श्रीपादराजस्तोत्रम् Shri Shripadaraja Stotram

अश्वधाटीद्वैपायनोत्तम करोपगतां पवनरूपामितेक्षमहितांगोपाङ्गनेशतनुमापातमर्चयितुमापाद्य योहि यतिताम् ।स्वापास्त भूपकृत शापासिघात निजतापारपाप निचयंश्रीपादराजवरशापायुदम्भजतसूपान्न लोलुपधियः ॥ १॥

aśvadhāṭīdvaipāyanottama karopagatāṃ pavanarūpāmitekṣamahitāṃgopāṅganeśatanumāpātamarcayitumāpādya yohi yatitām |svāpāsta bhūpakṛta śāpāsighāta nijatāpārapāpa nicayaṃśrīpādarājavaraśāpāyudambhajatasūpānna lolupadhiyaḥ || 1||

कापालिकांश वरकोपातिवित्तयति भूपारकाङ्क्षिकुलभूभूपावनामित धियापावितातिशुभरूपाब्जनाभ सुयतेः ।गोपायितान्वय सुदीपाभहेमसमरूपाख्य भिक्षु वरभूःश्रीपादराजयतिरापातुनः शुभकलापानपारमहिमा ॥ २॥

kāpālikāṃśa varakopātivittayati bhūpārakāṅkṣikulabhūbhūpāvanāmita dhiyāpāvitātiśubharūpābjanābha suyateḥ |gopāyitānvaya sudīpābhahemasamarūpākhya bhikṣu varabhūḥśrīpādarājayatirāpātunaḥ śubhakalāpānapāramahimā || 2||

गोपालविठ्ठलतनूपार्थभल्लुकसुतोपासितेसमहिळेदीपाड्यवित्तभवनापालते कुरुकुलापाय भूनृपतिना ।प्रापादिमादिशदथोपाक शिष्ययतये पादुकेतमनयोःश्रीपादराजयतिरापातुनो रचित भूपाल पीठवसतिः ॥ ३॥

gopālaviṭhṭhalatanūpārthabhallukasutopāsitesamahiḷedīpāḍyavittabhavanāpālate kurukulāpāya bhūnṛpatinā |prāpādimādiśadathopāka śiṣyayataye pāduketamanayoḥśrīpādarājayatirāpātuno racita bhūpāla pīṭhavasatiḥ || 3||

योपागमत्स्वपुरतोपास्तबन्धुजनतापारिबर्ह सुहृदालापादिराग उरुभूपालवर्यजन गोपाङ्ग हापिततनुः ।धूपायितान्तर इवापाटवीं निशितरोपाभमातृवचसागोपायितात्मतनुभूपामरार्यजन गोपारवश्यकरभाः ॥ ४॥

yopāgamatsvapuratopāstabandhujanatāpāribarha suhṛdālāpādirāga urubhūpālavaryajana gopāṅga hāpitatanuḥ |dhūpāyitāntara ivāpāṭavīṃ niśitaropābhamātṛvacasāgopāyitātmatanubhūpāmarāryajana gopāravaśyakarabhāḥ || 4||

हापाक आगत इहापाप सेव्यमभिरूपामरद्रुमितिमांश्रीपालयापित महीपारगामिसुरशापायुधोक्त तपसा ।क्ष्मापाल पीठमथ गोपालसेव्यपदमापाग्र्यजन्मगुरुतांश्रीपादराजयतिरापारमत्पयमहापायतः सपदिनः ॥ ५॥

hāpāka āgata ihāpāpa sevyamabhirūpāmaradrumitimāṃśrīpālayāpita mahīpāragāmisuraśāpāyudhokta tapasā |kṣmāpāla pīṭhamatha gopālasevyapadamāpāgryajanmagurutāṃśrīpādarājayatirāpāramatpayamahāpāyataḥ sapadinaḥ || 5||

व्यात्तानवान्तक समत्तायुधोरुभुज वैत्तायनिध्वजिचमूच्छेत्तानुजार्थमिव भेत्तास्वकावतमसोत्तानपर्वत ततेः ।स्वात्तानिळागम महोत्तानतीक्ष्ण पविरौत्तानपाद यतिराट्वेत्ता हयाननतनूत्तारणस्य ममतोत्ताभवार्तिमतुळाम् ॥ ६॥

vyāttānavāntaka samattāyudhorubhuja vaittāyanidhvajicamūcchettānujārthamiva bhettāsvakāvatamasottānaparvata tateḥ |svāttāniḷāgama mahottānatīkṣṇa pavirauttānapāda yatirāṭvettā hayānanatanūttāraṇasya mamatottābhavārtimatuḷām || 6||

श्रीपादराजगुणवर्णन पद्यषट्कंश्रीव्यासराजयति शिष्यगणर्षभेण ।श्रीवादिराजयतिना रचितं तु शश्वत्सेवादरेण पठतां प्रकरोत्यभीष्टम ॥ ७॥

śrīpādarājaguṇavarṇana padyaṣaṭkaṃśrīvyāsarājayati śiṣyagaṇarṣabheṇa |śrīvādirājayatinā racitaṃ tu śaśvatsevādareṇa paṭhatāṃ prakarotyabhīṣṭama || 7||

इति श्रीवादिराजतीर्थविरचितं श्रीपादराज स्तोत्रं सम्पूर्णम् ।

iti śrīvādirājatīrthaviracitaṃ śrīpādarāja stotraṃ sampūrṇam |