रामकृष्णस्तोत्रदशकम् Shri Ramakrishna Stotradashakam

ब्रह्मरूपमादिमध्यशेषसर्वभासकंभावषट्कहीनरूप नित्यसत्यमद्वयम् ।वाङ्मनोऽतिगोचरञ्च नेतिनेति भावितंतं नमामि देवदेवरामकृष्णमीश्वरम् ॥ १॥

brahmarūpamādimadhyaśeṣasarvabhāsakaṃbhāvaṣaṭkahīnarūpa nityasatyamadvayam |vāṅmano'tigocarañca netineti bhāvitaṃtaṃ namāmi devadevarāmakṛṣṇamīśvaram || 1||

आदितेय भीहरं सुरारिदैत्यनाशकंसाधुशिष्टकामदं महीसुभार हारकम् ।स्वात्मरूपतत्त्वकं युगे युगे च दर्शितंतं नमामि देवदेव रामकृष्णमीश्वरम् ॥ २॥

āditeya bhīharaṃ surāridaityanāśakaṃsādhuśiṣṭakāmadaṃ mahīsubhāra hārakam |svātmarūpatattvakaṃ yuge yuge ca darśitaṃtaṃ namāmi devadeva rāmakṛṣṇamīśvaram || 2||

सर्वभूतसर्गकर्मसूत्रबन्ध कारणंज्ञानकर्मपापपुण्यतारतम्य साधनम् ।बुद्धिवाससाक्षिरूपसर्वकर्मभासनंतं नमामि देवदेवरामकृष्णमीश्वरम् ॥ ३॥

sarvabhūtasargakarmasūtrabandha kāraṇaṃjñānakarmapāpapuṇyatāratamya sādhanam |buddhivāsasākṣirūpasarvakarmabhāsanaṃtaṃ namāmi devadevarāmakṛṣṇamīśvaram || 3||

सर्वजीवपापनाश कारणं भवेश्वरंस्वीकृतं च गर्भवास देह पापमीदृशम् ।यापितं स्वलीलया च येन दिव्यजीवनंतं नमामि देवदेवरामकृष्णमीश्वरम् ॥ ४॥

sarvajīvapāpanāśa kāraṇaṃ bhaveśvaraṃsvīkṛtaṃ ca garbhavāsa deha pāpamīdṛśam |yāpitaṃ svalīlayā ca yena divyajīvanaṃtaṃ namāmi devadevarāmakṛṣṇamīśvaram || 4||

तुल्य लोष्टकाञ्चनं च हेय नेय धीगतंस्त्रीषुनित्यमातृरूप शक्तिभाव भावुकम् ।ज्ञानभक्ति भुक्ति मुक्ति शुद्ध बुद्धि दायकंतं नमामि देवदेवरामकृष्णमीश्वरम् ॥ ५॥

tulya loṣṭakāñcanaṃ ca heya neya dhīgataṃstrīṣunityamātṛrūpa śaktibhāva bhāvukam |jñānabhakti bhukti mukti śuddha buddhi dāyakaṃtaṃ namāmi devadevarāmakṛṣṇamīśvaram || 5||

सर्वधर्मगम्यमूलसत्यतत्त्वदेशकंसिद्ध सर्व सम्प्रदाय साम्प्रदाय वर्जितम् ।सर्वशास्त्रमर्मदर्शि सर्व विन्निरक्षरंतं नमामि देवदेवरामकृष्णमीश्वरम् ॥ ६॥

sarvadharmagamyamūlasatyatattvadeśakaṃsiddha sarva sampradāya sāmpradāya varjitam |sarvaśāstramarmadarśi sarva vinnirakṣaraṃtaṃ namāmi devadevarāmakṛṣṇamīśvaram || 6||

चारुदर्शकालिका सुगीतचारुगायकंकीर्तनेषु मत्तवच्च नित्यभाव विह्वलम् ।सूपदेशदायकं हि शोकतापवारकंतं नमामि देवदेवरामकृष्णमीश्वरम् ॥ ७॥

cārudarśakālikā sugītacārugāyakaṃkīrtaneṣu mattavacca nityabhāva vihvalam |sūpadeśadāyakaṃ hi śokatāpavārakaṃtaṃ namāmi devadevarāmakṛṣṇamīśvaram || 7||

पादपद्मतत्त्वबोधशान्तिसौख्यदायकंसक्तचित्तभक्तसूनुनित्यवित्तवर्द्धकम् ।दम्भिदर्पदारणं तु निर्भयं जगद्गुरुंतं नमामि देवदेवरामकृष्णमीश्वरम् ॥ ८॥

pādapadmatattvabodhaśāntisaukhyadāyakaṃsaktacittabhaktasūnunityavittavarddhakam |dambhidarpadāraṇaṃ tu nirbhayaṃ jagadguruṃtaṃ namāmi devadevarāmakṛṣṇamīśvaram || 8||

पञ्चवर्ष बालभाव युक्तहंसरूपिणंसर्वलोकरञ्जनं भवाब्धि सङ्ग भञ्जनम् ।शान्तिसौख्य सद्मजीव जन्मभीति नाशनंतं नमामि देवदेवरामकृष्णमीश्वरम् ॥ ९॥

pañcavarṣa bālabhāva yuktahaṃsarūpiṇaṃsarvalokarañjanaṃ bhavābdhi saṅga bhañjanam |śāntisaukhya sadmajīva janmabhīti nāśanaṃtaṃ namāmi devadevarāmakṛṣṇamīśvaram || 9||

धर्महानहारकं त्वधर्मकर्मवारकंलोकधर्मचारणं च सर्वधर्मकोविदम् ।त्यागि गेहि सेव्य नित्य पावनाङ्घ्रि पङ्कजंतं नमामि देवदेवरामकृष्णमीश्वरम् ॥ १०॥

dharmahānahārakaṃ tvadharmakarmavārakaṃlokadharmacāraṇaṃ ca sarvadharmakovidam |tyāgi gehi sevya nitya pāvanāṅghri paṅkajaṃtaṃ namāmi devadevarāmakṛṣṇamīśvaram || 10||

स्तोत्रशून्यसोमकं सदीशभावव्यञ्जकंनित्यपाठकस्य वै विपत्तिपुञ्जनाशकम् ।स्यात् कदापि जाप यागयोगभोगसौलभंदुर्लभं तु रामकृष्णरागभक्तिभावनम् ॥ ११॥

stotraśūnyasomakaṃ sadīśabhāvavyañjakaṃnityapāṭhakasya vai vipattipuñjanāśakam |syāt kadāpi jāpa yāgayogabhogasaulabhaṃdurlabhaṃ tu rāmakṛṣṇarāgabhaktibhāvanam || 11||

इति श्रीविरजानन्दरचितं भक्तिसाधकम् ।स्तवसारं समाप्तं वै श्रीरामकृष्ण तूणकम् ॥ १२॥

iti śrīvirajānandaracitaṃ bhaktisādhakam |stavasāraṃ samāptaṃ vai śrīrāmakṛṣṇa tūṇakam || 12||