राघवेन्द्र आपत्परिहरणस्तोत्रम् Shri Raghavendra Apatpariharana Stotram

श्रीकामुकाय बहुशोकाय तत्सुखमभीकाशु यच्छसि हि भोलोकाय तद्दुरितपाकाप्त पङ्गुजडमूकादिभावहरण ।श्रीराघवेन्द्रपदवीर्यादिभोगभवघोराघमाशु हर भोदारात्मजादिभववाराशिसम्भवदपारापदः शमय भोः ॥ १॥

śrīkāmukāya bahuśokāya tatsukhamabhīkāśu yacchasi hi bholokāya tadduritapākāpta paṅgujaḍamūkādibhāvaharaṇa |śrīrāghavendrapadavīryādibhogabhavaghorāghamāśu hara bhodārātmajādibhavavārāśisambhavadapārāpadaḥ śamaya bhoḥ || 1||

राजादि भक्तजन पूजालसत्पदपयोजाम्बुबिन्दुरपिबीजायते सुविधिभुजाय दूननृषु ते जागरूककरुणः ।श्रीराघवेन्द्रपदवर्यादिभोगभवघोराघमाशु हर भोःदारात्मजादिभववाराशिसम्भवदपारापदः शमय भोः ॥ २॥

rājādi bhaktajana pūjālasatpadapayojāmbubindurapibījāyate suvidhibhujāya dūnanṛṣu te jāgarūkakaruṇaḥ |śrīrāghavendrapadavaryādibhogabhavaghorāghamāśu hara bhoḥdārātmajādibhavavārāśisambhavadapārāpadaḥ śamaya bhoḥ || 2||

घोटीमदेभवरशाटीविराजिनृपकोटीशिरोविधृतकोटीररत्नपरिपाटीभृशारुणितपाटीरपादुक विभो ।श्रीराघवेन्द्रपदवीर्यादिभोगभवघोराघमाशु हर भोःदारात्मजादिभववाराशिसम्भवदपापापदः शमय भोः ॥ ३॥

ghoṭīmadebhavaraśāṭīvirājinṛpakoṭīśirovidhṛtakoṭīraratnaparipāṭībhṛśāruṇitapāṭīrapāduka vibho |śrīrāghavendrapadavīryādibhogabhavaghorāghamāśu hara bhoḥdārātmajādibhavavārāśisambhavadapāpāpadaḥ śamaya bhoḥ || 3||

वेदादिदूषककुवादादराध्य सुमोदावदाहकमहादावदोषविधुरे दानवद्विषि ममादाय धेहि हृदयम् ।श्रीराघवेन्द्रपदवीर्यादिभोगभवघोराघमाशु हर भोःदारात्मजादि भववाराशि सम्भवदपारापदः शमय भोः ॥ ४॥

vedādidūṣakakuvādādarādhya sumodāvadāhakamahādāvadoṣavidhure dānavadviṣi mamādāya dhehi hṛdayam |śrīrāghavendrapadavīryādibhogabhavaghorāghamāśu hara bhoḥdārātmajādi bhavavārāśi sambhavadapārāpadaḥ śamaya bhoḥ || 4||

द्राक्षामधुक्षरण शैक्षाकरामल कटाक्षावलोकत उततत्क्षामतां हरसि भैक्षाटकस्य भुवि लक्षाधिकस्य सपदि ।श्रीराघवेन्द्र पदवरीयादि भोगभव घोराघमाशु हर भोःधारात्मजादि भववाराशै सम्भवदपारापदः शमयो भोः ॥ ५॥

drākṣāmadhukṣaraṇa śaikṣākarāmala kaṭākṣāvalokata utatatkṣāmatāṃ harasi bhaikṣāṭakasya bhuvi lakṣādhikasya sapadi |śrīrāghavendra padavarīyādi bhogabhava ghorāghamāśu hara bhoḥdhārātmajādi bhavavārāśai sambhavadapārāpadaḥ śamayo bhoḥ || 5||

यानादिसम्पदमनूनामवाप्तुमहमानायि पूर्वसृकृतेनाग्र्यते पदमतोऽनादि दुर्दुरितमानाशयाशु ममभोः ।श्रीराघवेन्द्र पदवीर्यादि भोगभव घोराघमाशु हर भोःदारात्मजादि भववाराशि सम्भवदपारापदः शमय भोः ॥ ६॥

yānādisampadamanūnāmavāptumahamānāyi pūrvasṛkṛtenāgryate padamato'nādi durduritamānāśayāśu mamabhoḥ |śrīrāghavendra padavīryādi bhogabhava ghorāghamāśu hara bhoḥdārātmajādi bhavavārāśi sambhavadapārāpadaḥ śamaya bhoḥ || 6||

नागारिवाहपदयोगादरामितदागारदारधनभोगावनाप्तुमनुरागत तवाभिमतिवेगादुपैमि सुखदम् ।श्रीराघवेन्द्र पदवीर्यादि भोगभव घाराघमाशु हर भोःदारात्मजादि भववाराशि सम्भवदपारापदः शमय भोः ॥ ७॥

nāgārivāhapadayogādarāmitadāgāradāradhanabhogāvanāptumanurāgata tavābhimativegādupaimi sukhadam |śrīrāghavendra padavīryādi bhogabhava ghārāghamāśu hara bhoḥdārātmajādi bhavavārāśi sambhavadapārāpadaḥ śamaya bhoḥ || 7||

मन्त्रालयस्य तव मन्त्रादिजप्तुररिमन्त्रादि संहतिततन्त्राभवत्यखिलतन्त्र्याधिकेष्वपरतन्त्रावमामुपगतम् ।श्रीराघवेन्द्र पदवीर्यादि भोगभव घोराघमाशु हर भोःदारात्मजादि भववाराति सम्भवदपारापदः शमय भोः ॥ ८॥

mantrālayasya tava mantrādijapturarimantrādi saṃhatitatantrābhavatyakhilatantryādhikeṣvaparatantrāvamāmupagatam |śrīrāghavendra padavīryādi bhogabhava ghorāghamāśu hara bhoḥdārātmajādi bhavavārāti sambhavadapārāpadaḥ śamaya bhoḥ || 8||

कृष्णावधूतकृतमिष्टार्थदानचणमष्टार्थमन्त्र परिपुष्टातुलस्तमवकष्टावह शुभमरिष्टाहरं पठतियः ।श्रीराघवेन्द्र पदवीर्यादि भोगभव घोराघमाशु हर भोःदारात्मजादि भववाराशिसम्भवदपारापदः शमय भोः ॥ ९॥

kṛṣṇāvadhūtakṛtamiṣṭārthadānacaṇamaṣṭārthamantra paripuṣṭātulastamavakaṣṭāvaha śubhamariṣṭāharaṃ paṭhatiyaḥ |śrīrāghavendra padavīryādi bhogabhava ghorāghamāśu hara bhoḥdārātmajādi bhavavārāśisambhavadapārāpadaḥ śamaya bhoḥ || 9||

इति श्रीकृष्णावधूतविरचिते श्रीराघवेन्द्रतन्त्रे नवमपटलेआपत्परिहरणस्तोत्रम् नाम द्वितीयोऽध्यायः सम्पूर्णः ।

iti śrīkṛṣṇāvadhūtaviracite śrīrāghavendratantre navamapaṭaleāpatpariharaṇastotram nāma dvitīyo'dhyāyaḥ sampūrṇaḥ |