प्रमुखस्वामिमहाराजमहिमाष्टकम् Shri Pramukhasvamimaharajamahima Ashtakam

(शार्दूलविक्रीडितम्)शोभन्ते शुभसाधुशीलसरला निर्वेदपूर्णाः क्षितौशास्त्रिश्रीगुरुयोगिनोश्च परमा प्राप्ता भवद्भिः कृपा ।धृत्वा धर्मधुरां समुद्रमनसो गम्भीरनम्रा विदानारायणस्वरूपदासगुणिनः स्नेहेन वन्दे ह्यहो ॥ १॥

(śārdūlavikrīḍitam)śobhante śubhasādhuśīlasaralā nirvedapūrṇāḥ kṣitauśāstriśrīguruyoginośca paramā prāptā bhavadbhiḥ kṛpā |dhṛtvā dharmadhurāṃ samudramanaso gambhīranamrā vidānārāyaṇasvarūpadāsaguṇinaḥ snehena vande hyaho || 1||

गण्यन्ते जलराशिबिन्दुनिचया आकाशतारागणाभूमेर्धूलिकणा भवद्गुणगणाः किं केशविष्ण्वादिभिः ।व्यासो वेदपुराणनिर्मितपरोऽशक्तोऽभवत् त्वत्स्तुतौवन्दे त्वां प्रमुखं गुणालयगुरुं मोक्षाय भक्त्या सदा ॥ २॥

gaṇyante jalarāśibindunicayā ākāśatārāgaṇābhūmerdhūlikaṇā bhavadguṇagaṇāḥ kiṃ keśaviṣṇvādibhiḥ |vyāso vedapurāṇanirmitaparo'śakto'bhavat tvatstutauvande tvāṃ pramukhaṃ guṇālayaguruṃ mokṣāya bhaktyā sadā || 2||

स्पर्शः स्पर्शमणेः करोति कनकं लोहं सुजीर्णं बलीदेह तुच्छतमं विचार्य चरतो योगोऽमलस्तेऽनिशम् ।संयुक्ते विमुखान् महाव्यसनिनो भक्तौ हरेर्नास्तिकान्वन्दे त्वां प्रमुखं गुणालयगुरुं मोक्षाय भक्त्या सदा ॥ ३॥

sparśaḥ sparśamaṇeḥ karoti kanakaṃ lohaṃ sujīrṇaṃ balīdeha tucchatamaṃ vicārya carato yogo'malaste'niśam |saṃyukte vimukhān mahāvyasanino bhaktau harernāstikānvande tvāṃ pramukhaṃ guṇālayaguruṃ mokṣāya bhaktyā sadā || 3||

धर्मज्ञानविरागभक्तय इमे ख्याता गुणास्तावकाएकैकं विनिपातितुं कृतपणाः स्पर्धाविलग्ना नु किम् ।मार्तण्डस्य मरीचिभिश्च सद्रशा भान्ति प्रहन्तुं तमोवन्दे त्वां प्रमुखं गुणालयगुरुं मोक्षाय भक्त्या सदा ॥ ४॥

dharmajñānavirāgabhaktaya ime khyātā guṇāstāvakāekaikaṃ vinipātituṃ kṛtapaṇāḥ spardhāvilagnā nu kim |mārtaṇḍasya marīcibhiśca sadraśā bhānti prahantuṃ tamovande tvāṃ pramukhaṃ guṇālayaguruṃ mokṣāya bhaktyā sadā || 4||

वाणी तेऽमृतवर्षिणी जनहिता पापौघविध्वंसिनीरम्यं शान्तिकरं नितान्तसुखदं त्वदद्दर्शनं पावकम् ।नैपुण्यं सकलोपमानरहितं साध्वी क्रिया ज्ञानदावन्दे त्वां प्रमुखं गुणालयगुरुं मोक्षाय भक्त्या सदा ॥ ५॥

vāṇī te'mṛtavarṣiṇī janahitā pāpaughavidhvaṃsinīramyaṃ śāntikaraṃ nitāntasukhadaṃ tvadaddarśanaṃ pāvakam |naipuṇyaṃ sakalopamānarahitaṃ sādhvī kriyā jñānadāvande tvāṃ pramukhaṃ guṇālayaguruṃ mokṣāya bhaktyā sadā || 5||

