रामकृष्णस्तोत्रम् ३ Shri Ramakrishna Stotram (2)

ॐ नमो भगवते रामकृष्णायलोकनाथश्चिदाकारो राजमानः स्वधामनिकलिकल्मषमग्नानामुत्तारणचिकिर्षया ।मायाशक्तिं समाश्रित्य योऽवतीर्णो महीतलेनमोऽस्तु रामकृष्णाय तस्मै श्रीगुरवे नमः ॥ १॥

oṃ namo bhagavate rāmakṛṣṇāyalokanāthaścidākāro rājamānaḥ svadhāmanikalikalmaṣamagnānāmuttāraṇacikirṣayā |māyāśaktiṃ samāśritya yo'vatīrṇo mahītalenamo'stu rāmakṛṣṇāya tasmai śrīgurave namaḥ || 1||

सद्ब्राह्मणकुले जातो दिव्यदेहं समाश्रितःबाल्ये यो दिव्यभावेन वयस्यैः सह मोदयन् ।विरक्तो यौवने तीव्रं मायापाशविवर्जितःनित्यमुक्तस्वभावोऽपि लोकानुग्रहकामतः ॥ २॥

sadbrāhmaṇakule jāto divyadehaṃ samāśritaḥbālye yo divyabhāvena vayasyaiḥ saha modayan |virakto yauvane tīvraṃ māyāpāśavivarjitaḥnityamuktasvabhāvo'pi lokānugrahakāmataḥ || 2||

लोकानामेव शिक्षार्थं तपस्तप्त्वा सुदुस्तरम् ।निद्राशनं परित्यज्य वर्षाणां द्व्यधिकान् दश ॥स्वस्वरूपं समाधाय सच्चिदानन्दविग्रहम्दयामूर्तिः सदानन्दो जिज्ञासूनुपदिष्टवान् ।तेषामज्ञाननाशाय लाभाय च परात्मनःनमोऽस्तु रामकृष्णाय तस्मै श्रीगुरवे नमः ॥ ३॥

lokānāmeva śikṣārthaṃ tapastaptvā sudustaram |nidrāśanaṃ parityajya varṣāṇāṃ dvyadhikān daśa ||svasvarūpaṃ samādhāya saccidānandavigrahamdayāmūrtiḥ sadānando jijñāsūnupadiṣṭavān |teṣāmajñānanāśāya lābhāya ca parātmanaḥnamo'stu rāmakṛṣṇāya tasmai śrīgurave namaḥ || 3||

सत्यबोधतया साङ्गान् सर्वधर्मान् समाचरन् ।धर्ममात्रन्तु सत्यं वै येन सम्यक् सुनिश्चितम् ।नमोऽस्तु रामकृष्णाय तस्मै श्रीगुरवे नमः ॥ ४॥

satyabodhatayā sāṅgān sarvadharmān samācaran |dharmamātrantu satyaṃ vai yena samyak suniścitam |namo'stu rāmakṛṣṇāya tasmai śrīgurave namaḥ || 4||

यो भक्तान् भक्तिमार्गे तु निनाय लोकनायकःआकृष्य मानसं तेषां भक्तिसिञ्चितया गिरा ।दर्शयित्वा महाभावं परमानन्ददायकम्नमोऽस्तु रामकृष्णाय तस्मै श्रीगुरवे नमः ॥ ५॥

yo bhaktān bhaktimārge tu nināya lokanāyakaḥākṛṣya mānasaṃ teṣāṃ bhaktisiñcitayā girā |darśayitvā mahābhāvaṃ paramānandadāyakamnamo'stu rāmakṛṣṇāya tasmai śrīgurave namaḥ || 5||

ज्ञानिनो ज्ञानमार्गे च येन सम्यक् प्रवर्तिताः ।नमोऽस्तु रामकृष्णाय तस्मै श्रीगुरवे नमः ॥ ६॥

jñānino jñānamārge ca yena samyak pravartitāḥ |namo'stu rāmakṛṣṇāya tasmai śrīgurave namaḥ || 6||

यैर्मतैर्धार्मिका यस्मिन् धर्ममार्गे व्यवस्थिताःतेषां तन्मतमादृत्य भक्तिस्तत्र दृढ़ईकृता ।प्रोत्साहिता यथान्यायं येन तत्साधनेष्वपिनमोऽस्तु रामकृष्णाय तस्मै श्रीगुरवे नमः ॥ ७॥

yairmatairdhārmikā yasmin dharmamārge vyavasthitāḥteṣāṃ tanmatamādṛtya bhaktistatra dṛṛhaīkṛtā |protsāhitā yathānyāyaṃ yena tatsādhaneṣvapinamo'stu rāmakṛṣṇāya tasmai śrīgurave namaḥ || 7||

