stotram (2) Shri Janamangala Stotram

श्री हरये नमः ।नमोनमः श्रीहरये बुद्धिदाय दयावते ।भक्तिधर्माङ्गजाताय भक्तकल्पद्रुमाय च ॥ १॥

śrī haraye namaḥ |namonamaḥ śrīharaye buddhidāya dayāvate |bhaktidharmāṅgajātāya bhaktakalpadrumāya ca || 1||

सुगन्धपुष्पहाराद्यैर्विविधैरुपहारकैः ।सम्पूजिताय भक्तौघैः सिताम्बरधराय च ॥ २॥

sugandhapuṣpahārādyairvividhairupahārakaiḥ |sampūjitāya bhaktaughaiḥ sitāmbaradharāya ca || 2||

नाम्नामष्टोत्तरशतं चतुर्वर्गमभीप्सताम् ।सद्यः फलप्रदं नॄणां तस्य वक्ष्यामि सत्पतेः ॥ ३॥

nāmnāmaṣṭottaraśataṃ caturvargamabhīpsatām |sadyaḥ phalapradaṃ nṝṇāṃ tasya vakṣyāmi satpateḥ || 3||

अस्य श्रीजनमङ्गलाख्यस्य श्रीहर्यष्टोत्तरशतनामस्तोत्रमन्त्रस्य शतानन्द ऋषिः ।अनुष्टुप् छन्दः ।धर्मनन्दनः श्रीहरिर्देवता । धार्मिक इतिबीजम् । बृहद्व्रतधर इति शक्तिः । भक्तिनन्दनइति कीलकम् । चतुर्वर्गसिद्।ह्ध्यर्थे जपे विनियोगः ।अथ ध्यानम् ।वर्णिवेषरमणीयदर्शनं मन्दहासरुचिराननाम्बुजम् ।पूजितं सुरनरोत्तमैर्मुदा धर्मनन्दनमहं विचिन्तये ॥ ४॥

asya śrījanamaṅgalākhyasya śrīharyaṣṭottaraśatanāmastotramantrasya śatānanda ṛṣiḥ |anuṣṭup chandaḥ |dharmanandanaḥ śrīharirdevatā | dhārmika itibījam | bṛhadvratadhara iti śaktiḥ | bhaktinandanaiti kīlakam | caturvargasid|hdhyarthe jape viniyogaḥ |atha dhyānam |varṇiveṣaramaṇīyadarśanaṃ mandahāsarucirānanāmbujam |pūjitaṃ suranarottamairmudā dharmanandanamahaṃ vicintaye || 4||

श्रीकृष्णः श्रीवासुदेवो नरनारायणः प्रभुः ।भक्तिधर्मात्मजोजन्मा कृष्णो नारायणो हरिः ॥ ५॥

śrīkṛṣṇaḥ śrīvāsudevo naranārāyaṇaḥ prabhuḥ |bhaktidharmātmajojanmā kṛṣṇo nārāyaṇo hariḥ || 5||

हरिकृष्णो घनश्यामो धार्मिको भक्तिनन्दनः ।बृहद्व्रतधरः शुद्धो राधाकृष्णेष्टदैवतः ॥ ६॥

harikṛṣṇo ghanaśyāmo dhārmiko bhaktinandanaḥ |bṛhadvratadharaḥ śuddho rādhākṛṣṇeṣṭadaivataḥ || 6||

मरुत्सुतप्रियः कालीभैरवाद्यतिभीषणः ।जितेन्द्रियो जिताहारस्तीव्रवैराग्य आस्तिकः ॥ ७॥

marutsutapriyaḥ kālībhairavādyatibhīṣaṇaḥ |jitendriyo jitāhārastīvravairāgya āstikaḥ || 7||

योगेश्वरो योगकलाप्रवृत्तिरतिधैर्यवान् ।ज्ञानी परमहंसश्च तीर्थकृत्तैर्थिकार्चितः ॥ ८॥

yogeśvaro yogakalāpravṛttiratidhairyavān |jñānī paramahaṃsaśca tīrthakṛttairthikārcitaḥ || 8||

