राघवेन्द्रबन्धमोचनकवचम् Shri Raghavendra Bandhamochana Kavacham

अथ श्रीराघवेन्द्रार्यकवचं मन्त्रनामजम् ।कलौ प्रत्यक्षफलदं बह्वायासेन वै विना ॥ १॥

atha śrīrāghavendrāryakavacaṃ mantranāmajam |kalau pratyakṣaphaladaṃ bahvāyāsena vai vinā || 1||

गुरोः पुत्रोऽवधूतोऽहं वक्ष्ये छन्दस्यनुष्टुभिः ।रां बीजं च नमः शक्ती राघवेन्द्राय कीलकम् ॥ २॥

guroḥ putro'vadhūto'haṃ vakṣye chandasyanuṣṭubhiḥ |rāṃ bījaṃ ca namaḥ śaktī rāghavendrāya kīlakam || 2||

श्रितजनसुरधेनौ श्रीसुधीन्द्रार्यसूनौदुरिततिमिरभानौ दुर्दशायाः कृशानौ ।विरचितभयहानौ वामहस्तेऽत्र जानौमम वसतु यतीन्द्रे मानसं राघवेन्द्रे ॥ ३॥

śritajanasuradhenau śrīsudhīndrāryasūnauduritatimirabhānau durdaśāyāḥ kṛśānau |viracitabhayahānau vāmahaste'tra jānaumama vasatu yatīndre mānasaṃ rāghavendre || 3||

ॐ श्रीं श्रीराघवेन्द्रार्यगुरुराजः शिरोऽवतु ।ॐ रां राममहावीराराधकोऽवतु सोऽलिकम् ॥ ४॥

oṃ śrīṃ śrīrāghavendrāryagururājaḥ śiro'vatu |oṃ rāṃ rāmamahāvīrārādhako'vatu so'likam || 4||

ॐ घं घनतरापत्तिहरणो रक्षतु भ्रुवौ ।ॐ वें वेङ्कटशैलेशपूजकोऽवतु चाक्षिणे ॥ ५॥

oṃ ghaṃ ghanatarāpattiharaṇo rakṣatu bhruvau |oṃ veṃ veṅkaṭaśaileśapūjako'vatu cākṣiṇe || 5||

ॐ द्रां द्रावयितारातिः कर्णाववतु सन्ततम् ।ॐ यं यतीश्वरो नासां ॐ नं नम्यः कपोलकौ ॥ ६॥

oṃ drāṃ drāvayitārātiḥ karṇāvavatu santatam |oṃ yaṃ yatīśvaro nāsāṃ oṃ naṃ namyaḥ kapolakau || 6||

ॐ मं मान्नोऽवताज्जिह्वां ॐ मं मस्करभृद्गलम् ।ॐ नं नारायणप्रेष्ठः स्कन्धदेशं सदाऽवतु ॥ ७॥

oṃ maṃ mānno'vatājjihvāṃ oṃ maṃ maskarabhṛdgalam |oṃ naṃ nārāyaṇapreṣṭhaḥ skandhadeśaṃ sadā'vatu || 7||

ॐ यं यक्षादिभयहा वक्षः पातु निरन्तरम् ।ॐ द्रां द्राक् छिन्नसर्वारिबन्धनोऽव्याद्भुजौ सदा ॥ ८॥

oṃ yaṃ yakṣādibhayahā vakṣaḥ pātu nirantaram |oṃ drāṃ drāk chinnasarvāribandhano'vyādbhujau sadā || 8||

ॐ वें वेपितशत्रुश्च हस्तौ रक्षतु सर्वदा ।ॐ घं घोरविषबाधापरिहर्ताऽवतूदरम् ॥ ९॥

oṃ veṃ vepitaśatruśca hastau rakṣatu sarvadā |oṃ ghaṃ ghoraviṣabādhāparihartā'vatūdaram || 9||

ॐ रां राजादि निर्बन्धछेदकृत्पातु पार्श्वयोः ।ॐ श्रीं श्रीहनुमद्भक्तः कटिं मध्यं च रक्षतु ॥ १०॥

oṃ rāṃ rājādi nirbandhachedakṛtpātu pārśvayoḥ |oṃ śrīṃ śrīhanumadbhaktaḥ kaṭiṃ madhyaṃ ca rakṣatu || 10||

ॐ श्रीं श्रीलजनस्तुत्यो गुह्यं रक्षतु शाश्वतम् ।ॐ रां राष्ट्रक्षेमकरो ऊरू रक्षतु जानुनी ॥ ११॥

oṃ śrīṃ śrīlajanastutyo guhyaṃ rakṣatu śāśvatam |oṃ rāṃ rāṣṭrakṣemakaro ūrū rakṣatu jānunī || 11||

