यमुनासहस्रनामस्तोत्रम् कालिन्दीसहस्रनामम् च Yamuna or Kalindi Sahasranamastotram

गर्गसंहितातःमान्धातोवाचनाम्नां सहस्रं कृष्णायाः सर्वसिद्धिकरं परम् ।वद मां मुनिशार्दूल त्वं सर्वज्ञो निरामयः ॥ १॥

gargasaṃhitātaḥmāndhātovācanāmnāṃ sahasraṃ kṛṣṇāyāḥ sarvasiddhikaraṃ param |vada māṃ muniśārdūla tvaṃ sarvajño nirāmayaḥ || 1||

सौभरिरुवाचनाम्नां सहस्रं कालिन्द्या मान्धातस्ते वदाम्यहम् ।सर्वसिद्धिकरं दिव्यं श्रीकृष्णवशकारकम् ॥ २॥

saubhariruvācanāmnāṃ sahasraṃ kālindyā māndhātaste vadāmyaham |sarvasiddhikaraṃ divyaṃ śrīkṛṣṇavaśakārakam || 2||

विनियोगः ॥अस्य श्रीकालिन्दीसहस्रनामस्तोत्रमन्त्रस्य सौभरिरृषिः ।श्रीयमुना देवता । अनुष्टुप् छन्दः । मायाबीजमिति कीलकम् ।रमाबीजमिति शक्तिः । श्री कालिन्दनन्दिनीप्रसादसिद्ध्यर्थे पाठेविनियोगः ।अथ ध्यानम् ॥ॐ श्यामामम्भोजनेत्रां सघनघनरुचिं रत्नमञ्जीरकूजत्काञ्चीकेयूरयुक्तां कनकमणिमये बिभ्रतीं कुण्डले द्वे ।भाजच्छीनीलवस्त्रां स्फुरदमलचलद्धारभारां मनोज्ञांध्यायेन्मार्तण्डपुत्रीं तनुकिरणचयोद्दीप्तदीपाभिरामाम् ॥ ३॥

viniyogaḥ ||asya śrīkālindīsahasranāmastotramantrasya saubharirṛṣiḥ |śrīyamunā devatā | anuṣṭup chandaḥ | māyābījamiti kīlakam |ramābījamiti śaktiḥ | śrī kālindanandinīprasādasiddhyarthe pāṭheviniyogaḥ |atha dhyānam ||oṃ śyāmāmambhojanetrāṃ saghanaghanaruciṃ ratnamañjīrakūjatkāñcīkeyūrayuktāṃ kanakamaṇimaye bibhratīṃ kuṇḍale dve |bhājacchīnīlavastrāṃ sphuradamalacaladdhārabhārāṃ manojñāṃdhyāyenmārtaṇḍaputrīṃ tanukiraṇacayoddīptadīpābhirāmām || 3||

ॐ कालिन्दी यमुना कृष्णा कृष्णरूपा सनातनी ।कृष्णवामांससम्भूता परमानन्दरूपिणी ॥ ४॥

oṃ kālindī yamunā kṛṣṇā kṛṣṇarūpā sanātanī |kṛṣṇavāmāṃsasambhūtā paramānandarūpiṇī || 4||

गोलोकवासिनी श्यामा वृन्दावनविनोदिनी ।राधासखी रासलीला रासमण्डलमण्डिता ॥ ५॥

golokavāsinī śyāmā vṛndāvanavinodinī |rādhāsakhī rāsalīlā rāsamaṇḍalamaṇḍitā || 5||

निकुञ्जमाधवीवल्ली रङ्गवल्लीमनोहरा ।श्रीरासमण्डलीभूता यूथीभूता हरिप्रिया ॥ ६॥

nikuñjamādhavīvallī raṅgavallīmanoharā |śrīrāsamaṇḍalībhūtā yūthībhūtā haripriyā || 6||

गोलोकतटिनी दिव्या निकुञ्जतलवासिनी ।दीर्घोर्मिवेगगम्भीरा पुष्पपल्लववासिनी ॥ ७॥

golokataṭinī divyā nikuñjatalavāsinī |dīrghormivegagambhīrā puṣpapallavavāsinī || 7||

