अक्षरधामवर्णनम् Aksharadhamavarnanam

सर्वोपरि ह्यखिलधामविभूषणं सच्चित् सौख्यदं निखिलवेदशिरः प्रगीतम् ।लक्ष्यायुतं परमयामृतनामधेयंधामाक्षरं लसति तद् वृषजाङ्गकान्ति ॥ १॥

sarvopari hyakhiladhāmavibhūṣaṇaṃ saccit saukhyadaṃ nikhilavedaśiraḥ pragītam |lakṣyāyutaṃ paramayāmṛtanāmadheyaṃdhāmākṣaraṃ lasati tad vṛṣajāṅgakānti || 1||

यन्निर्गुणं सकलविश्वगणात्मकं चनित्यं निरञ्जनमशोकमनाद्यनन्तम् ।सत्यं सनातनमलौकिकमेव पूर्णंधामाक्षरं लसति तद् वृषजाङ्गकान्ति ॥ २॥

yannirguṇaṃ sakalaviśvagaṇātmakaṃ canityaṃ nirañjanamaśokamanādyanantam |satyaṃ sanātanamalaukikameva pūrṇaṃdhāmākṣaraṃ lasati tad vṛṣajāṅgakānti || 2||

नित्यं यदेककिरणेऽक्षरकोटिमुख्याःसातत्यतश्च परमाणुवदुड्डयन्ते ।दिव्यं सदाभयमनेकगुणाकरं चधामाक्षरं लसति तद् वृषजाङ्गकान्ति ॥ ३॥

nityaṃ yadekakiraṇe'kṣarakoṭimukhyāḥsātatyataśca paramāṇuvaduḍḍayante |divyaṃ sadābhayamanekaguṇākaraṃ cadhāmākṣaraṃ lasati tad vṛṣajāṅgakānti || 3||

यत्कान्तितश्च सततं परिभाति सम्यक्सूर्याग्निचन्द्रभगणादि समग्रविश्वम् ।तेजोमयं हि सुखबोध्यसुलक्षणञ्चधामाक्षरं लसति तद् वृषजाङ्गकान्ति ॥ ४॥

yatkāntitaśca satataṃ paribhāti samyaksūryāgnicandrabhagaṇādi samagraviśvam |tejomayaṃ hi sukhabodhyasulakṣaṇañcadhāmākṣaraṃ lasati tad vṛṣajāṅgakānti || 4||

खने भेनी अन्तिथी सूर्य, अग्नि, यन्द्र, नक्षत्रनो समूहयस्यैव दिव्यपरिपूर्णसुखाग्रतस्तुलोकान्तराणि रुचिराण्यपि सर्वशो हि ।नूनं व्रजन्ति निरयोपमतां सदैवधामाक्षरं लसति तद् वृषाङ्गकान्ति ॥ ५॥

khane bhenī antithī sūrya, agni, yandra, nakṣatrano samūhayasyaiva divyaparipūrṇasukhāgratastulokāntarāṇi rucirāṇyapi sarvaśo hi |nūnaṃ vrajanti nirayopamatāṃ sadaivadhāmākṣaraṃ lasati tad vṛṣāṅgakānti || 5||

दिव्यातिचित्रविभवप्रकरैरुपेतंदिव्याद्भुतापरिमितोत्तमशक्तियुक्तम् ।भास्वत्स्वरूपमखिलान्वयमिधामाक्षरं लसति तद् वृषजाङ्गकान्ति ॥ ६॥

divyāticitravibhavaprakarairupetaṃdivyādbhutāparimitottamaśaktiyuktam |bhāsvatsvarūpamakhilānvayamidhāmākṣaraṃ lasati tad vṛṣajāṅgakānti || 6||

यच्चात्र धर्मप्रमुखाङ्गयुजैव भक्त्याश्रीधार्मिकस्य करुणार्द्रहृदः प्रसादात् ।सम्प्राप्यते किल जनैः सुखदं न चान्यैर्धामाक्षरं लसति तद् वृषजाङ्गकान्ति ॥ ७॥

yaccātra dharmapramukhāṅgayujaiva bhaktyāśrīdhārmikasya karuṇārdrahṛdaḥ prasādāt |samprāpyate kila janaiḥ sukhadaṃ na cānyairdhāmākṣaraṃ lasati tad vṛṣajāṅgakānti || 7||

ऐश्वर्यशक्तिनिकरं रुचिरञ्च सर्वाधारञ्च चित्रमखिलाद्भुतभूरिशोभि ।कान्तं नितान्तमनवद्यमचिन्त्यमेवधामाक्षरं लसति तद् वृषजाङ्गकान्ति ॥ ८॥

aiśvaryaśaktinikaraṃ rucirañca sarvādhārañca citramakhilādbhutabhūriśobhi |kāntaṃ nitāntamanavadyamacintyamevadhāmākṣaraṃ lasati tad vṛṣajāṅgakānti || 8||

इति श्रीस्वामिनारायणबापाचरित्रामृतसागरे प्रथमप्रवाहेद्वितीये तरङ्गेअक्षरधामवर्णनं सम्पूर्णम् ।

iti śrīsvāminārāyaṇabāpācaritrāmṛtasāgare prathamapravāhedvitīye taraṅgeakṣaradhāmavarṇanaṃ sampūrṇam |