ॐ घं घनाङ्गो जङ्घे च ॐ वें वेदान्तवेदकः ।ॐ गुल्मौ रक्षतु पादौ तु ॐ द्रां द्रुतगतिप्रदः ॥ १२॥

oṃ ghaṃ ghanāṅgo jaṅghe ca oṃ veṃ vedāntavedakaḥ |oṃ gulmau rakṣatu pādau tu oṃ drāṃ drutagatipradaḥ || 12||

ॐ यं यमनिधिः पृष्ठं ॐ नं चित्तं नताखिलः ।ॐ मं मातृदोषघ्नः सर्वाङ्गान्यपि रक्षतु ॥ १३॥

oṃ yaṃ yamanidhiḥ pṛṣṭhaṃ oṃ naṃ cittaṃ natākhilaḥ |oṃ maṃ mātṛdoṣaghnaḥ sarvāṅgānyapi rakṣatu || 13||

मालामन्त्रस्तोत्रंॐ नमः श्रीराघवेन्द्राय नमो भगवतेरां राघवभक्ताय, घं घनानन्दाय, वें वेतालादि भयहारिणे,द्रां द्राक् प्रपन्नाय, यं यक्षरक्षोविनाशाय,नं नामसङ्कीर्तनतुष्टाय, मं महामोदप्रदाय स्वाहा ।स्मरणमात्रसन्निहितायऽमित्रान्मित्रीकुरु मित्रीकुरु,वौषढाकृष्टाष्टैश्वर्यचर्यायपरमन्त्रतन्त्रपाशादि बन्धं छिन्धि छिन्धि ।हुँ भक्तवज्रकवचरूपाय,परकृतशस्त्रास्त्रविश्वचेष्टकं भञ्जय भञ्जय ।वषट् प्रकाशरूपाय, मम सुदैवं प्रकाशय प्रकाशय ।फट् दण्डधराय, शृङ्खलाबन्धनं स्फोटय स्फोटय ।भेदय, भेदय, मां रक्ष, मां रक्ष, सर्वविपदः शमय, शमयसर्वसम्पदः सम्पादय सम्पादय हुं फट् स्वाहा ओम् ॥ १४॥

mālāmantrastotraṃoṃ namaḥ śrīrāghavendrāya namo bhagavaterāṃ rāghavabhaktāya, ghaṃ ghanānandāya, veṃ vetālādi bhayahāriṇe,drāṃ drāk prapannāya, yaṃ yakṣarakṣovināśāya,naṃ nāmasaṅkīrtanatuṣṭāya, maṃ mahāmodapradāya svāhā |smaraṇamātrasannihitāya'mitrānmitrīkuru mitrīkuru,vauṣaḍhākṛṣṭāṣṭaiśvaryacaryāyaparamantratantrapāśādi bandhaṃ chindhi chindhi |hum̐ bhaktavajrakavacarūpāya,parakṛtaśastrāstraviśvaceṣṭakaṃ bhañjaya bhañjaya |vaṣaṭ prakāśarūpāya, mama sudaivaṃ prakāśaya prakāśaya |phaṭ daṇḍadharāya, śṛṅkhalābandhanaṃ sphoṭaya sphoṭaya |bhedaya, bhedaya, māṃ rakṣa, māṃ rakṣa, sarvavipadaḥ śamaya, śamayasarvasampadaḥ sampādaya sampādaya huṃ phaṭ svāhā om || 14||

ॐ एतच्छ्रीराघवेन्द्रार्यगुरुराजः कृपानिधिः ।मालामन्त्रात्मकं स्तोत्रं सपादद्विशतार्णकम् ॥ १५॥

oṃ etacchrīrāghavendrāryagururājaḥ kṛpānidhiḥ |mālāmantrātmakaṃ stotraṃ sapādadviśatārṇakam || 15||

मन्त्रराजात्मकं बन्धमोचकं कवचं शुभम् ।शत्रुकृत्यादिशमनं त्रिवारं पठतां दिने ॥ १६॥

mantrarājātmakaṃ bandhamocakaṃ kavacaṃ śubham |śatrukṛtyādiśamanaṃ trivāraṃ paṭhatāṃ dine || 16||

यथायोग्यं सप्तकं वा द्विसप्तकमथाऽपि वा ।त्रिसप्तकं मण्डलं वा त्रिपक्षं वा विचक्षणः ॥ १७॥

yathāyogyaṃ saptakaṃ vā dvisaptakamathā'pi vā |trisaptakaṃ maṇḍalaṃ vā tripakṣaṃ vā vicakṣaṇaḥ || 17||