घनश्यामा मेघमाला बलाका पद्ममालिनी ।परिपूर्णतमा पूर्णा पूर्णब्रह्मप्रिया परा ॥ ८॥

ghanaśyāmā meghamālā balākā padmamālinī |paripūrṇatamā pūrṇā pūrṇabrahmapriyā parā || 8||

महावेगवती साक्षान्निकुञ्जद्वारनिर्गता ।महानदी मन्दगतिर्विरजा वेगभेदिनी ॥ ९॥

mahāvegavatī sākṣānnikuñjadvāranirgatā |mahānadī mandagatirvirajā vegabhedinī || 9||

अनेकब्रह्माण्डगता ब्रह्मद्रवसमाकुला ।गङ्गा मिश्रा निर्जलाभा निर्मला सरितां वरा ॥ १०॥

anekabrahmāṇḍagatā brahmadravasamākulā |gaṅgā miśrā nirjalābhā nirmalā saritāṃ varā || 10||

रत्नबद्धोभयतटा हंसपद्मादिसङ्कुला । वर् तटीनदी निर्मलपानीया सर्वब्रह्माण्डपावनी ॥ ११॥

ratnabaddhobhayataṭā haṃsapadmādisaṅkulā | var taṭīnadī nirmalapānīyā sarvabrahmāṇḍapāvanī || 11||

वैकुण्ठपरिखीभूता परिखा पापहारिणी ।ब्रह्मलोकागता ब्राह्मी स्वर्गा स्वर्गनिवासिनी ॥ १२॥

vaikuṇṭhaparikhībhūtā parikhā pāpahāriṇī |brahmalokāgatā brāhmī svargā svarganivāsinī || 12||

उल्लसन्ती प्रोत्पतन्ती मेरुमाला महोज्ज्वला ।श्रीगङ्गाम्भः शिखरिणी गण्डशैलविभेदिनी ॥ १३॥

ullasantī protpatantī merumālā mahojjvalā |śrīgaṅgāmbhaḥ śikhariṇī gaṇḍaśailavibhedinī || 13||

देशान्पुनन्ती गच्छन्ती महती भूमिमध्यगा ।मार्तण्डतनुजा पुण्या कलिन्दगिरिनन्दिनी ॥ १४॥

deśānpunantī gacchantī mahatī bhūmimadhyagā |mārtaṇḍatanujā puṇyā kalindagirinandinī || 14||

यमस्वसा मन्दहासा सुद्विजा रचिताम्बरा ।नीलाम्बरा पद्ममुखी चरन्ती चारुदर्शना ॥ १५॥

yamasvasā mandahāsā sudvijā racitāmbarā |nīlāmbarā padmamukhī carantī cārudarśanā || 15||

रम्भोरूः पद्मनयना माधवी प्रमदोत्तमा ।तपश्चरन्ती सुश्रोणी कूजन्नूपुरमेखला ॥ १६॥

rambhorūḥ padmanayanā mādhavī pramadottamā |tapaścarantī suśroṇī kūjannūpuramekhalā || 16||

जलस्थिता श्यामलाङ्गी खाण्डवाभा विहारिणी ।गाण्डीविभाषिणी वन्या श्रीकृष्णाम्बरमिच्छती ॥ १७॥

jalasthitā śyāmalāṅgī khāṇḍavābhā vihāriṇī |gāṇḍīvibhāṣiṇī vanyā śrīkṛṣṇāmbaramicchatī || 17||

द्वारकागमना राज्ञी पट्टराज्ञी परङ्गता ।महाराज्ञी रत्नभूषा गोमतीतीरचारिणी ॥ १८॥

dvārakāgamanā rājñī paṭṭarājñī paraṅgatā |mahārājñī ratnabhūṣā gomatītīracāriṇī || 18||

स्वकीया स्वसुखा स्वार्था स्वीयकार्यार्थसाधिनी ।नवलाङ्गाऽबला मुग्धा वराङ्गा वामलोचना ॥ १९॥

svakīyā svasukhā svārthā svīyakāryārthasādhinī |navalāṅgā'balā mugdhā varāṅgā vāmalocanā || 19||

