राघवेन्द्राष्टोत्तरशतनामस्तोत्रम् Shri Raghavendra Ashtottarashata Nama Stotram

सङ्कल्पद क्रमःॐ अस्य श्रीराघवेन्द्रगुरुमन्त्रराजात्मक अष्टोत्तरशतनामामृतस्तोत्रस्यश्रीकृष्णावधूतो ऋषिः, अनुष्टुप्छन्दः,श्रीराघवेन्द्रगुर्वन्तर्गतमनुनामकभारतीरमणमुख्यप्राणान्तर्गत सीतापतिश्रीरामचन्द्रो देवता ।श्रीं बीजं, नमः शक्तिः, राघवेन्द्राय इति कीलकम् ।अथ करन्यासः१) ॐ श्रीं अङ्गुष्ठाभ्यां नमः,२) ॐ राघवेन्द्राय तर्जनीभ्यान्नमः३) ॐ नमः मध्यमाभ्यां नमः,४) ॐ श्रीं अनामिकाभ्यान्नमः,५) ॐ राघवेन्द्राय कनिष्ठिकाभ्यां नमः,६) ॐ नमः करतलकरपृष्ठाभ्यां नमः ।अथ अङ्गन्यासः१) ॐ श्रीं हृदयायनमः,२) ॐ राघवेन्द्राय शिरसे स्वाहा,३) ॐ नमः शिखाय्क् वषट्,४) ॐ श्रीं कवचाय हुं,५) ॐ राघवेन्द्राय नेत्राभ्यां वौषट्,६) ॐ नमः अस्त्राय फट् ।अथ ध्यानम् ।भव्याकारो भावितेष्टार्थदाता वामे जानौ वामहस्तं दधानः!ज्ञानाभीतीज्ञानवान् दक्षहस्तीरन्ता चित्ते राघवेन्द्रो मम स्यात् ॥श्रीराघवेन्द्रगुर्वन्तर्गत मनुनामक भारतीरमण मुख्यप्राणान्तर्गतसीतापति श्रीरामचन्द्रप्रेरणया श्रीरामचन्द्रप्रीत्यर्थंगुरुमन्त्रराजात्मक अष्टोत्तरशतनामस्तोत्रपारायणं करिष्ये ।ओमित्येकाक्षरं ब्रह्म यद्ग्रन्थे सम्प्रकाशितम् ।तस्मै श्रीराघवेन्द्रार्य गुरवेऽस्तु नमो मम ॥ १॥

saṅkalpada kramaḥoṃ asya śrīrāghavendragurumantrarājātmaka aṣṭottaraśatanāmāmṛtastotrasyaśrīkṛṣṇāvadhūto ṛṣiḥ, anuṣṭupchandaḥ,śrīrāghavendragurvantargatamanunāmakabhāratīramaṇamukhyaprāṇāntargata sītāpatiśrīrāmacandro devatā |śrīṃ bījaṃ, namaḥ śaktiḥ, rāghavendrāya iti kīlakam |atha karanyāsaḥ1) oṃ śrīṃ aṅguṣṭhābhyāṃ namaḥ,2) oṃ rāghavendrāya tarjanībhyānnamaḥ3) oṃ namaḥ madhyamābhyāṃ namaḥ,4) oṃ śrīṃ anāmikābhyānnamaḥ,5) oṃ rāghavendrāya kaniṣṭhikābhyāṃ namaḥ,6) oṃ namaḥ karatalakarapṛṣṭhābhyāṃ namaḥ |atha aṅganyāsaḥ1) oṃ śrīṃ hṛdayāyanamaḥ,2) oṃ rāghavendrāya śirase svāhā,3) oṃ namaḥ śikhāyk vaṣaṭ,4) oṃ śrīṃ kavacāya huṃ,5) oṃ rāghavendrāya netrābhyāṃ vauṣaṭ,6) oṃ namaḥ astrāya phaṭ |atha dhyānam |bhavyākāro bhāviteṣṭārthadātā vāme jānau vāmahastaṃ dadhānaḥ!jñānābhītījñānavān dakṣahastīrantā citte rāghavendro mama syāt ||śrīrāghavendragurvantargata manunāmaka bhāratīramaṇa mukhyaprāṇāntargatasītāpati śrīrāmacandrapreraṇayā śrīrāmacandraprītyarthaṃgurumantrarājātmaka aṣṭottaraśatanāmastotrapārāyaṇaṃ kariṣye |omityekākṣaraṃ brahma yadgranthe samprakāśitam |tasmai śrīrāghavendrārya gurave'stu namo mama || 1||

