विवेकपञ्चकम् Vivekapanchakam

वीरेश्वरांशं विबुधावतंसं वेदान्तविज्ञानसुनिश्चितार्थम् ।कारुण्यमूर्तिं कमनीयरूपं तं देशिकेन्द्रं सततं नमामि ॥ १॥

vīreśvarāṃśaṃ vibudhāvataṃsaṃ vedāntavijñānasuniścitārtham |kāruṇyamūrtiṃ kamanīyarūpaṃ taṃ deśikendraṃ satataṃ namāmi || 1||

विवेकसंज्ञं निहतारिषट्कमद्वैतसिद्धान्तविमर्शदक्षम् ।सर्वाश्रयं सर्वजनैः प्रपूज्यं तं देशिकेन्द्रं सततं स्मरामि ॥ २॥

vivekasaṃjñaṃ nihatāriṣaṭkamadvaitasiddhāntavimarśadakṣam |sarvāśrayaṃ sarvajanaiḥ prapūjyaṃ taṃ deśikendraṃ satataṃ smarāmi || 2||

न्यग्रोधवत् सर्वजनाश्रयस्त्वं भवेरिति प्रीतगुरुप्रशंस्यम् ।दीनैकबन्धुं दीननाथदीप्तिं तं देशिकेन्द्रं सततं भजामि ॥ ३॥

nyagrodhavat sarvajanāśrayastvaṃ bhaveriti prītagurupraśaṃsyam |dīnaikabandhuṃ dīnanāthadīptiṃ taṃ deśikendraṃ satataṃ bhajāmi || 3||

ज्ञानासिना छेदितमोहग्रन्थिं निरञ्जनं निःसृत सर्वभ्रान्तिम् ।अज्ञानमातङ्गसमूहसिंहं तं देशिकेन्द्रं सततं नमामि ॥ ४॥

jñānāsinā cheditamohagranthiṃ nirañjanaṃ niḥsṛta sarvabhrāntim |ajñānamātaṅgasamūhasiṃhaṃ taṃ deśikendraṃ satataṃ namāmi || 4||

अष्टादशैः शिष्टगुणै रूपेतं भवाब्धि मग्नस्य जनस्यपोतम् ।तृणीकृता येन तदष्टसिद्धिस्तं देशिकेन्द्रं सततं स्मरामि ॥ ५॥

aṣṭādaśaiḥ śiṣṭaguṇai rūpetaṃ bhavābdhi magnasya janasyapotam |tṛṇīkṛtā yena tadaṣṭasiddhistaṃ deśikendraṃ satataṃ smarāmi || 5||

विश्वकल्याणदक्षाय विवेकानन्दसूरये ।कृत्वापि मुग्धभावेन स्तुतिरेषा समर्पिता ॥इति स्वामि अमृतानन्दविरचितं विवेकपञ्चकम् सम्पूर्णम् ।

viśvakalyāṇadakṣāya vivekānandasūraye |kṛtvāpi mugdhabhāvena stutireṣā samarpitā ||iti svāmi amṛtānandaviracitaṃ vivekapañcakam sampūrṇam |