गदाधराष्टकम् Gadadhara Ashtakam

स्वभक्तियोगलासिनं सदा व्रजे विहारिणंहरिप्रियागणाग्रगं शचीसुतप्रियेश्वरम् ।सराधाकृष्णसेवनप्रकाशकं महाशयंभजाम्यहं गदाधरं सुपण्डितं गुरुं प्रभुम् ॥ १॥

svabhaktiyogalāsinaṃ sadā vraje vihāriṇaṃharipriyāgaṇāgragaṃ śacīsutapriyeśvaram |sarādhākṛṣṇasevanaprakāśakaṃ mahāśayaṃbhajāmyahaṃ gadādharaṃ supaṇḍitaṃ guruṃ prabhum || 1||

नवोज्ज्वलादि भावनाविधानकर्मपारगंविचित्रगौरभक्तिसिन्धुरङ्गभङ्गलासिनम् ।सुरागमार्गदर्शकं व्रजादिवासदायकंभजाम्यहं गदाधरं सुपण्डितं गुरुं प्रभुम् ॥ २॥

navojjvalādi bhāvanāvidhānakarmapāragaṃvicitragaurabhaktisindhuraṅgabhaṅgalāsinam |surāgamārgadarśakaṃ vrajādivāsadāyakaṃbhajāmyahaṃ gadādharaṃ supaṇḍitaṃ guruṃ prabhum || 2||

सचीसुताङ्घ्रिसारभक्तवृन्दवन्द्यगौरवंगौरभावचित्तपद्ममध्यकृष्णवल्लभम् ।मुकुन्दगौररूपिणं स्वभावधर्मदायकंभजाम्यहं गदाधरं सुपण्डितं गुरुं प्रभुम् ॥ ३॥

sacīsutāṅghrisārabhaktavṛndavandyagauravaṃgaurabhāvacittapadmamadhyakṛṣṇavallabham |mukundagaurarūpiṇaṃ svabhāvadharmadāyakaṃbhajāmyahaṃ gadādharaṃ supaṇḍitaṃ guruṃ prabhum || 3||

निकुञ्जसेवनादिकप्रकाशनैककारणंसदा सखीरतिप्रदं महारसस्वरूपकम् ।सदाश्रिताङ्घ्रिपङ्कजं शरीरिसद्गुरुं वरंभजाम्यहं गदाधरं सुपण्डितं गुरुं प्रभुम् ॥ ४॥

nikuñjasevanādikaprakāśanaikakāraṇaṃsadā sakhīratipradaṃ mahārasasvarūpakam |sadāśritāṅghripaṅkajaṃ śarīrisadguruṃ varaṃbhajāmyahaṃ gadādharaṃ supaṇḍitaṃ guruṃ prabhum || 4||

महाप्रभोर्महारसप्रकाशनाङ्कुरं प्रियंसदा महारसाङ्कुरप्रकाशनादिवासनम् ।महाप्रभोर्व्रजाङ्गनादिभावमोदकारकंभजाम्यहं गदाधरं सुपण्डितं गुरुं प्रभुम् ॥ ५॥

mahāprabhormahārasaprakāśanāṅkuraṃ priyaṃsadā mahārasāṅkuraprakāśanādivāsanam |mahāprabhorvrajāṅganādibhāvamodakārakaṃbhajāmyahaṃ gadādharaṃ supaṇḍitaṃ guruṃ prabhum || 5||

द्विजेन्द्रवृन्दवन्द्यपादयुग्मभक्तिवर्धकंनिजेशु राधिकात्मतावपुःप्रकाशनाग्रहम् ।अशेषभक्तिशास्त्रशिक्षायोज्ज्वलामृतप्रदंभजाम्यहं गदाधरं सुपण्डितं गुरुं प्रभुम् ॥ ६॥

dvijendravṛndavandyapādayugmabhaktivardhakaṃnijeśu rādhikātmatāvapuḥprakāśanāgraham |aśeṣabhaktiśāstraśikṣāyojjvalāmṛtapradaṃbhajāmyahaṃ gadādharaṃ supaṇḍitaṃ guruṃ prabhum || 6||

मुदा निजप्रियादिकस्वपादपद्मसिन्धुभिर्महारसार्णवमृतप्रदेष्टगौरभक्तिदम् ।सदाष्टसात्त्विकान्वितं निजेष्टभक्तिदायकंभजाम्यहं गदाधरं सुपण्डितं गुरुं प्रभुम् ॥ ७॥

mudā nijapriyādikasvapādapadmasindhubhirmahārasārṇavamṛtapradeṣṭagaurabhaktidam |sadāṣṭasāttvikānvitaṃ nijeṣṭabhaktidāyakaṃbhajāmyahaṃ gadādharaṃ supaṇḍitaṃ guruṃ prabhum || 7||

यदीयरीतिरागरङ्गभङ्गदिग्धमानसोनरोऽपि यति तूर्णमेव नार्यभावभाजनम् ।तमुज्ज्वलक्तचित्तमेतु चित्तमत्तशत्पदोभजाम्यहं गदाधरं सुपण्डितं गुरं प्रभुम् ॥ ८॥

yadīyarītirāgaraṅgabhaṅgadigdhamānasonaro'pi yati tūrṇameva nāryabhāvabhājanam |tamujjvalaktacittametu cittamattaśatpadobhajāmyahaṃ gadādharaṃ supaṇḍitaṃ guraṃ prabhum || 8||

महारसामृतप्रदं सदा गदाधराष्टकंपथेत् तु यः सुभक्तितो व्रजाङ्गणगणोत्सवम् ।सचीतनुजपादपद्मभक्तिरत्नयोग्यतांलभेत राधिकागदाधराङ्घ्रिपद्मसेवया ॥ ९॥

mahārasāmṛtapradaṃ sadā gadādharāṣṭakaṃpathet tu yaḥ subhaktito vrajāṅgaṇagaṇotsavam |sacītanujapādapadmabhaktiratnayogyatāṃlabheta rādhikāgadādharāṅghripadmasevayā || 9||

इति श्रीस्वरूपदामोदरगोसाव्मीविरचितं गदाधराष्टकं सम्पूर्णम् ।

iti śrīsvarūpadāmodaragosāvmīviracitaṃ gadādharāṣṭakaṃ sampūrṇam |