रामकृष्णभक्तिपञ्चकम् Shri Ramakrishna Bhaktipanchakam

सर्वावतारवर्याय शारदावल्लभाय च ।श्रीरामकृष्ण देवाय तस्मै भगवते नमः ॥ १॥

sarvāvatāravaryāya śāradāvallabhāya ca |śrīrāmakṛṣṇa devāya tasmai bhagavate namaḥ || 1||

सर्वार्थसाधिके देवि श्रीरामकृष्णवल्लभे ।श्रीशारदे जगन्मातर्नारायणि नमोऽस्तुते ॥ २॥

sarvārthasādhike devi śrīrāmakṛṣṇavallabhe |śrīśārade jaganmātarnārāyaṇi namo'stute || 2||

ठाकुरस्यैवान्यमूर्तेः सकाशात् श्रीनरेन्द्रतः ।ठाकुरस्योत्तमाभक्तिं शिक्षेरन् सर्वमानवाः ॥ ३॥

ṭhākurasyaivānyamūrteḥ sakāśāt śrīnarendrataḥ |ṭhākurasyottamābhaktiṃ śikṣeran sarvamānavāḥ || 3||

भजनं रामकृष्णस्य जानन्ति तस्य पार्षदाः ।नित्यसिद्धगणा एव नान्यभक्ता मनागपि ॥ ४॥

bhajanaṃ rāmakṛṣṇasya jānanti tasya pārṣadāḥ |nityasiddhagaṇā eva nānyabhaktā manāgapi || 4||

यतस्तदतिदुर्बोध्यमतिगुह्यं भवापहम् ।विशुद्धं दुर्लभं दीप्तं यज्ज्ञात्वामृतमश्नुते ॥ ५॥

yatastadatidurbodhyamatiguhyaṃ bhavāpaham |viśuddhaṃ durlabhaṃ dīptaṃ yajjñātvāmṛtamaśnute || 5||

इति पण्डित श्रीरामेन्द्रसुन्दरभक्तितीर्थ विरचितंश्रीरामकृष्ण भक्तिपञ्चकम् सम्पूर्णम् ।

iti paṇḍita śrīrāmendrasundarabhaktitīrtha viracitaṃśrīrāmakṛṣṇa bhaktipañcakam sampūrṇam |