क्षमानिधिः सदोन्निद्रो ध्याननिष्ठस्तपः प्रियः ।सिद्धेश्वरः स्वतन्त्रश्च ब्रह्मविद्याप्रवर्तकः ॥ ९॥

kṣamānidhiḥ sadonnidro dhyānaniṣṭhastapaḥ priyaḥ |siddheśvaraḥ svatantraśca brahmavidyāpravartakaḥ || 9||

पाषण्डोछेदनपटुः स्वस्वरूपाचलस्थितिः ।प्रशान्तमूर्तिर्निर्दोषोऽसुरगुर्वादिमोहनः ॥ १०॥

pāṣaṇḍochedanapaṭuḥ svasvarūpācalasthitiḥ |praśāntamūrtirnirdoṣo'suragurvādimohanaḥ || 10||

अतिकारुण्यनयन उद्धवाध्वप्रवर्तकः ।महाव्रतः साधुशीलः साधुविप्रप्रपूजकः ॥ ११॥

atikāruṇyanayana uddhavādhvapravartakaḥ |mahāvrataḥ sādhuśīlaḥ sādhuvipraprapūjakaḥ || 11||

अहिंसयज्ञप्रस्तोता साकारब्रह्मवर्णनः ।स्वामिनारायणः स्वामी कालदोषनिवारकः ॥ १२॥

ahiṃsayajñaprastotā sākārabrahmavarṇanaḥ |svāminārāyaṇaḥ svāmī kāladoṣanivārakaḥ || 12||

सच्छास्त्रव्यसनः सद्यःसमाधिस्थितिकारकः ।कृष्णार्चास्थापनकरः कौलद्विट् कलितारकः ॥ १३॥

sacchāstravyasanaḥ sadyaḥsamādhisthitikārakaḥ |kṛṣṇārcāsthāpanakaraḥ kauladviṭ kalitārakaḥ || 13||

प्रकाशरूपो निर्दम्भः सर्वजीवहितावहः ।भक्तिसम्पोषको वाग्मी चतुर्वर्गफलप्रदः ॥ १४॥

prakāśarūpo nirdambhaḥ sarvajīvahitāvahaḥ |bhaktisampoṣako vāgmī caturvargaphalapradaḥ || 14||

निर्मत्सरो भक्तवर्मा बुद्धिदाताऽतिपावनः ।अबुद्धिहृद्ब्रह्मधामदर्शकश्चापराजितः ॥ १५॥

nirmatsaro bhaktavarmā buddhidātā'tipāvanaḥ |abuddhihṛdbrahmadhāmadarśakaścāparājitaḥ || 15||

आसमुद्रान्त सत्कीर्तिः श्रितसंसृतिमोचनः ।उदारः सहजानन्दः साध्वीधर्मप्रवर्तकः ॥ १६॥

āsamudrānta satkīrtiḥ śritasaṃsṛtimocanaḥ |udāraḥ sahajānandaḥ sādhvīdharmapravartakaḥ || 16||

कन्दर्पदर्पदलनो वैष्णवक्रतुकारकः ।पञ्चायतनसम्मानो नैष्ठिकव्रतपोषकः ॥ १७॥

kandarpadarpadalano vaiṣṇavakratukārakaḥ |pañcāyatanasammāno naiṣṭhikavratapoṣakaḥ || 17||

प्रगल्भो निःस्पृहः सत्यप्रतिज्ञो भक्तवत्सलः ।अरोषणो दीर्घदर्शी षडूर्मिविजयक्षमः ॥ १८॥

pragalbho niḥspṛhaḥ satyapratijño bhaktavatsalaḥ |aroṣaṇo dīrghadarśī ṣaḍūrmivijayakṣamaḥ || 18||

