रामानुजप्रपत्तिः Shriramanujaprapattih

तत्त्वावबोधमिहिराभ्युदयस्य पूर्वंसन्ध्यायितैदरविनिद्रसरोजरम्यैः ।आपाटलांशुपटलैः परिरभ्यमाणौरामानुजस्य चरणौ शरणं प्रपद्ये ॥ १॥

tattvāvabodhamihirābhyudayasya pūrvaṃsandhyāyitaidaravinidrasarojaramyaiḥ |āpāṭalāṃśupaṭalaiḥ parirabhyamāṇaurāmānujasya caraṇau śaraṇaṃ prapadye || 1||

भोगापवर्गरसिकैःपुरुषैःप्रयुक्तन्यासाङ्गपञ्चकयुगीमतिदायिनीभिः ।दीर्घाङ्गुलीभिरतुलौ दशभिःसुशोभौरामानुजस्य चरणौ शरणं प्रपद्ये ॥ २॥

bhogāpavargarasikaiḥpuruṣaiḥprayuktanyāsāṅgapañcakayugīmatidāyinībhiḥ |dīrghāṅgulībhiratulau daśabhiḥsuśobhaurāmānujasya caraṇau śaraṇaṃ prapadye || 2||

वेदान्तदेशिकशिखाभरणायमानौतस्याच्छमानससरोवरराजहंसौ ।तत्प्रौढवाक्सुरनदीकमठायमानौरामानुजस्य चरणौ शरणं प्रपद्ये ॥ ३॥

vedāntadeśikaśikhābharaṇāyamānautasyācchamānasasarovararājahaṃsau |tatprauḍhavāksuranadīkamaṭhāyamānaurāmānujasya caraṇau śaraṇaṃ prapadye || 3||

निर्वापितप्रचुरगर्वविनम्रसर्वदुर्वादिशीर्षपरिषद्बहुमानिताभ्याम् ।वादाहवेषु घटितौ वरपादुकाभ्यांरामानुजस्य चरणौ शरणं प्रपद्ये ॥ ४॥

nirvāpitapracuragarvavinamrasarvadurvādiśīrṣapariṣadbahumānitābhyām |vādāhaveṣu ghaṭitau varapādukābhyāṃrāmānujasya caraṇau śaraṇaṃ prapadye || 4||

उत्थाय योगसुखतो मीतप्रभातेसह्याद्रिजाप्लवविधौ भृशमुत्सुकस्य ।चित्तस्य शीघ्रगमनेन वितीर्णसाह्यौरामानुजस्य चरणौ शरणं प्रपद्ये ॥ ५॥

utthāya yogasukhato mītaprabhātesahyādrijāplavavidhau bhṛśamutsukasya |cittasya śīghragamanena vitīrṇasāhyaurāmānujasya caraṇau śaraṇaṃ prapadye || 5||

रेखाध्वजाङ्कुशसरोरुहशङ्खमुख्यचिह्नैर्निजैस्तत इतो मृदुचङ्क्रमेण ।सह्यात्मजापुलिनसीमनि भूषयन्तौरामानुजस्य चरणौ शरणं प्रपद्ये ॥ ६॥

rekhādhvajāṅkuśasaroruhaśaṅkhamukhyacihnairnijaistata ito mṛducaṅkrameṇa |sahyātmajāpulinasīmani bhūṣayantaurāmānujasya caraṇau śaraṇaṃ prapadye || 6||

निर्वर्त्तने सति च सान्ध्यविधेर्यथावद्भक्त्या मुहुःप्रणमतां महतां जनानाम् ।द्रागर्चितो सुविहिताञ्जलिपद्मकोशैःरामानुजस्य चरणौ शरणं प्रपद्ये ॥ ७॥

nirvarttane sati ca sāndhyavidheryathāvadbhaktyā muhuḥpraṇamatāṃ mahatāṃ janānām |drāgarcito suvihitāñjalipadmakośaiḥrāmānujasya caraṇau śaraṇaṃ prapadye || 7||

श्रीरङ्गनाथचरणाविव वेदमौलिष्वात्मीयवैभवविदां महतां द्विजानाम् ।धन्योत्तमाङ्गवलभीषु विहारभाजौरामानुजस्य चरणौ शरणं प्रपद्ये ॥ ८॥