पाण्डित्ये सति साधुता न महिता तस्यां न चेत् प्राज्ञतावैरी तद्गुणराजिराशिरमितः साकं त्वयि द्योततेवन्दे त्वां प्रमुखं गुणालयगुरुं मोक्षाय भक्त्या सदा ॥ ६॥

pāṇḍitye sati sādhutā na mahitā tasyāṃ na cet prājñatāvairī tadguṇarājirāśiramitaḥ sākaṃ tvayi dyotatevande tvāṃ pramukhaṃ guṇālayaguruṃ mokṣāya bhaktyā sadā || 6||

स्वामिंस्ते प्रसृतप्रभावनिवहः सूर्यप्रभावं तथाशैत्यं शीतकरस्य तच्छिखरिणः स्थैर्यं क्षमत्वं क्षितेः ।निर्लेपत्वगभीरते सुरपथाम्भोध्योर्विधत्तेप्यधोवन्दे त्वां प्रमुखं गुणालयगुरुं मोक्षाय भक्त्या सदा ॥ ७॥

svāmiṃste prasṛtaprabhāvanivahaḥ sūryaprabhāvaṃ tathāśaityaṃ śītakarasya tacchikhariṇaḥ sthairyaṃ kṣamatvaṃ kṣiteḥ |nirlepatvagabhīrate surapathāmbhodhyorvidhattepyadhovande tvāṃ pramukhaṃ guṇālayaguruṃ mokṣāya bhaktyā sadā || 7||

मेघं वाञ्छति चातकोऽमृतकरं पक्षी चकोरो यथापातिव्रत्यपरायणा निजपतिं वह्निं पतङ्गस्तथा ।श्रीजीमूर्तिसदानिषक्तहृदयश्चान्यान् करोति प्रभून्वन्दे त्वां प्रमुखं गुणालयगुरुं मोक्षाय भक्त्या सदा ॥ ८॥

meghaṃ vāñchati cātako'mṛtakaraṃ pakṣī cakoro yathāpātivratyaparāyaṇā nijapatiṃ vahniṃ pataṅgastathā |śrījīmūrtisadāniṣaktahṛdayaścānyān karoti prabhūnvande tvāṃ pramukhaṃ guṇālayaguruṃ mokṣāya bhaktyā sadā || 8||

त्वमेवासि नारायणस्य स्वरूपं,त्वमेवासि मूलाक्षरस्त्वं प्रयागः ।त्वमेवासि शास्त्री च योगी त्वमेव,त्वमेवं चिरायुश्चिरङ्कृत् त्वमेव ॥ ९॥

tvamevāsi nārāyaṇasya svarūpaṃ,tvamevāsi mūlākṣarastvaṃ prayāgaḥ |tvamevāsi śāstrī ca yogī tvameva,tvamevaṃ cirāyuściraṅkṛt tvameva || 9||

(तोटकवृत्तम्)सरलं सुहृदं पवितं मनसा,ललितं मधुरं सुनृतं वचसा ।निपुणं सुदृढं सुसहं क्रियया,प्रणमामि गुरुं प्रमुखं गुणिनम् ॥ १०॥

(toṭakavṛttam)saralaṃ suhṛdaṃ pavitaṃ manasā,lalitaṃ madhuraṃ sunṛtaṃ vacasā |nipuṇaṃ sudṛḍhaṃ susahaṃ kriyayā,praṇamāmi guruṃ pramukhaṃ guṇinam || 10||

इति श्रीप्रमुखस्वामिमहाराजमहिमाष्टकं सम्पूर्णम् ।

iti śrīpramukhasvāmimahārājamahimāṣṭakaṃ sampūrṇam |