नमस्ते श्रीरामचन्द्राङ्घ्रिपूजासम्पादिते शतम् ।घनाभाङ्गाय वेदार्थप्रकाशोद्योगशालिने ॥ २॥

namaste śrīrāmacandrāṅghripūjāsampādite śatam |ghanābhāṅgāya vedārthaprakāśodyogaśāline || 2||

द्रागभीष्टप्रदात्रे च यतिवर्याय ते नमः ।नाना दुःखविनाशाय नमो मानधनप्रिय ॥ ३॥

drāgabhīṣṭapradātre ca yativaryāya te namaḥ |nānā duḥkhavināśāya namo mānadhanapriya || 3||

श्रीप्रदात्रे नमस्तुभ्यं राजवर्यादिसेवित ।घनसंसारसौख्याय वेपितप्रतिवादिने ॥ ४॥

śrīpradātre namastubhyaṃ rājavaryādisevita |ghanasaṃsārasaukhyāya vepitaprativādine || 4||

द्राक्षामधुरभाषाय नमस्तुभ्यं यशःप्रद ।नमतां सौख्यदात्रे च मानदाय नमो नमः ॥ ५॥

drākṣāmadhurabhāṣāya namastubhyaṃ yaśaḥprada |namatāṃ saukhyadātre ca mānadāya namo namaḥ || 5||

श्रीपतिप्रेष्ठभक्ताय नमस्ते राजपूजित ।घनरोगविनाशाय वेङ्कटेशार्चिने नमः ॥ ६॥

śrīpatipreṣṭhabhaktāya namaste rājapūjita |ghanarogavināśāya veṅkaṭeśārcine namaḥ || 6||

द्रावितानेकभूताय यशोदातनयार्चक ।नादरूपपरब्रह्मोपासिने मानिने नमः ॥ ७॥

drāvitānekabhūtāya yaśodātanayārcaka |nādarūpaparabrahmopāsine mānine namaḥ || 7||

श्रीनाथचरणाम्भोजबम्भारायितमानस ।राष्ट्रागतजनस्तोम समीहितफलप्रद ॥ ८॥

śrīnāthacaraṇāmbhojabambhārāyitamānasa |rāṣṭrāgatajanastoma samīhitaphalaprada || 8||

घनरोगतृणध्वंसदवानलपदामृत ।वेदशास्त्रसुधाम्भोधि मन्थनज्ञानमन्दर ॥ ९॥

ghanarogatṛṇadhvaṃsadavānalapadāmṛta |vedaśāstrasudhāmbhodhi manthanajñānamandara || 9||

द्राघिमाभावितीभूतभक्तसेवेष्टदायिने ।नमस्ते याचकव्रातचातकामृततेजसे ॥ १०॥

drāghimābhāvitībhūtabhaktaseveṣṭadāyine |namaste yācakavrātacātakāmṛtatejase || 10||

नरनारीकदम्बोग्रविपत्तिविनिवारिणे ।महादयारसासारसागराय नमो नमः ॥ ११॥

naranārīkadambogravipattivinivāriṇe |mahādayārasāsārasāgarāya namo namaḥ || 11||

श्रीमद्भिः सेव्यमानाय राष्ट्रक्षेमकराय च ।घनाघनाङ्गलोलाय वेदव्याख्याविनेदिने ॥ १२॥

śrīmadbhiḥ sevyamānāya rāṣṭrakṣemakarāya ca |ghanāghanāṅgalolāya vedavyākhyāvinedine || 12||

द्राविताऽनेकपापाय यानाद्यैश्वर्यशालिने ।नागारिवाहभक्ताय मानदात्रे नमो नमः ॥ १३॥

drāvitā'nekapāpāya yānādyaiśvaryaśāline |nāgārivāhabhaktāya mānadātre namo namaḥ || 13||

श्रीरामार्च्यापूजकाय रामानासक्तचेतसे ।घनापत्परिहाराय वेपितारातये नमः ॥ १४॥

śrīrāmārcyāpūjakāya rāmānāsaktacetase |ghanāpatparihārāya vepitārātaye namaḥ || 14||

द्राक्षामधुकटाक्षाय यदुनाथपदार्चिने ।नमज्जनाघनाशाय मान्यमान्याय ते नमः ॥ १५॥

drākṣāmadhukaṭākṣāya yadunāthapadārcine |namajjanāghanāśāya mānyamānyāya te namaḥ || 15||