निरहङ्कृतिरद्रोह ऋजुः सर्वोपकारकः ।नियामकश्चोपशमस्थितिर्विनयवान् गुरुः ॥ १९॥

nirahaṅkṛtiradroha ṛjuḥ sarvopakārakaḥ |niyāmakaścopaśamasthitirvinayavān guruḥ || 19||

अजातवैरी निर्लोभो महापुरुष आत्मदः ।अखण्डितार्षमर्यादो व्याससिद्धान्तबोधकः ॥ २०॥

ajātavairī nirlobho mahāpuruṣa ātmadaḥ |akhaṇḍitārṣamaryādo vyāsasiddhāntabodhakaḥ || 20||

मनोनिग्रहयुक्तिज्ञो यमदूतविमोचकः ।पूर्णकामः सत्यवादी गुणग्राही गतस्मयः ॥ २१॥

manonigrahayuktijño yamadūtavimocakaḥ |pūrṇakāmaḥ satyavādī guṇagrāhī gatasmayaḥ || 21||

सदाचारप्रियतरः पुण्यश्रवणकीर्तनः ।सर्वमङ्गलसद्रूपनानागुणविचेष्टितः ॥ २२॥

sadācārapriyataraḥ puṇyaśravaṇakīrtanaḥ |sarvamaṅgalasadrūpanānāguṇaviceṣṭitaḥ || 22||

इत्येतत्परमं स्तोत्रं जनमङ्गलसंज्ञितम् ।यः पठेत्तेन पठितं भवेद्वै सर्वमङ्गलम् ॥ २३॥

ityetatparamaṃ stotraṃ janamaṅgalasaṃjñitam |yaḥ paṭhettena paṭhitaṃ bhavedvai sarvamaṅgalam || 23||

यः पठेच्छृणुयाद्भक्त्या त्रिकालं श्रावयेच्च वा ।एतत्तस्य तु पापानि नश्येयुः किल सर्वशः ॥ २४॥

yaḥ paṭhecchṛṇuyādbhaktyā trikālaṃ śrāvayecca vā |etattasya tu pāpāni naśyeyuḥ kila sarvaśaḥ || 24||

एतत्संसेवमानानां पुरुषार्थचतुष्टये ।दुर्लभं नास्ति किमपि हरिकृष्णप्रसादतः ॥ २५॥

etatsaṃsevamānānāṃ puruṣārthacatuṣṭaye |durlabhaṃ nāsti kimapi harikṛṣṇaprasādataḥ || 25||

भूतप्रेतपिशाचानां डाकिनीब्रह्मराक्षसाम् ।योगिनीनां तथा बालग्रहादीनामुपद्रवः ॥ २६॥

bhūtapretapiśācānāṃ ḍākinībrahmarākṣasām |yoginīnāṃ tathā bālagrahādīnāmupadravaḥ || 26||

अभिचारो रिपुकृतो रोगश्चान्योऽप्युपद्रवः ।अयुतावर्तनादस्य नश्यत्येव न संशयः ॥ २७॥

abhicāro ripukṛto rogaścānyo'pyupadravaḥ |ayutāvartanādasya naśyatyeva na saṃśayaḥ || 27||

दशावृत्या प्रतिदिनमस्याभीष्टं सुखं भवेत् ।गृहिभिस्त्यागिभिश्चापि पठनीयमिदं ततः ॥ २८॥

daśāvṛtyā pratidinamasyābhīṣṭaṃ sukhaṃ bhavet |gṛhibhistyāgibhiścāpi paṭhanīyamidaṃ tataḥ || 28||

इति श्रीशतानन्दमुनिविरचितं श्रीजनमङ्गलाख्यंश्रीहर्यष्टोत्तरशतनामस्तोत्रं सम्पूर्णम् ॥श्रीजनमङ्गलस्तोत्रम्

iti śrīśatānandamuniviracitaṃ śrījanamaṅgalākhyaṃśrīharyaṣṭottaraśatanāmastotraṃ sampūrṇam ||śrījanamaṅgalastotram