श्रीधरप्रार्थना Shridhara Prarthana

त्रिलोकनाथं जगदादिवन्द्यं सनातनं शाश्वतशान्तमूर्तिम् ।अनाथरक्षं ह्यभयं विशोकं सदा नमः श्रीधर ते स्वरूपम् ॥ १॥

trilokanāthaṃ jagadādivandyaṃ sanātanaṃ śāśvataśāntamūrtim |anātharakṣaṃ hyabhayaṃ viśokaṃ sadā namaḥ śrīdhara te svarūpam || 1||

अचिन्त्यरूपं निजचिद्विलासं दिवाकरं दीनमतिप्रकाशम् ।अनामयं चण्डविभेदनाशं सदा नमः श्रीधर ते स्वरूपम् ॥ २॥

acintyarūpaṃ nijacidvilāsaṃ divākaraṃ dīnamatiprakāśam |anāmayaṃ caṇḍavibhedanāśaṃ sadā namaḥ śrīdhara te svarūpam || 2||

भर्जनं मोहबीजानां मर्जनं सुखसम्पदाम् ।तर्जनं कामदूतानां श्रीधरेति सुगर्जनम् ॥ ३॥

bharjanaṃ mohabījānāṃ marjanaṃ sukhasampadām |tarjanaṃ kāmadūtānāṃ śrīdhareti sugarjanam || 3||

यस्मिन्सर्वाणि भूतानि जायन्ते ज्ञानतोमृषा ।ज्ञाते सति न किञ्चिद्वै तमहं श्रीधरं भजे ॥ ४॥

yasminsarvāṇi bhūtāni jāyante jñānatomṛṣā |jñāte sati na kiñcidvai tamahaṃ śrīdharaṃ bhaje || 4||

अखण्डं सच्चिदानन्दं परिपूर्णं परात्परम् ।निर्गुणं निष्कलं ब्रह्म तं वन्दे श्रीधरं गुरुम् ॥ ५॥

akhaṇḍaṃ saccidānandaṃ paripūrṇaṃ parātparam |nirguṇaṃ niṣkalaṃ brahma taṃ vande śrīdharaṃ gurum || 5||

अप्रमेयसुखस्फूर्ते निर्मलज्ञानभास्कर ।चिन्मूर्ते श्रीगुरो नौमि सदा ते पादपङ्कजम् ॥ ६॥

aprameyasukhasphūrte nirmalajñānabhāskara |cinmūrte śrīguro naumi sadā te pādapaṅkajam || 6||

आकाशवत्सर्गगतं सुसूक्ष्मं सच्चिन्मयं निष्क्रियमेकमाद्यम् ।अजं विभुं नित्यमुपाधिहीनं नमाम्य श्रीधरसद्गुरुं तम् ॥ ७॥

ākāśavatsargagataṃ susūkṣmaṃ saccinmayaṃ niṣkriyamekamādyam |ajaṃ vibhuṃ nityamupādhihīnaṃ namāmya śrīdharasadguruṃ tam || 7||

येन व्याप्तमिदं सर्वं जगत्स्थावरजङ्गमम् ।तमस्माकं गुरुं वन्दे श्रीधरार्यं दयानिधिम् ॥ ८॥

yena vyāptamidaṃ sarvaṃ jagatsthāvarajaṅgamam |tamasmākaṃ guruṃ vande śrīdharāryaṃ dayānidhim || 8||

नमस्ते जगदाधार नमस्ते भक्तवत्सल ।नमस्ते कृपया पूर्ण भो श्रीधर नमोस्तु ते ॥ ९॥

namaste jagadādhāra namaste bhaktavatsala |namaste kṛpayā pūrṇa bho śrīdhara namostu te || 9||

जय देव जगन्नाथ जय श्रीधर शाश्वत ।जय सर्वगुणातीत जय नित्य निरञ्जन ॥ १०॥

jaya deva jagannātha jaya śrīdhara śāśvata |jaya sarvaguṇātīta jaya nitya nirañjana || 10||

जय सच्चिन्मयानन्त जय अद्वय चिन्मय ।जय नाथ कृपासिन्धो जय भक्तार्तिभञ्जन ॥ ११॥

jaya saccinmayānanta jaya advaya cinmaya |jaya nātha kṛpāsindho jaya bhaktārtibhañjana || 11||

जय पूर्ण परानन्द जयार्तत्राण श्रीधर ।जय दुस्तरभवार्तीनां सागरतारण प्रभो ॥ १२॥

jaya pūrṇa parānanda jayārtatrāṇa śrīdhara |jaya dustarabhavārtīnāṃ sāgaratāraṇa prabho || 12||

प्रसीद मे श्री श्रीधरार्य संसारभ्रमवारक ।भवाज्ञानं क्षयं नीत्वा श्रीधरार्य कृपां कुरु ॥ १३॥

prasīda me śrī śrīdharārya saṃsārabhramavāraka |bhavājñānaṃ kṣayaṃ nītvā śrīdharārya kṛpāṃ kuru || 13||

इति श्रीधरप्रार्थना समाप्ता ।(मार्गशिर्ष १८८८)

iti śrīdharaprārthanā samāptā |(mārgaśirṣa 1888)