श्रीव्यासराजरूपेण कृष्णार्चार्चक ते नमः ।राशीकृताऽघतूलाग्निनिभदर्शन ते नमः ॥ १६॥

śrīvyāsarājarūpeṇa kṛṣṇārcārcaka te namaḥ |rāśīkṛtā'ghatūlāgninibhadarśana te namaḥ || 16||

घातुकानां घातुकाय वेदविद्याविशारद ।द्राघीयः करुणापाङ्गैर्नमस्ते भक्ततोषिणे ॥ १७॥

ghātukānāṃ ghātukāya vedavidyāviśārada |drāghīyaḥ karuṇāpāṅgairnamaste bhaktatoṣiṇe || 17||

यथाशक्त्यप्पणार्योक्तस्तोत्रपाठप्रमोदिने ।नरनारीनृपेड्याय महादारिद्र्यनाशिने ॥ १८॥

yathāśaktyappaṇāryoktastotrapāṭhapramodine |naranārīnṛpeḍyāya mahādāridryanāśine || 18||

श्रीसुधीन्द्रकरम्भोजसञ्जातवरसूनवे ।रावितानेकदुर्वादिद्वीपिने घनचेतसे ॥ १९॥

śrīsudhīndrakarambhojasañjātavarasūnave |rāvitānekadurvādidvīpine ghanacetase || 19||

वेश्मत्रय निवासाय द्राक् प्रसन्नाय ते नमः ।यमिने नरसिंहाङ्घ्रिनिरताय ममताजुषे ॥ २० ॥

veśmatraya nivāsāya drāk prasannāya te namaḥ |yamine narasiṃhāṅghriniratāya mamatājuṣe || 20 ||

श्रीप्रह्लादावताराय राजद्वाणीविलासिने ।घटनाननुरूपस्याप्यर्थस्य घटकाय ते ॥ २१॥

śrīprahlādāvatārāya rājadvāṇīvilāsine |ghaṭanānanurūpasyāpyarthasya ghaṭakāya te || 21||

वेदवेदाङ्गवित्ताय द्रावयन्मायिवादिने ।यानारोहणसन्तप्तमुद्रास्थापनकारिणे ॥ २२॥

vedavedāṅgavittāya drāvayanmāyivādine |yānārohaṇasantaptamudrāsthāpanakāriṇe || 22||

नमो नम्यपदाब्जाय मायाविमदहारिणे ।श्रीतुङ्गातीरवासाय तुभ्यं राजनताय च ॥ २३॥

namo namyapadābjāya māyāvimadahāriṇe |śrītuṅgātīravāsāya tubhyaṃ rājanatāya ca || 23||

घनसाररजोरक्तभद्रश्रीरससेविने ।वेतालभयनाशाय द्रागनुग्रहकारिणे ॥ २४॥

ghanasārarajoraktabhadraśrīrasasevine |vetālabhayanāśāya drāganugrahakāriṇe || 24||

यक्ष्मकुष्ठादिहरणपादतीर्थाय ते नमः ।नामसङ्कीर्तनादेव पुरःसन्निहिताय च ॥ २५॥

yakṣmakuṣṭhādiharaṇapādatīrthāya te namaḥ |nāmasaṅkīrtanādeva puraḥsannihitāya ca || 25||

महाजनशिरःस्थानसमालालितपादुक ।श्रीसर्वतन्त्रस्वातन्त्र्यशालिने राजलक्ष्मणे ॥ २६॥

mahājanaśiraḥsthānasamālālitapāduka |śrīsarvatantrasvātantryaśāline rājalakṣmaṇe || 26||

घनविघ्नविनाशाय बद्धकङ्कण ते नमः ।वेगेन भक्तकार्याणां साधकाय नमोऽस्तु ते ॥ २७॥

ghanavighnavināśāya baddhakaṅkaṇa te namaḥ |vegena bhaktakāryāṇāṃ sādhakāya namo'stu te || 27||

द्रावयद्वादिजिह्वाय यशोव्याप्तदिशे नमः ।नानाजातिजनस्तोमस्तूयमानपदाम्बुज ॥ २८॥

drāvayadvādijihvāya yaśovyāptadiśe namaḥ |nānājātijanastomastūyamānapadāmbuja || 28||

नमो मार महावीर मार्गणामृग्यचेतसे ।श्रीमध्वशास्त्रसट्टीकाव्याख्याकौशल्यशालिने ॥ २९॥

namo māra mahāvīra mārgaṇāmṛgyacetase |śrīmadhvaśāstrasaṭṭīkāvyākhyākauśalyaśāline || 29||

