रामानुजस्तोत्रम् Shriramanujastotram

श्रीमते रामानुजाय नमः ।हे रामानुज हे यतिक्षितिपते हे भाष्यकार प्रभोहे लीलानरविग्रहानघ विभो हे कान्तिमत्यात्मज ।हे श्रीमन् प्रणतार्तिनाशन कृपामात्रप्रसन्नार्य भोहे वेदान्तयुगप्रवर्तक परं जानामि न त्वां विना ॥ १॥

śrīmate rāmānujāya namaḥ |he rāmānuja he yatikṣitipate he bhāṣyakāra prabhohe līlānaravigrahānagha vibho he kāntimatyātmaja |he śrīman praṇatārtināśana kṛpāmātraprasannārya bhohe vedāntayugapravartaka paraṃ jānāmi na tvāṃ vinā || 1||

हे हारीतकुलारविन्दतरणे हे पुण्यसङ्कीर्तनब्रह्मध्यानपर त्रिदण्डधर हे भूतिद्वयाधीश्वर ।हे रङ्गेशनियोजक त्वरित हे गीश्शोकसंहारकस्वामिन् हे वरदाम्बुदायक परं जानामि न त्वां विना ॥ २॥

he hārītakulāravindataraṇe he puṇyasaṅkīrtanabrahmadhyānapara tridaṇḍadhara he bhūtidvayādhīśvara |he raṅgeśaniyojaka tvarita he gīśśokasaṃhārakasvāmin he varadāmbudāyaka paraṃ jānāmi na tvāṃ vinā || 2||

हे श्रीभूतपुरीश लक्ष्मणमुने हे यादवापादितापार्थार्थद्रुमकृन्तनोग्रपरशो हे भक्तमन्दारक ।हे ब्रह्मासुरमोचनक्षम कृपाकूपार हे सज्जनप्रेष्ठामोघयतीन्द्रदेशिक परं जानामि न त्वां विना ॥ ३॥

he śrībhūtapurīśa lakṣmaṇamune he yādavāpāditāpārthārthadrumakṛntanograparaśo he bhaktamandāraka |he brahmāsuramocanakṣama kṛpākūpāra he sajjanapreṣṭhāmoghayatīndradeśika paraṃ jānāmi na tvāṃ vinā || 3||

हे पूणार्य कृपाप्तसद्द्वयमनो मालाधरानुग्रहात् (पूर्णार्य?)ज्ञातद्राविडवेदतत्त्व सुमते मन्नाथपृथ्वीधर ।काञ्चीपूर्णवरेण्यशिष्य भगवन् हे केशवस्यात्मजश्रीपद्मेशपदाब्जषट्पदपरं जानामि न त्वां विना ॥ ४॥

he pūṇārya kṛpāptasaddvayamano mālādharānugrahāt (pūrṇārya?)jñātadrāviḍavedatattva sumate mannāthapṛthvīdhara |kāñcīpūrṇavareṇyaśiṣya bhagavan he keśavasyātmajaśrīpadmeśapadābjaṣaṭpadaparaṃ jānāmi na tvāṃ vinā || 4||

हे गोपीजनमुक्तिदानकर हे शास्त्रार्थतत्त्वज्ञ हेगोष्ठीपूर्णकृपागृहीतविलसन्मन्त्राधिपाहस्कर ।हेऽनन्तेष्टफलप्रदायक गुरो हे विठ्ठलेशार्चितहे बोधायन सूत्रसन्मत परं जानामि न त्वां विना ॥ ५॥

he gopījanamuktidānakara he śāstrārthatattvajña hegoṣṭhīpūrṇakṛpāgṛhītavilasanmantrādhipāhaskara |he'nanteṣṭaphalapradāyaka guro he viṭhṭhaleśārcitahe bodhāyana sūtrasanmata paraṃ jānāmi na tvāṃ vinā || 5||

हे गोपालक हे कृपाजलनिधे हे सिन्धुकन्यापतेहे कंसान्तक हे गजेन्द्रकरुणापारीण हे माधव ।हे रामानुज हे जगत्रयगुरो हे पुण्डरीकाक्ष मांहे गोपीजननाथ पालय परं जानामि न त्वां विना ॥ ६॥

he gopālaka he kṛpājalanidhe he sindhukanyāpatehe kaṃsāntaka he gajendrakaruṇāpārīṇa he mādhava |he rāmānuja he jagatrayaguro he puṇḍarīkākṣa māṃhe gopījananātha pālaya paraṃ jānāmi na tvāṃ vinā || 6||

हे राम पुरुषोत्तम नरहरे नारायण केशवगोविन्द गरुडध्वज गुणनिधे दामोदर माधव ।हे कृष्ण कमलापते यदुपते सीतापते श्रीपतेहे वैकुण्ठपते चराचरपते लक्ष्मीपते पाहि माम् ॥ ७॥

he rāma puruṣottama narahare nārāyaṇa keśavagovinda garuḍadhvaja guṇanidhe dāmodara mādhava |he kṛṣṇa kamalāpate yadupate sītāpate śrīpatehe vaikuṇṭhapate carācarapate lakṣmīpate pāhi mām || 7||

इति श्रीरामानुजस्तोत्रं सम्पूर्णम् ॥ ७॥

iti śrīrāmānujastotraṃ sampūrṇam || 7||