व्यासराजस्तोत्रम् Shri Vyasaraja Stotram

वन्दे मुकुन्दमरविन्दभवादिवन्द्यंइन्दिन्दिराप्रततमेचकमाकटाक्षम् ।बन्दीकृतामरममन्दमतिं विदध्यादानन्दतीर्थहृदयाम्बुजमत्तभृङ्गः ॥ १॥

vande mukundamaravindabhavādivandyaṃindindirāpratatamecakamākaṭākṣam |bandīkṛtāmaramamandamatiṃ vidadhyādānandatīrthahṛdayāmbujamattabhṛṅgaḥ || 1||

श्रीव्यासयोगी हरिपादरागीभक्तातिपूगी हितदक्षसद्गीः ।त्यागी विरागी विषयेषु भोगीमुक्तौ सदा गीतसुरेन्द्रसङ्गी ॥ २॥

śrīvyāsayogī haripādarāgībhaktātipūgī hitadakṣasadgīḥ |tyāgī virāgī viṣayeṣu bhogīmuktau sadā gītasurendrasaṅgī || 2||

लक्ष्मीशपादाम्बुजमत्तभृङ्गःसदा दशप्रज्ञनयप्रसङ्गः ।अद्वैतवादे कृतमूलभङ्गःमहाव्रतीशो विषयेष्वसङ्गः ॥ ३॥

lakṣmīśapādāmbujamattabhṛṅgaḥsadā daśaprajñanayaprasaṅgaḥ |advaitavāde kṛtamūlabhaṅgaḥmahāvratīśo viṣayeṣvasaṅgaḥ || 3||

सदा सदायत्तमहानुभावःभक्ताघतूलोच्चयतीव्रदावः ।दौर्जन्यविध्वंसनदक्षरावःशिष्याश्च यो यच्छति दिव्यगावः ॥ ४॥

sadā sadāyattamahānubhāvaḥbhaktāghatūloccayatīvradāvaḥ |daurjanyavidhvaṃsanadakṣarāvaḥśiṣyāśca yo yacchati divyagāvaḥ || 4||

आद्वैतदावानलकालमेघःरमारमस्नेहविदारिताघः ।वाग्वैखरीनिर्जितसज्जनौघःमायामतव्रातहिमे निदाघः ॥ ५॥

ādvaitadāvānalakālameghaḥramāramasnehavidāritāghaḥ |vāgvaikharīnirjitasajjanaughaḥmāyāmatavrātahime nidāghaḥ || 5||

मध्वसिद्धान्तदुग्धाब्धिवृद्धि पूर्णकलाधरः ।व्यासराजयतीन्द्रो मे भूयादीप्सितसिद्दये ॥ ६॥

madhvasiddhāntadugdhābdhivṛddhi pūrṇakalādharaḥ |vyāsarājayatīndro me bhūyādīpsitasiddaye || 6||

यन्नामग्रहणादेव पापराशिः पलायते ।सोयं श्रीव्यासयोगीन्द्रो निहन्तु दुरितानि नः ॥ ७॥

yannāmagrahaṇādeva pāparāśiḥ palāyate |soyaṃ śrīvyāsayogīndro nihantu duritāni naḥ || 7||

यन्मृत्तिकादर्शनमात्रभीतःक्वचित्पिशाचस्तदनुव्रतेभ्यः ।दत्टा धनं वाञ्छितमाप्य तस्यतैर्वा जितोयादचिरेण मुक्तिम् ॥ ८॥

yanmṛttikādarśanamātrabhītaḥkvacitpiśācastadanuvratebhyaḥ |datṭā dhanaṃ vāñchitamāpya tasyatairvā jitoyādacireṇa muktim || 8||

यत्कौशिकानासिकाक्तजलान्निःशङ्किते नरे ।व्याघ्रो महानपि स्प्रष्टुं नाशकत्त्वामिहाश्रये ॥ ९॥

yatkauśikānāsikāktajalānniḥśaṅkite nare |vyāghro mahānapi spraṣṭuṃ nāśakattvāmihāśraye || 9||

द्वात्रिंशत्सप्तशतकमूर्तीर्हनुमतः प्रभोः ।प्रतिष्ठाता स्मृतिख्यातस्तं भजे व्यासयोगिनम् ॥ १०॥

dvātriṃśatsaptaśatakamūrtīrhanumataḥ prabhoḥ |pratiṣṭhātā smṛtikhyātastaṃ bhaje vyāsayoginam || 10||

सीमानं तत्र तत्रैत्य क्षेत्रेषु च महामतिः ।व्यवस्थाप्यात्र मर्यादां लब्धवांस्तमिहाश्रये ॥ ११॥

sīmānaṃ tatra tatraitya kṣetreṣu ca mahāmatiḥ |vyavasthāpyātra maryādāṃ labdhavāṃstamihāśraye || 11||

मध्वदेशिकसिद्धान्तप्रवर्तकशिखामणिः ।सोयं श्रीव्यासयोगीन्द्रो भूयादीप्सितसिद्धये ॥ १२॥

madhvadeśikasiddhāntapravartakaśikhāmaṇiḥ |soyaṃ śrīvyāsayogīndro bhūyādīpsitasiddhaye || 12||

भूतप्रेतपिशाचाद्या यस्य स्मरणमात्रतः ।पलायन्ते श्रीनृसिंहस्थानं तमहमाश्रये ॥ १३॥

bhūtapretapiśācādyā yasya smaraṇamātrataḥ |palāyante śrīnṛsiṃhasthānaṃ tamahamāśraye || 13||