śrīraṅganāthacaraṇāviva vedamauliṣvātmīyavaibhavavidāṃ mahatāṃ dvijānām |dhanyottamāṅgavalabhīṣu vihārabhājaurāmānujasya caraṇau śaraṇaṃ prapadye || 8||

रङ्गाधिराजसदनाभिमुखं प्रयान्तौरथ्यापरागपटलीं निजसङ्गभूम्ना ।संसाररोगशमनौषधचूर्णयन्तौरामानुजस्य चरणौ शरणं प्रपद्ये ॥ ९॥

raṅgādhirājasadanābhimukhaṃ prayāntaurathyāparāgapaṭalīṃ nijasaṅgabhūmnā |saṃsārarogaśamanauṣadhacūrṇayantaurāmānujasya caraṇau śaraṇaṃ prapadye || 9||

प्राबोधिकस्तुतिवरेण विधूतनिद्रःस्नेहार्द्रया निजदृशा पुरुषः पुराणः ।यौ सिञ्चति स्म सपदि क्रमशो मुखाद्यःरामानुजस्य चरणौ शरणं प्रपद्ये ॥ १०॥

prābodhikastutivareṇa vidhūtanidraḥsnehārdrayā nijadṛśā puruṣaḥ purāṇaḥ |yau siñcati sma sapadi kramaśo mukhādyaḥrāmānujasya caraṇau śaraṇaṃ prapadye || 10||

वेदान्तगह्वरनिलीनमनोहरार्थव्याख्यारसैकमनसो निजशिष्यवर्गे ।निष्पन्दतामुपगतौ श्रवणेच्छयैवरामानुजस्य चरणौ शरणं प्रपद्ये ॥ ११॥

vedāntagahvaranilīnamanoharārthavyākhyārasaikamanaso nijaśiṣyavarge |niṣpandatāmupagatau śravaṇecchayaivarāmānujasya caraṇau śaraṇaṃ prapadye || 11||

भिक्षाटनस्य समये दिनयौवनेऽपितेजोऽनलेन्धनमहं न भवेयमस्य ।इत्थं धरा धृतवती शिशिरासती यौरामानुजस्य चरणौ शरणं प्रपद्ये ॥ १२॥

bhikṣāṭanasya samaye dinayauvane'pitejo'nalendhanamahaṃ na bhaveyamasya |itthaṃ dharā dhṛtavatī śiśirāsatī yaurāmānujasya caraṇau śaraṇaṃ prapadye || 12||

श्रीशेषशैलकरिभूधरयादवाद्रिसिंहाचलेन्द्रबदरीवननायकानाम् ।नित्यं गतागतजुषौ पदसेवनायरामानुजस्य चरणौ शरणं प्रपद्ये ॥ १३॥

śrīśeṣaśailakaribhūdharayādavādrisiṃhācalendrabadarīvananāyakānām |nityaṃ gatāgatajuṣau padasevanāyarāmānujasya caraṇau śaraṇaṃ prapadye || 13||

स्नानेन पातकिजनैः परिमुक्तसक्तदोषापनोदनकृते सुरनिम्नगायाः ।तीरे नखद्युतिभिरादधताविवान्यांरामानुजस्य चरणौ शरणं प्रपद्ये ॥ १४॥

snānena pātakijanaiḥ parimuktasaktadoṣāpanodanakṛte suranimnagāyāḥ |tīre nakhadyutibhirādadhatāvivānyāṃrāmānujasya caraṇau śaraṇaṃ prapadye || 14||

श्रीरामसेतुपरिकर्मवतामहोर्मिजालेन सिन्धुसविधे कलहायमानौ ।श्रीपादुकास्वनमिषाद्वृजिनापनोदेरामानुजस्य चरणौ शरणं प्रपद्ये ॥ १५॥

śrīrāmasetuparikarmavatāmahormijālena sindhusavidhe kalahāyamānau |śrīpādukāsvanamiṣādvṛjināpanoderāmānujasya caraṇau śaraṇaṃ prapadye || 15||

रामानुजप्रपत्तिं ये तत्पदाम्भोजभक्तितः ।पठन्त्यनुदिनं प्रातर्मुक्तिस्तेषां करे स्थिता ॥ १६॥

rāmānujaprapattiṃ ye tatpadāmbhojabhaktitaḥ |paṭhantyanudinaṃ prātarmuktisteṣāṃ kare sthitā || 16||

इति श्रीरामानुजप्रपत्तिः ॥

iti śrīrāmānujaprapattiḥ ||