शारदास्वरूपव्याख्यानम् Shri Sharadasvarupavyakhyanam

वर्णिता या वाणीरूपेति रामकृष्णेन शाश्वतीस्वस्वरूपं यन्मुखात् कालिकेति प्रकाशितम् ।दुर्गा बगलामुखी चेति विवेकानन्देन घोषितासैव ज्ञानेच्छाक्रियामयी श्रीशारदादेवी स्वयम् ॥ १॥

varṇitā yā vāṇīrūpeti rāmakṛṣṇena śāśvatīsvasvarūpaṃ yanmukhāt kāliketi prakāśitam |durgā bagalāmukhī ceti vivekānandena ghoṣitāsaiva jñānecchākriyāmayī śrīśāradādevī svayam || 1||

या देवी श्रीविद्येत्यागमादिषु संज्ञिताषोडशीति च या भगवता रामकृष्णेन पूजिता ।रामकृष्णलीला प्रसारणाय सर्वकल्याणकरणाय चसा नारीरूपेणेह मातृभूमावाविर्भूता ॥ २॥

yā devī śrīvidyetyāgamādiṣu saṃjñitāṣoḍaśīti ca yā bhagavatā rāmakṛṣṇena pūjitā |rāmakṛṣṇalīlā prasāraṇāya sarvakalyāṇakaraṇāya casā nārīrūpeṇeha mātṛbhūmāvāvirbhūtā || 2||

षोडशीविद्यायास्त्रिकूटमन्त्रमध्ये यो वाग्भवकूटः,सा देव्याः सरस्वत्या ज्ञापयति स्वरूपं कथितं रामकृष्णपादैः ।त्रिकूटमध्ये कामराजकूट इच्छात्मकं वर्णयतिश्रीकालिकायाः स्वरूपमथ शक्तिकूटेन क्रियात्मकं यत् सूचितंतदेव दिव्य दृष्ट्या दुर्गा बगला चेतिविवेकानन्दपादैः कीर्तितम् ॥ ३॥

ṣoḍaśīvidyāyāstrikūṭamantramadhye yo vāgbhavakūṭaḥ,sā devyāḥ sarasvatyā jñāpayati svarūpaṃ kathitaṃ rāmakṛṣṇapādaiḥ |trikūṭamadhye kāmarājakūṭa icchātmakaṃ varṇayatiśrīkālikāyāḥ svarūpamatha śaktikūṭena kriyātmakaṃ yat sūcitaṃtadeva divya dṛṣṭyā durgā bagalā cetivivekānandapādaiḥ kīrtitam || 3||

भावत्रयविग्रहायाः शारदाया एकैकभावःप्रकटीकृतो विभिन्नकाले भगवता रामकृष्णेनस्वयं शारदया विवेकानन्दपादेन च ।अतः सैव निरतिशयप्रकाशा महाशक्तिर्देवी शारदेति ॥ ४॥

bhāvatrayavigrahāyāḥ śāradāyā ekaikabhāvaḥprakaṭīkṛto vibhinnakāle bhagavatā rāmakṛṣṇenasvayaṃ śāradayā vivekānandapādena ca |ataḥ saiva niratiśayaprakāśā mahāśaktirdevī śāradeti || 4||

यस्यास्त्रिपुरसुन्दर्या विभिन्नरूपाणि महालक्ष्मीरितिमहासरस्वतीति महाकालिकेति चजगदुद्भवपालनलयान् कुर्वतेश्यामा यस्याः प्रधानामात्योवाराही च दण्डनायिकासा सर्वेश्वरेश्वरी संराज्ञी भुवनान्नाम् ।तस्या अर्चां विधातुं श्यामां महाविद्यांप्रथमं पूजयतः सिद्धौ सत्यांजायतेऽधिकारस्त्रिपुरसुन्दर्याः पूजायाम् ॥ ५॥

yasyāstripurasundaryā vibhinnarūpāṇi mahālakṣmīritimahāsarasvatīti mahākāliketi cajagadudbhavapālanalayān kurvateśyāmā yasyāḥ pradhānāmātyovārāhī ca daṇḍanāyikāsā sarveśvareśvarī saṃrājñī bhuvanānnām |tasyā arcāṃ vidhātuṃ śyāmāṃ mahāvidyāṃprathamaṃ pūjayataḥ siddhau satyāṃjāyate'dhikārastripurasundaryāḥ pūjāyām || 5||

यस्या महिमानं हरिहरादिदेवताः कदापिवक्तुमलम् ।सा देवी शारदा सकलभुवनानांसर्वभूताधिवासासर्वदा मामवतु ॥ ६॥

yasyā mahimānaṃ hariharādidevatāḥ kadāpivaktumalam |sā devī śāradā sakalabhuvanānāṃsarvabhūtādhivāsāsarvadā māmavatu || 6||

इति स्वामिहिरण्यमयानन्देन अमित्राक्षरछन्दसाविरचितंश्रीश्रीशारदास्वरूपव्याख्यानम् सम्पूर्णम् ।

iti svāmihiraṇyamayānandena amitrākṣarachandasāviracitaṃśrīśrīśāradāsvarūpavyākhyānam sampūrṇam |