व्यासाष्टोत्तरशतनामस्तोत्रम् Vyasa Ashtottarashatanama Stotram

॥ ध्यानम् ॥अभ्रश्यामः पिङ्गजटाबद्धकलापःप्रांशुर्दण्डीकृष्णमृगत्वक्परिधानः ।सर्वान् लोकान् पावयमानः कविमुख्यःपाराशर्यः पर्वसुरूपं विवृणोतु ॥ १॥

|| dhyānam ||abhraśyāmaḥ piṅgajaṭābaddhakalāpaḥprāṃśurdaṇḍīkṛṣṇamṛgatvakparidhānaḥ |sarvān lokān pāvayamānaḥ kavimukhyaḥpārāśaryaḥ parvasurūpaṃ vivṛṇotu || 1||

व्यासं वसिष्ठनप्तारं शक्तेः पौत्रमकल्मषम् ।पराशरात्मजं वन्दे शुकतातं तपोनिधिम् ॥ २॥

vyāsaṃ vasiṣṭhanaptāraṃ śakteḥ pautramakalmaṣam |parāśarātmajaṃ vande śukatātaṃ taponidhim || 2||

कृष्णद्वैपायनं व्यासं सर्वभूतहितेरतम् ।वेदाब्जभास्करं वन्दे शमादिनिलयं मुनिम् ॥ ३॥

kṛṣṇadvaipāyanaṃ vyāsaṃ sarvabhūtahiteratam |vedābjabhāskaraṃ vande śamādinilayaṃ munim || 3||

अथ स्तोत्रम् ।ॐ नारायणकुलोद्भूतो नारायणपरो वरः ।नारायणावतारश्च नारायणवशंवदः ॥ १॥

atha stotram |oṃ nārāyaṇakulodbhūto nārāyaṇaparo varaḥ |nārāyaṇāvatāraśca nārāyaṇavaśaṃvadaḥ || 1||

स्वयम्भूवंशसम्भूतो वसिष्ठकुलदीपकः ।शक्तिपौत्रः पापहन्ता पराशरसुतोऽमलः ॥ २॥

svayambhūvaṃśasambhūto vasiṣṭhakuladīpakaḥ |śaktipautraḥ pāpahantā parāśarasuto'malaḥ || 2||

द्वैपायनो मातृभक्तः शिष्टः सत्यवतीसुतः ।स्वयमुद्भूतवेदश्च चतुर्वेदविभागकृत् ॥ ३॥

dvaipāyano mātṛbhaktaḥ śiṣṭaḥ satyavatīsutaḥ |svayamudbhūtavedaśca caturvedavibhāgakṛt || 3||

महाभारतकर्ता च ब्रह्मसूत्रप्रजापतिः ।अष्टादशपुराणानां कर्ता श्यामः प्रशिष्यकः ॥ ४॥

mahābhāratakartā ca brahmasūtraprajāpatiḥ |aṣṭādaśapurāṇānāṃ kartā śyāmaḥ praśiṣyakaḥ || 4||

शुकतातः पिङ्गजटः प्रांशुर्दण्डीमृगाजिनः ।वश्यवाग् ज्ञानदाता च शङ्करायुःप्रदः शुचिः ॥ ५॥

śukatātaḥ piṅgajaṭaḥ prāṃśurdaṇḍīmṛgājinaḥ |vaśyavāg jñānadātā ca śaṅkarāyuḥpradaḥ śuciḥ || 5||

मातृवाक्यकरो धर्मी कर्मी तत्त्वार्थ दर्शकः ।सञ्जयज्ञानदाता च प्रतिस्मृत्युपदेशकः ॥ ६॥

mātṛvākyakaro dharmī karmī tattvārtha darśakaḥ |sañjayajñānadātā ca pratismṛtyupadeśakaḥ || 6||