वातज्वरादिरोगाश्च भक्त्या यमुपसेविनः ।दृढव्रतस्य नश्यन्ति पिशाचाश्च तमाश्रये ॥ १४॥

vātajvarādirogāśca bhaktyā yamupasevinaḥ |dṛḍhavratasya naśyanti piśācāśca tamāśraye || 14||

तारपूर्णं बिन्दुयुक्तप्रथमाक्षरपूर्वकम् ।चतुर्थ्यन्तं च तन्नाम नमःशब्दान्तभूषितम् ॥ १५॥

tārapūrṇaṃ binduyuktaprathamākṣarapūrvakam |caturthyantaṃ ca tannāma namaḥśabdāntabhūṣitam || 15||

पाठयन्तं मध्वनयं मेघगम्भीरया गिरा ।ध्यायन्नावर्तयेद्यस्तु भक्त्या मेधां स विन्दते ॥ १६॥

pāṭhayantaṃ madhvanayaṃ meghagambhīrayā girā |dhyāyannāvartayedyastu bhaktyā medhāṃ sa vindate || 16||

रत्नसिंहासनारूढं चामरैरभिवीजितम् ।ध्यायन्नावर्तते यस्तु महतीं श्रियमाप्नुयात् ॥प्रह्लादस्यावतारोसाविन्द्रस्यानुप्रवेशवान् ।तेन तत्सेविनां नॄणां सर्वमेतद्भवेद्ध्रुवम् ॥ १८॥

ratnasiṃhāsanārūḍhaṃ cāmarairabhivījitam |dhyāyannāvartate yastu mahatīṃ śriyamāpnuyāt ||prahlādasyāvatārosāvindrasyānupraveśavān |tena tatsevināṃ nṝṇāṃ sarvametadbhaveddhruvam || 18||

नमो व्यासमुनीन्द्राय भक्ताभीष्टप्रदायिने ।नमतां कल्पतरवे भजतां कामधेनवे ॥ १९॥

namo vyāsamunīndrāya bhaktābhīṣṭapradāyine |namatāṃ kalpatarave bhajatāṃ kāmadhenave || 19||

व्यासराजगुरो मह्यं त्वत्पादाम्बुजसेवनात् ।दुरितानि विनश्शन्तु यच्छ शीघ्रं मनोरथान् ॥ २०॥

vyāsarājaguro mahyaṃ tvatpādāmbujasevanāt |duritāni vinaśśantu yaccha śīghraṃ manorathān || 20||

यो व्यासत्रयसंज्ञकान् दृढतरान्ग् मध्वार्यशास्त्रार्थकान्रक्षद्वज्रशिलाकृतीन् बहुमतान्ग् कृत्वा परैर्दुस्तरान् ।प्रायच्छन्निजपादपद्मसरसीजासक्त नॄणां मुदासोयं व्यासमुनीश्वरो भवतु मे तापत्रयक्षान्तये ॥ २१॥

yo vyāsatrayasaṃjñakān dṛḍhatarāng madhvāryaśāstrārthakānrakṣadvajraśilākṛtīn bahumatāng kṛtvā parairdustarān |prāyacchannijapādapadmasarasījāsakta nṝṇāṃ mudāsoyaṃ vyāsamunīśvaro bhavatu me tāpatrayakṣāntaye || 21||

मध्वभक्तो व्यासशिष्यपूर्णप्रज्ञमतानुगः ।व्यासराजमुनिश्रेष्ठः पातु नः कृपया गुरुः ॥ २२॥

madhvabhakto vyāsaśiṣyapūrṇaprajñamatānugaḥ |vyāsarājamuniśreṣṭhaḥ pātu naḥ kṛpayā guruḥ || 22||

व्यासराज व्यासराज इति भक्त्या सदा जपन् ।मुच्यते सर्वदुःखेभ्यस्तदन्तर्यामिणो बलात् ॥ २३॥

vyāsarāja vyāsarāja iti bhaktyā sadā japan |mucyate sarvaduḥkhebhyastadantaryāmiṇo balāt || 23||

स्तुवन्ननेन मन्त्रेण व्यासराजाय धीमते ।अभिषेकार्चनादीन्यः कुरुते स हि मुक्तिभाक् ॥ २४॥

stuvannanena mantreṇa vyāsarājāya dhīmate |abhiṣekārcanādīnyaḥ kurute sa hi muktibhāk || 24||

गुरुभक्त्या भवेद्विष्णुभक्तिरव्यभिचारिणी ।तया सर्वं लभेद्धीमांस्तस्मादेतत्सदा पठेत् ॥ २५॥

gurubhaktyā bhavedviṣṇubhaktiravyabhicāriṇī |tayā sarvaṃ labheddhīmāṃstasmādetatsadā paṭhet || 25||

इति श्रीपरमहंसपरिव्राजकाचार्याणां श्रीसुरेन्द्रतीर्थ पूज्यपादानांशिष्येण विजयीन्द्रभिक्षुणाविरचितं श्रीव्यासराजस्तोत्रं सम्पूर्णम् ।

iti śrīparamahaṃsaparivrājakācāryāṇāṃ śrīsurendratīrtha pūjyapādānāṃśiṣyeṇa vijayīndrabhikṣuṇāviracitaṃ śrīvyāsarājastotraṃ sampūrṇam |