राजच्छ्रीकाय धर्माभितप्ततापापहारिणे ।वेलां वेलामुपागम्य भक्तानां कार्यसाधक ॥ ३०॥

rājacchrīkāya dharmābhitaptatāpāpahāriṇe |velāṃ velāmupāgamya bhaktānāṃ kāryasādhaka || 30||

द्राक्षापाकेन सकलग्रन्थव्याकृतिकारिणे ।यथेष्टधनधान्यादिदात्रे नयविशारद ॥ ३१॥

drākṣāpākena sakalagranthavyākṛtikāriṇe |yatheṣṭadhanadhānyādidātre nayaviśārada || 31||

मन्त्रालयमहाक्षेत्रवृन्दावननिवासिने ।श्रीसत्यसन्धरूपेण श्रीसीताप्रतिमार्चक ॥ ३२॥

mantrālayamahākṣetravṛndāvananivāsine |śrīsatyasandharūpeṇa śrīsītāpratimārcaka || 32||

राजत्तुङ्गातटभ्राजन्महिषीक्षेत्रवासिने ।धर्मद्युतिनवज्योतिद्योतिताम्बरधारिणे ॥ ३३॥

rājattuṅgātaṭabhrājanmahiṣīkṣetravāsine |dharmadyutinavajyotidyotitāmbaradhāriṇe || 33||

वेतण्डमत्तमायीन्द्र मृगेन्द्रद्रापितापहन् ।यक्षरक्षोभयध्वंसिन् नमो नारायणप्रिय ॥ ३४॥

vetaṇḍamattamāyīndra mṛgendradrāpitāpahan |yakṣarakṣobhayadhvaṃsin namo nārāyaṇapriya || 34||

मायामोहितचित्तानां भक्तानां ज्ञानदायिने ।नमः श्रीहनुमद्भीम मध्वात्मकहरिप्रिय ॥ ३५॥

māyāmohitacittānāṃ bhaktānāṃ jñānadāyine |namaḥ śrīhanumadbhīma madhvātmakaharipriya || 35||

राजपूजितपाटीरपादुकाय घनाकृते ।वेशन्तीकृतसद्भक्तसंसाराम्बुधये नमः ॥ ३६॥

rājapūjitapāṭīrapādukāya ghanākṛte |veśantīkṛtasadbhaktasaṃsārāmbudhaye namaḥ || 36||

द्राविताखिलभक्तौघनानादुःखाय ते नमः ।यमदूतभयत्रात्रे नानाभयविनाशिने ॥ ३७॥

drāvitākhilabhaktaughanānāduḥkhāya te namaḥ |yamadūtabhayatrātre nānābhayavināśine || 37||

मातृतः पितृतोप्युच्चैः भक्तकामदुघे नमः ।इति श्रीराघवेन्द्रार्यगुरुराजमहात्मनः ॥ ३८॥

mātṛtaḥ pitṛtopyuccaiḥ bhaktakāmadughe namaḥ |iti śrīrāghavendrāryagururājamahātmanaḥ || 38||

नाम्नामषाटोत्तरशतं सचतुष्टयमुत्तमम् ।अष्टाक्षरमहामन्त्रवर्णानुक्रमवर्णितम् ॥ ३९॥

nāmnāmaṣāṭottaraśataṃ sacatuṣṭayamuttamam |aṣṭākṣaramahāmantravarṇānukramavarṇitam || 39||

गुरुराजात्मभूकृष्णावधूत कविनोदितम् ।गुरुराजेन कृपया सप्रसादं पुरस्कृतम् ॥ ४० ॥

gururājātmabhūkṛṣṇāvadhūta kavinoditam |gururājena kṛpayā saprasādaṃ puraskṛtam || 40 ||

पठतां जपतां सर्वकामदं गुर्वनुग्रहात् ।नश्यन्ति ज्वरमोहाद्याः चतुर्दशदिनावधि ॥ ४१॥

paṭhatāṃ japatāṃ sarvakāmadaṃ gurvanugrahāt |naśyanti jvaramohādyāḥ caturdaśadināvadhi || 41||

इति श्रीमत्कृष्णावधूतपण्डितकृतौ श्रीराघवेन्द्रतन्त्रे सप्तमपटलेअष्टोत्तरशतनामस्तोत्रं सम्पूर्णम् ।

iti śrīmatkṛṣṇāvadhūtapaṇḍitakṛtau śrīrāghavendratantre saptamapaṭaleaṣṭottaraśatanāmastotraṃ sampūrṇam |