सर्वधर्मोपदेष्टा च मृतदर्शनपण्डितः ।विचक्षणः प्रहृष्टात्मा पर्वपूज्यः प्रभुर्मुनिः ॥ ७॥

sarvadharmopadeṣṭā ca mṛtadarśanapaṇḍitaḥ |vicakṣaṇaḥ prahṛṣṭātmā parvapūjyaḥ prabhurmuniḥ || 7||

वीरो विश्रुतविज्ञानः प्राज्ञश्चाज्ञाननाशनः ।ब्राह्मकृत् पाद्मकृद् धीरो विष्णुकृच्छिवकृत् तथा ॥ ८॥

vīro viśrutavijñānaḥ prājñaścājñānanāśanaḥ |brāhmakṛt pādmakṛd dhīro viṣṇukṛcchivakṛt tathā || 8||

श्रीभागवतकर्ता च भविष्यरचनादरः ।नारदाख्स्य कर्ता च मार्कण्डेयकरोऽग्निकृत् ॥ ९॥

śrībhāgavatakartā ca bhaviṣyaracanādaraḥ |nāradākhsya kartā ca mārkaṇḍeyakaro'gnikṛt || 9||

ब्रह्मवैवर्तकर्ता च लिङ्गकृच्च वराहकृत् ।स्कान्दकर्ता वामनकृत् कूर्मकर्ता च मत्स्यकृत् ॥ १०॥

brahmavaivartakartā ca liṅgakṛcca varāhakṛt |skāndakartā vāmanakṛt kūrmakartā ca matsyakṛt || 10||

गरुडाख्यस्य कर्ता च ब्रह्माण्डाख्यपुराणकृत् ।उपपुराणानां कर्ता पुराणः पुरुषोत्तमः ॥ ११॥

garuḍākhyasya kartā ca brahmāṇḍākhyapurāṇakṛt |upapurāṇānāṃ kartā purāṇaḥ puruṣottamaḥ || 11||

काशिवासी ब्रह्मनिधिर्गीतादाता महामतिः ।सर्वज्ञः सर्वसिद्धिश्च सर्वशास्त्रप्रवर्तकः ॥ १२॥

kāśivāsī brahmanidhirgītādātā mahāmatiḥ |sarvajñaḥ sarvasiddhiśca sarvaśāstrapravartakaḥ || 12||

सर्वाश्रयः सर्वहितः सर्वः सर्वगुणाश्रयः ।विशुद्धः शुद्धिकृद् दक्षो विष्णुभक्तः शिवार्चकः ॥ १३॥

sarvāśrayaḥ sarvahitaḥ sarvaḥ sarvaguṇāśrayaḥ |viśuddhaḥ śuddhikṛd dakṣo viṣṇubhaktaḥ śivārcakaḥ || 13||

देवीभक्तः स्कन्दरुचिर्गणेशादृच्च योगवित् ।पैलाचार्य रुचः कर्ता शाकल्यार्यश्च याजुषः ॥ १४॥

devībhaktaḥ skandarucirgaṇeśādṛcca yogavit |pailācārya rucaḥ kartā śākalyāryaśca yājuṣaḥ || 14||

जैमिन्यार्यः सामकर्ता सुमन्त्वार्योऽप्यथर्वकृत् ।रोमहर्षणसूतार्यो लोकाचार्यो महामुनिः ॥ १५॥

jaiminyāryaḥ sāmakartā sumantvāryo'pyatharvakṛt |romaharṣaṇasūtāryo lokācāryo mahāmuniḥ || 15||

व्यासकाशीरतिर्विश्वपूज्यो विश्वेशपूजकः ।शान्तः शान्ताकृतिः शान्तचित्तः शान्तिप्रदस्तथा ॥ १६॥

vyāsakāśīratirviśvapūjyo viśveśapūjakaḥ |śāntaḥ śāntākṛtiḥ śāntacittaḥ śāntipradastathā || 16||

॥ इति व्यासाष्टोत्तरशतनामस्तोत्रं सम्पूर्णम् ॥

|| iti vyāsāṣṭottaraśatanāmastotraṃ sampūrṇam ||