श्रीपादराजाष्टकम् १ Shri Shripadaraja Ashtakam 1

श्रीमद्वीरनृसिंहनामनृपतेर्भूदेव हत्या व्यथांदूरीकृत्य तदर्पितोज्ज्वलमहासिंहासने संस्थितः ।श्रीमत्पूर्वकवाटनामकपुरे सर्वेष्ट सिद्धिप्रदःश्रीपादयतीन्द्रशेखरमणिः भूयात्सनः श्रेयसे ॥ १॥

śrīmadvīranṛsiṃhanāmanṛpaterbhūdeva hatyā vyathāṃdūrīkṛtya tadarpitojjvalamahāsiṃhāsane saṃsthitaḥ |śrīmatpūrvakavāṭanāmakapure sarveṣṭa siddhipradaḥśrīpādayatīndraśekharamaṇiḥ bhūyātsanaḥ śreyase || 1||

भेरी मञ्जुळ काहली मुख महानानाविध प्रोज्वलध्वान्तध्वान निरस्तवादि निचयः श्रीपादराजोस्तु नः ।सौवर्णामल दण्डचामरसितच्छत्रोरु हैमोल्लसत्यष्टिद्वन्द्वसुपञ्चवर्णवसनो भूयात्स नः श्रेयसे ॥ २॥

bherī mañjuḷa kāhalī mukha mahānānāvidha projvaladhvāntadhvāna nirastavādi nicayaḥ śrīpādarājostu naḥ |sauvarṇāmala daṇḍacāmarasitacchatroru haimollasatyaṣṭidvandvasupañcavarṇavasano bhūyātsa naḥ śreyase || 2||

पादत्राणयुगं क्वणत्सुचरणद्वन्द्वेन संयोज्यतत्दुश्शास्त्रं पदकञ्जरक्षणयुगे बन्दीकृतं कूजती ।धीरान्मोचयतेति बन्दिषु पुरोगर्जत्सु सिंहासनंगच्छन्मौक्तिक कञ्चुकोज्ज्वलतनुर्भूयात्सनः श्रेयसे ॥ ३॥

pādatrāṇayugaṃ kvaṇatsucaraṇadvandvena saṃyojyatatduśśāstraṃ padakañjarakṣaṇayuge bandīkṛtaṃ kūjatī |dhīrānmocayateti bandiṣu purogarjatsu siṃhāsanaṃgacchanmauktika kañcukojjvalatanurbhūyātsanaḥ śreyase || 3||

नानाशाक सुभक्ष्यपायसघृतं प्राज्यान्नभुक्त्याजनेनिन्दां कुर्वति काननं गतवते यस्मै ददौ श्रीपतिः ।मृष्टान्नं सघृतं पयोदधियुतं सोपस्करं काननेगोपीनाथपदाब्ज सक्तसुमनाः भूयात्सनः श्रेयसे ॥ ४॥

nānāśāka subhakṣyapāyasaghṛtaṃ prājyānnabhuktyājanenindāṃ kurvati kānanaṃ gatavate yasmai dadau śrīpatiḥ |mṛṣṭānnaṃ saghṛtaṃ payodadhiyutaṃ sopaskaraṃ kānanegopīnāthapadābja saktasumanāḥ bhūyātsanaḥ śreyase || 4||

चैत्रेमासि कठोरभास्करकरैस्सन्तप्तगात्राखिलस्वान्तेवासिभिरर्थिभिः स्वतपसा निर्माय रम्यं सरः ।सारामो यतिपुङ्गवः परिजनानप्यायया मासयाच्छायतोय विहीन काननतलेर्भूयात्सनः श्रेयसे ॥ ५॥

caitremāsi kaṭhorabhāskarakaraissantaptagātrākhilasvāntevāsibhirarthibhiḥ svatapasā nirmāya ramyaṃ saraḥ |sārāmo yatipuṅgavaḥ parijanānapyāyayā māsayācchāyatoya vihīna kānanatalerbhūyātsanaḥ śreyase || 5||

त्वं चेन्मां जयसिद्धिचामरधुनीं गच्छाविनोचेत्तदासन्यस्तोभव पण्डितेति सदसी क्षोणीपते पत्रिका ।आलेख्यप्रियशिष्यवर्य यतिना यत्याश्रमं वादिनंजित्वादापितवांश्चतस्य सुमतीर्भूयात्सनः श्रेयसे ॥ ६॥

tvaṃ cenmāṃ jayasiddhicāmaradhunīṃ gacchāvinocettadāsanyastobhava paṇḍiteti sadasī kṣoṇīpate patrikā |ālekhyapriyaśiṣyavarya yatinā yatyāśramaṃ vādinaṃjitvādāpitavāṃścatasya sumatīrbhūyātsanaḥ śreyase || 6||

वैराग्यामलभक्तिनिर्मल महाज्ञानादि भाग्योज्वलःश्रीमत् श्रीपतिरङ्गविट्ठल पदाम्भोज प्रभावं हृदी ।स्मारंस्मारमहर्निशं निजमहानन्दाब्धिमग्नो गुरुःलोकानन्दकरोरु रम्यमहिमा भूयात्सनः श्रेयसे ॥ ७॥

vairāgyāmalabhaktinirmala mahājñānādi bhāgyojvalaḥśrīmat śrīpatiraṅgaviṭṭhala padāmbhoja prabhāvaṃ hṛdī |smāraṃsmāramaharniśaṃ nijamahānandābdhimagno guruḥlokānandakaroru ramyamahimā bhūyātsanaḥ śreyase || 7||

यद्वृन्दावन सेवया भुवि जनः प्राप्नोति सौख्यं महत्यद्वृन्दावन मृत्तिकापि निटिले भक्त्या धृता सेविता ।भूतोच्चाटनकारिणी क्षयमहापस्मारगुल्मादिकानेक व्याधिनिवारणैककरुणिर्भूयात्सनः श्रेयसे ॥ ८॥

yadvṛndāvana sevayā bhuvi janaḥ prāpnoti saukhyaṃ mahatyadvṛndāvana mṛttikāpi niṭile bhaktyā dhṛtā sevitā |bhūtoccāṭanakāriṇī kṣayamahāpasmāragulmādikāneka vyādhinivāraṇaikakaruṇirbhūyātsanaḥ śreyase || 8||

इति श्रीविजयीन्द्रयतिविरचितं श्रीपादराजष्टकं सम्पूर्णम् ।

iti śrīvijayīndrayativiracitaṃ śrīpādarājaṣṭakaṃ sampūrṇam |