राघवेन्द्रदारिद्र्यमोचनस्तोत्रम् Shri Raghavendra Daridryamochana Stotram

श्रितानां पादं ते सकलविधया शोकहरणःत्वमेवाम्बा तातस्त्वमसि मम मित्रं सरलहृत् ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ १॥

śritānāṃ pādaṃ te sakalavidhayā śokaharaṇaḥtvamevāmbā tātastvamasi mama mitraṃ saralahṛt |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 1||

रतं वा दुष्टार्ये त्यजति सुतमम्बा किमु पिताकृपां कृत्वा शिश्नोदरकृतमहागस्यपि मयि ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ २॥

rataṃ vā duṣṭārye tyajati sutamambā kimu pitākṛpāṃ kṛtvā śiśnodarakṛtamahāgasyapi mayi |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 2||

घनाघो वा दीनो वावयवविकलो वाक्षविकलःप्रपन्नश्चेत्पादं तव सुखयसीत्यागममहम् ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ ३॥

ghanāgho vā dīno vāvayavavikalo vākṣavikalaḥprapannaścetpādaṃ tava sukhayasītyāgamamaham |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 3||

वदान्यात् त्वद्भूमौ दिवि सुरभिकल्पद्रुमदृषदांलघुत्वं जानेऽहं वितरणमिदं वीक्ष्य भवतः ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ ४॥

vadānyāt tvadbhūmau divi surabhikalpadrumadṛṣadāṃlaghutvaṃ jāne'haṃ vitaraṇamidaṃ vīkṣya bhavataḥ |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 4||

द्रवत्कारुण्य श्रीपरिमलसमुद्गारिहृदयत्वदन्यो दाता चेद्भवति कथमायामि वाद मे ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ ५॥

dravatkāruṇya śrīparimalasamudgārihṛdayatvadanyo dātā cedbhavati kathamāyāmi vāda me |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 5||

यथाशक्त्याऽऽराध्य प्रसभममरानप्यथ नरान्व्रजन् देशं देशं श्रमजनिरभूवं न च धनी ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ ६॥

yathāśaktyā''rādhya prasabhamamarānapyatha narānvrajan deśaṃ deśaṃ śramajanirabhūvaṃ na ca dhanī |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 6||

न बाधन्ते दारा किमिदमधुना मे प्रिय दिशेत्यमुं मा दारिद्र्यव्यसनपरिपिण्डीकृतहृदयम् ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ ७॥

na bādhante dārā kimidamadhunā me priya diśetyamuṃ mā dāridryavyasanaparipiṇḍīkṛtahṛdayam |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 7||

महोदारे भूम्नि त्वयि पितरि पुत्रोऽहमधुनाजरत्काकावस्थां भृशमनुभवामीश किमिदम् ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ ८॥

mahodāre bhūmni tvayi pitari putro'hamadhunājaratkākāvasthāṃ bhṛśamanubhavāmīśa kimidam |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 8||

गुरोः पुत्रः सुकविरवधूतः स्तवमहंचकारैकश्वासात सरलमिममादृत्य पठताम् ।प्रदातुं स्वच्छन्दं द्रविणमनृणं वत्सल गुरोकलत्राद्यैः साकं सततमनुभोक्तुं च वितर ॥ ९॥

guroḥ putraḥ sukaviravadhūtaḥ stavamahaṃcakāraikaśvāsāta saralamimamādṛtya paṭhatām |pradātuṃ svacchandaṃ draviṇamanṛṇaṃ vatsala gurokalatrādyaiḥ sākaṃ satatamanubhoktuṃ ca vitara || 9||

इति श्रीकृष्णावधूतविरचिते श्रीराघवेन्द्रतन्त्रे नवमपटलेदारिद्र्यमोचनस्तोत्रं नाम नवमोऽध्यायः सम्पूर्णः ।

iti śrīkṛṣṇāvadhūtaviracite śrīrāghavendratantre navamapaṭaledāridryamocanastotraṃ nāma navamo'dhyāyaḥ sampūrṇaḥ |