रामकृष्णषट्कम् Shri Ramakrishna Ashatkam

विशुद्धविज्ञानमगाधसौख्यंविश्वस्य बीजं करुणापयोधिः ।अनाद्यनन्तं प्रकृतेः परस्तात्तत्त्वं त्वमेकं भुवि रामकृष्णः ॥ १॥

viśuddhavijñānamagādhasaukhyaṃviśvasya bījaṃ karuṇāpayodhiḥ |anādyanantaṃ prakṛteḥ parastāttattvaṃ tvamekaṃ bhuvi rāmakṛṣṇaḥ || 1||

ननेति मिथ्या श्रुतयो वदन्तिवदन्ति साक्षान्न च यं कदाचित् ।चिदेकरूपः शिव ईश्वराणांमहेश्वरोऽसौ भुवि रामकृष्णः ॥ २॥

naneti mithyā śrutayo vadantivadanti sākṣānna ca yaṃ kadācit |cidekarūpaḥ śiva īśvarāṇāṃmaheśvaro'sau bhuvi rāmakṛṣṇaḥ || 2||

यं नित्यमानन्दमनन्तमेकंशिवेति नाम्ना श्रुतयो गृणन्ति ।तस्यावतारो नररूपधारीकृपासुधाब्धिर्भुवि रामकृष्णः ॥ ३॥

yaṃ nityamānandamanantamekaṃśiveti nāmnā śrutayo gṛṇanti |tasyāvatāro nararūpadhārīkṛpāsudhābdhirbhuvi rāmakṛṣṇaḥ || 3||

विज्ञानपीयूषनिमग्नमूर्तिःपस्पर्श यान यान दयया करेण ।ते कामिनीकाञ्चनरिक्तचित्ताःसद्यो बभूवुर्भुवि रामकृष्णः ॥ ४॥

vijñānapīyūṣanimagnamūrtiḥpasparśa yāna yāna dayayā kareṇa |te kāminīkāñcanariktacittāḥsadyo babhūvurbhuvi rāmakṛṣṇaḥ || 4||

प्रेमाब्धिगम्भीरतरङ्गभङ्गैरान्दोलितो यो भगवद्विलीनः ।भक्तिर्विशुद्धा स्वयमाविरासीत्पुंविग्रहोऽहो भुवि रामकृष्णः ॥ ५॥

premābdhigambhīrataraṅgabhaṅgairāndolito yo bhagavadvilīnaḥ |bhaktirviśuddhā svayamāvirāsītpuṃvigraho'ho bhuvi rāmakṛṣṇaḥ || 5||

तमद्भुतं कश्चिदचिन्त्यशक्तिंवन्दे प्रशान्तं परिपूर्णबोधम् ।ज्ञानस्य भक्तेश्च विशुद्धमूर्तिंद्विमूर्तिमेकं भुवि रामकृष्णः ॥ ६॥

tamadbhutaṃ kaścidacintyaśaktiṃvande praśāntaṃ paripūrṇabodham |jñānasya bhakteśca viśuddhamūrtiṃdvimūrtimekaṃ bhuvi rāmakṛṣṇaḥ || 6||

इति श्रीप्रमदादासमित्रविरचितं श्रीरामकृष्णषट्कं सम्पूर्णम् ।

iti śrīpramadādāsamitraviracitaṃ śrīrāmakṛṣṇaṣaṭkaṃ sampūrṇam |