गीतासारगुर्वष्टोत्तरशतनामस्तोत्रम् Gitasara Gurvashtottarashatanama Stotram

प्रशान्तात्मा विगतभीर्योगी विगतकल्मषः ।योगयुक्तो विशुद्धात्मा यतचित्तेन्द्रियक्रियः ॥ १॥

praśāntātmā vigatabhīryogī vigatakalmaṣaḥ |yogayukto viśuddhātmā yatacittendriyakriyaḥ || 1||

स्वकर्मनिरतः शान्तो धर्मात्माऽमितविक्रमः ।मुक्तसङ्गोऽनहंवादी धृत्युत्साहसमन्वितः ॥ २॥

svakarmanirataḥ śānto dharmātmā'mitavikramaḥ |muktasaṅgo'nahaṃvādī dhṛtyutsāhasamanvitaḥ || 2||

स्थिरबुद्धिरसम्मूढो जितात्मा विगतस्पृहः ।सर्वसङ्कल्पसंन्यासी भकः सङ्गविवर्जितः ॥ ३॥

sthirabuddhirasammūḍho jitātmā vigataspṛhaḥ |sarvasaṅkalpasaṃnyāsī bhakaḥ saṅgavivarjitaḥ || 3||

विविक्तसेवी लघ्वाशी यतवाक्कायमानसः ।एकाकी योगसंसिद्धो योगारूढोऽपरिग्रहः ॥ ४॥

viviktasevī laghvāśī yatavākkāyamānasaḥ |ekākī yogasaṃsiddho yogārūḍho'parigrahaḥ || 4||

ध्यानयोगपरो मौनी स्वस्थः संशुद्धकिल्बिषः ।वीतरागभयक्रोधः स्थितधीर्विगतज्वरः ॥ ५॥

dhyānayogaparo maunī svasthaḥ saṃśuddhakilbiṣaḥ |vītarāgabhayakrodhaḥ sthitadhīrvigatajvaraḥ || 5||

सर्वारम्भपरित्यागी कृत्स्नवित् कृत्स्नकर्मकृत् ।यतेन्द्रियमनोबुद्धिर्मुनिर्मोक्षपरायणः ॥ ६॥

sarvārambhaparityāgī kṛtsnavit kṛtsnakarmakṛt |yatendriyamanobuddhirmunirmokṣaparāyaṇaḥ || 6||

यदृच्छालाभसन्तुष्टो द्वन्द्वातीतो विमत्सरः ।अनिकेतः स्थिरमतिर्महात्मा दृडनिश्चयः ॥ ७॥

yadṛcchālābhasantuṣṭo dvandvātīto vimatsaraḥ |aniketaḥ sthiramatirmahātmā dṛḍaniścayaḥ || 7||

निर्द्वन्द्वो नित्यसत्त्वस्थो निर्योगक्षम आत्मवान् ।निर्ममो निरहङ्कारः समदुःखसुखः क्षमी ॥ ८॥

nirdvandvo nityasattvastho niryogakṣama ātmavān |nirmamo nirahaṅkāraḥ samaduḥkhasukhaḥ kṣamī || 8||

निराशीर्यतचित्तात्मा त्यक्तसर्वपरिग्रहः ।अनपेक्षः शुचिर्दक्ष उदासीनो गतव्यथः ॥ ९॥

nirāśīryatacittātmā tyaktasarvaparigrahaḥ |anapekṣaḥ śucirdakṣa udāsīno gatavyathaḥ || 9||

ज्ञानविज्ञानतृप्तात्मा कूटस्थो विजितन्द्रियः ।निस्त्रैगुण्यो वशी ज्ञानी समलोष्टाश्मकाञ्चनः ॥ १०॥

jñānavijñānatṛptātmā kūṭastho vijitandriyaḥ |nistraiguṇyo vaśī jñānī samaloṣṭāśmakāñcanaḥ || 10||

तुल्यप्रियाप्रियो धीरस्तुल्यनिन्दात्मसंस्तुतिः ।त्यागी सत्त्वसमाविष्टो मेधावी छिन्नसंशयः ॥ ११॥

tulyapriyāpriyo dhīrastulyanindātmasaṃstutiḥ |tyāgī sattvasamāviṣṭo medhāvī chinnasaṃśayaḥ || 11||

विद्वानात्मरतिर्मुक्तो नित्यतृप्तो निराश्रयः ।अन्तःसुखोऽन्तरारामः सन्तुष्टः सर्ववित्पुमान् ॥ १२॥

vidvānātmaratirmukto nityatṛpto nirāśrayaḥ |antaḥsukho'ntarārāmaḥ santuṣṭaḥ sarvavitpumān || 12||

सर्वभूतात्मभूतात्मा तत्त्ववित्समदर्शनः ।गतिर्भर्ता प्रभुःसाक्षी निवासः शरणं सुहृत् ॥ १३॥

sarvabhūtātmabhūtātmā tattvavitsamadarśanaḥ |gatirbhartā prabhuḥsākṣī nivāsaḥ śaraṇaṃ suhṛt || 13||

आत्मतृप्तो गुरुः पूज्यो गरीयान् पुरुषोत्तमः ।ब्रह्मभूतः प्रसन्नात्मा कृतकृत्यो विराजते ॥ १४॥

ātmatṛpto guruḥ pūjyo garīyān puruṣottamaḥ |brahmabhūtaḥ prasannātmā kṛtakṛtyo virājate || 14||

स्थितप्रज्ञो गुणातीतो लोकानुग्रहकाम्यया ।शारदायाश्चरा मूर्तिः शृङ्गशैले जगद्गुरुः ॥ १५॥

sthitaprajño guṇātīto lokānugrahakāmyayā |śāradāyāścarā mūrtiḥ śṛṅgaśaile jagadguruḥ || 15||

गीतामध्यगतैरेव ग्रथितेयं पदैः शुभैः ।आचार्येन्द्रपदाम्भोजे भक्त्या माला समर्प्यते ॥ १६॥

gītāmadhyagataireva grathiteyaṃ padaiḥ śubhaiḥ |ācāryendrapadāmbhoje bhaktyā mālā samarpyate || 16||

वक्तुं ब्रह्मविदां श्रेष्ठं मनोवाचामगोचरम् ।कथमन्याः समर्थाः स्युर्वाचो भागवतीर्विना ॥ १७॥

vaktuṃ brahmavidāṃ śreṣṭhaṃ manovācāmagocaram |kathamanyāḥ samarthāḥ syurvāco bhāgavatīrvinā || 17||

इति श्रीकृष्णस्वाम्यार्येण विरचितंगीतासारगुर्वष्टोत्तरशतनामस्तोत्रं सम्पूर्णम् ।(बि\। ए\। बि\। एल्\। अडवकेट् इत्यादि बिरुदालङ्कृतेनब्रह्मश्री\। कृष्णस्वाम्यार्येण विरचितम् )आद्वोचते, टिन्नेवेल्ल्य्।)

iti śrīkṛṣṇasvāmyāryeṇa viracitaṃgītāsāragurvaṣṭottaraśatanāmastotraṃ sampūrṇam |(bi\| e\| bi\| el\| aḍavakeṭ ityādi birudālaṅkṛtenabrahmaśrī\| kṛṣṇasvāmyāryeṇa viracitam )ādvocate, ṭinnevelly|)