvasammānitaṃdevendrādi samaktadevavinutaṃ kākutthadūtaṃ bhaje ||buddhirbalaṃ yaśo dhairyaṃ nirbhayatvamarogatā |ajāḍyaṃ vākpaṭutvaṃ ca hanumaccharaṇādbhavet || (hanumatsmaraṇādbhavet)

नमोऽस्तुरामाय सलक्ष्मणाय देव्यै च तस्यै जनकात्मजायै ।नमोऽस्तु रुद्रेन्द्रयमानिलेभ्यो नमोऽस्तु चन्द्रार्कमरुद्गणेभ्यः ॥जयत्यतिबलो रामो लक्ष्मणश्च महाबलः ।राजा जयति सुग्रीवो राघवेणाभिपालितः ॥दासोऽहं कोसलेन्द्रस्य रामस्याक्लिष्टकर्मणः ।हनुमान् शत्रुसैन्यानां निहन्ता मारुतात्मजः ॥न रावणसहस्रं मे युद्धे प्रतिबलं भवेत् ।शिलाभिस्तु प्रहरतः पादपैश्च सहस्रशः ॥अर्दयित्वा पुरीं लङ्कां अभिवाद्य च मैथिलीम् ।समृद्धार्थो गमिष्यामि मिषतां सर्वरक्षसाम् ॥धर्मात्मा सत्यसन्धश्च रामो दाशरथिर्यदि ।पौरुषे चाप्रतिद्वन्द्वः शरैनं जहि रावणिम् ॥सकृदेव प्रपन्नाय तवास्मीति च याचते ।अभयं सर्वभूतेभ्यः ददाम्येतद्व्रतं मम ॥

namo'sturāmāya salakṣmaṇāya devyai ca tasyai janakātmajāyai |namo'stu rudrendrayamānilebhyo namo'stu candrārkamarudgaṇebhyaḥ ||jayatyatibalo rāmo lakṣmaṇaśca mahābalaḥ |rājā jayati sugrīvo rāghaveṇābhipālitaḥ ||dāso'haṃ kosalendrasya rāmasyākliṣṭakarmaṇaḥ |hanumān śatrusainyānāṃ nihantā mārutātmajaḥ ||na rāvaṇasahasraṃ me yuddhe pratibalaṃ bhavet |śilābhistu praharataḥ pādapaiśca sahasraśaḥ ||ardayitvā purīṃ laṅkāṃ abhivādya ca maithilīm |samṛddhārtho gamiṣyāmi miṣatāṃ sarvarakṣasām ||dharmātmā satyasandhaśca rāmo dāśarathiryadi |pauruṣe cāpratidvandvaḥ śarainaṃ jahi rāvaṇim ||sakṛdeva prapannāya tavāsmīti ca yācate |abhayaṃ sarvabhūtebhyaḥ dadāmyetadvrataṃ mama ||

इति सुन्दरकाण्ड प्रार्थना श्लोकाः समाप्ता ।

iti sundarakāṇḍa prārthanā ślokāḥ samāptā |