पूजिता येन वै शश्वत् सर्वेऽपि साम्प्रदायिकाः ।सम्प्रदायविहीनो यः सम्प्रदायं न निन्दति ।नमोऽस्तु रामकृष्णाय तस्मै श्रीगुरवे नमः ॥ ८॥

pūjitā yena vai śaśvat sarve'pi sāmpradāyikāḥ |sampradāyavihīno yaḥ sampradāyaṃ na nindati |namo'stu rāmakṛṣṇāya tasmai śrīgurave namaḥ || 8||

शश्वल्लीलाविलासेन येन सर्वमिदं ततम् ।लीलारूपं सदानन्दं रामकृष्णं नमाम्यहम् ॥ ९॥

śaśvallīlāvilāsena yena sarvamidaṃ tatam |līlārūpaṃ sadānandaṃ rāmakṛṣṇaṃ namāmyaham || 9||

सर्वधर्मप्रणेतारं धर्मग्लानिविनाशकम् ।साधुमित्रं शिवं शान्तं रामकृष्णं नमाम्यहम् ॥ १०॥

sarvadharmapraṇetāraṃ dharmaglānivināśakam |sādhumitraṃ śivaṃ śāntaṃ rāmakṛṣṇaṃ namāmyaham || 10||

अज्ञानतिमिरे यस्तु ज्ञानालोकप्रदीपकः ।विमलानन्ददानाय प्रादुरासीन्महीतले ।नमोऽस्तु रामकृष्णाय तस्मै श्रीगुरवे नमः ॥ ११॥

ajñānatimire yastu jñānālokapradīpakaḥ |vimalānandadānāya prādurāsīnmahītale |namo'stu rāmakṛṣṇāya tasmai śrīgurave namaḥ || 11||

संसारार्णवघोरे यः कर्णधारस्वरूपकः ।नमोऽस्तु रामकृष्णाय तस्मै श्रीगुरवे नमः ॥ १२॥

saṃsārārṇavaghore yaḥ karṇadhārasvarūpakaḥ |namo'stu rāmakṛṣṇāya tasmai śrīgurave namaḥ || 12||

त्वं हि विष्णुर्विरिञ्चिस्त्वं त्वं च देवो महेश्वरःत्वं चैव शक्तिरूपोऽसि निर्गुणस्त्वं सनातनः ।त्वां स्तोतुं कोऽत्र शक्तः स्याद् भावातीतमनामयम्भगवन् सर्वभूतात्मन् रामकृष्ण नमोऽस्तुते ॥ १३॥

tvaṃ hi viṣṇurviriñcistvaṃ tvaṃ ca devo maheśvaraḥtvaṃ caiva śaktirūpo'si nirguṇastvaṃ sanātanaḥ |tvāṃ stotuṃ ko'tra śaktaḥ syād bhāvātītamanāmayambhagavan sarvabhūtātman rāmakṛṣṇa namo'stute || 13||

सर्वाय सर्वपाराय सर्वभावस्वरूपिणे ।सर्वभावविहीनाय रामकृष्णाय ते नमः ॥ १४॥

sarvāya sarvapārāya sarvabhāvasvarūpiṇe |sarvabhāvavihīnāya rāmakṛṣṇāya te namaḥ || 14||

महामायास्वरूपाय महामोहविनाशिने ।मायातीताय शान्ताय रामकृष्णाय ते नमः ॥ १५॥

mahāmāyāsvarūpāya mahāmohavināśine |māyātītāya śāntāya rāmakṛṣṇāya te namaḥ || 15||

निरञ्जनं नित्यमनन्तरूपं भक्तानुकम्पाद्धृतविग्रहं वै ।ईशावतारं परमेशमीड्यं तं रामकृष्णं शिरसा नमामः ॥ १६॥

nirañjanaṃ nityamanantarūpaṃ bhaktānukampāddhṛtavigrahaṃ vai |īśāvatāraṃ parameśamīḍyaṃ taṃ rāmakṛṣṇaṃ śirasā namāmaḥ || 16||

इति श्रीअभेदानन्दस्वामिना विरचितं जगद्गुरु श्रीरामकृष्णस्तोत्रमिदं सम्पूर्णम् ।

iti śrīabhedānandasvāminā viracitaṃ jagadguru śrīrāmakṛṣṇastotramidaṃ sampūrṇam |