ताम्रपत्रे चन्दनेन परिलिप्तेऽष्टकोणकम् ।पद्मं लिखित्वा तत्पत्रे मन्त्रमष्टाक्षरं गुरोः ॥ १८॥

tāmrapatre candanena parilipte'ṣṭakoṇakam |padmaṃ likhitvā tatpatre mantramaṣṭākṣaraṃ guroḥ || 18||

अनुलोमाल्लिखित्वाऽथ तद्वहिश्च विलोमतः ।लिखित्वा कर्णिकायां तु रां बीजं विलिखेत् गुरोः ॥ १९॥

anulomāllikhitvā'tha tadvahiśca vilomataḥ |likhitvā karṇikāyāṃ tu rāṃ bījaṃ vilikhet guroḥ || 19||

विलिखेत् रां चतुर्दिक्षु विलिखेन्मं विदिक्षु च ।आवाह्य पूजयेत् तत्र राघवेन्द्रगुरुं तथा ॥ २०॥

vilikhet rāṃ caturdikṣu vilikhenmaṃ vidikṣu ca |āvāhya pūjayet tatra rāghavendraguruṃ tathā || 20||

हनूमन्तं राघवं च प्रज्वाल्य घृतदीपकम् ।वर्तिकाष्टकसंयुक्तं गन्धपुष्पाक्षतादिभिः ॥ २१॥

hanūmantaṃ rāghavaṃ ca prajvālya ghṛtadīpakam |vartikāṣṭakasaṃyuktaṃ gandhapuṣpākṣatādibhiḥ || 21||

सम्पूज्य फलपानीयैर्नित्यमष्टोत्तरं शतम् ।पश्चिमाभिमुखो जप्त्वा मुच्यते सर्वबन्धनात् ॥ २२॥

sampūjya phalapānīyairnityamaṣṭottaraṃ śatam |paścimābhimukho japtvā mucyate sarvabandhanāt || 22||

अप्पण्णार्यस्तवं पूर्वं ततश्चाष्टाक्षरं मनुम् ।अष्टोत्तरं जपित्वाऽथ समन्त्रकवचं जपेत् ॥ २३॥

appaṇṇāryastavaṃ pūrvaṃ tataścāṣṭākṣaraṃ manum |aṣṭottaraṃ japitvā'tha samantrakavacaṃ japet || 23||

प्रदोषेह्यर्थरात्रे वा शृङ्खलादिकबन्धतः ।मुच्यते नात्र सन्देहो गुरुराजप्रसादतः ॥ २४॥

pradoṣehyartharātre vā śṛṅkhalādikabandhataḥ |mucyate nātra sandeho gururājaprasādataḥ || 24||

प्रजपेत् पूर्ववन्नित्यं मालामन्त्रार्णसङ्ख्यया ।महानिर्बन्धतो मुच्येदवधूतवचो यथा ॥ २५॥

prajapet pūrvavannityaṃ mālāmantrārṇasaṅkhyayā |mahānirbandhato mucyedavadhūtavaco yathā || 25||

सकृद्वा यः पठेन्नित्यं प्रदोषे गुरुसन्निधौ ।मार्गेऽ।रण्ये द्विषन्मध्ये चोरसर्पादि बन्धने ॥ २६॥

sakṛdvā yaḥ paṭhennityaṃ pradoṣe gurusannidhau |mārge'|raṇye dviṣanmadhye corasarpādi bandhane || 26||

प्रभाते वा निशायां वा मुच्यते सर्वतो भयात् ।सन्ततिं सम्पदं सौख्यं लभते तत्प्रसादतः ॥ २७॥

prabhāte vā niśāyāṃ vā mucyate sarvato bhayāt |santatiṃ sampadaṃ saukhyaṃ labhate tatprasādataḥ || 27||

श्रीराघवेन्द्रं धृतदृष्टदण्डंकाषायवस्त्रं कमनीयवेषम् ।भजेत् सदा भक्त भयौघनाशबद्धादरं रामकपीशभक्तम् ॥ २८॥

śrīrāghavendraṃ dhṛtadṛṣṭadaṇḍaṃkāṣāyavastraṃ kamanīyaveṣam |bhajet sadā bhakta bhayaughanāśabaddhādaraṃ rāmakapīśabhaktam || 28||

इति श्रीमत्कृष्णावधूतपण्डितकृतौ श्रीराघवेन्द्रतन्त्रेश्रीराघवेन्द्रबन्धमोचनकवचं नाम षष्ठपटलः सम्पूर्णः ।

iti śrīmatkṛṣṇāvadhūtapaṇḍitakṛtau śrīrāghavendratantreśrīrāghavendrabandhamocanakavacaṃ nāma ṣaṣṭhapaṭalaḥ sampūrṇaḥ |