अज्ञातयौवनाऽदीना प्रभा कान्तिर्द्युतिश्छविः ।सोमाभा परमा कीर्तिः कुशला ज्ञातयौवना ॥ २०॥

ajñātayauvanā'dīnā prabhā kāntirdyutiśchaviḥ |somābhā paramā kīrtiḥ kuśalā jñātayauvanā || 20||

नवोढा मध्यगा मध्या प्रौढिः प्रौढा प्रगल्भका ।धीराऽधीरा धैर्यधरा ज्येष्ठा श्रेष्ठा कुलाङ्गना ॥ २१॥

navoḍhā madhyagā madhyā prauḍhiḥ prauḍhā pragalbhakā |dhīrā'dhīrā dhairyadharā jyeṣṭhā śreṣṭhā kulāṅganā || 21||

क्षणप्रभा चञ्चलार्चा विद्युत्सौदामिनी तडित् ।स्वाधीनपतिका लक्ष्मीः पुष्टा स्वाधीनभर्तृका ॥ २२॥

kṣaṇaprabhā cañcalārcā vidyutsaudāminī taḍit |svādhīnapatikā lakṣmīḥ puṣṭā svādhīnabhartṛkā || 22||

कलहान्तरिता भीरुरिच्छा प्रोत्कण्ठिताऽऽकुला ।कशिपुस्था दिव्यशय्या गोविन्दहृतमानसा ॥ २३॥

kalahāntaritā bhīruricchā protkaṇṭhitā''kulā |kaśipusthā divyaśayyā govindahṛtamānasā || 23||

खण्डिताऽखण्डशोभाढ्या विप्रलब्धाऽभिसारिका ।विरहार्ता विरहिणी नारी प्रोषितभर्तृका ॥ २४॥

khaṇḍitā'khaṇḍaśobhāḍhyā vipralabdhā'bhisārikā |virahārtā virahiṇī nārī proṣitabhartṛkā || 24||

मानिनी मानदा प्राज्ञा मन्दारवनवासिनी ।झङ्कारिणी झणत्कारी रणन्मञ्जीरनूपुरा ॥ २५॥

māninī mānadā prājñā mandāravanavāsinī |jhaṅkāriṇī jhaṇatkārī raṇanmañjīranūpurā || 25||

मेखला मेखलाकाञ्ची श्रीकाञ्ची काञ्चनामयी ।कञ्चुकी कञ्चुकमणिः श्रीकण्ठाढ्या महामणिः ॥ २६॥

mekhalā mekhalākāñcī śrīkāñcī kāñcanāmayī |kañcukī kañcukamaṇiḥ śrīkaṇṭhāḍhyā mahāmaṇiḥ || 26||

श्रीहारिणी पद्महारा मुक्ता मुक्ताफलार्चिता ।रत्नकङ्कणकेयूरा स्फरदङ्गुलिभूषणा ॥ २७॥

śrīhāriṇī padmahārā muktā muktāphalārcitā |ratnakaṅkaṇakeyūrā spharadaṅgulibhūṣaṇā || 27||

दर्पणा दर्पणीभूता दुष्टदर्पविनाशिनी ।कम्बुग्रीवा कम्बुधरा ग्रैवेयकविराजिता ॥ २८॥

darpaṇā darpaṇībhūtā duṣṭadarpavināśinī |kambugrīvā kambudharā graiveyakavirājitā || 28||

ताटङ्किनी दन्तधरा हेमकुण्डलमण्डिता ।शिखाभूषा भालपुष्पा नासामौक्तिकशोभिता ॥ २९॥

tāṭaṅkinī dantadharā hemakuṇḍalamaṇḍitā |śikhābhūṣā bhālapuṣpā nāsāmauktikaśobhitā || 29||

मणिभूमिगता देवी रैवताद्रिविहारिणी ।वृन्दावनगता वृन्दा वृन्दारण्यनिवासिनी ॥ ३०॥

maṇibhūmigatā devī raivatādrivihāriṇī |vṛndāvanagatā vṛndā vṛndāraṇyanivāsinī || 30||

वृन्दावनलता माध्वी वृन्दारण्यविभूषणा ।सौन्दर्यलहरी लक्ष्मीर्मथुरातीर्थवासिनी ॥ ३१॥

vṛndāvanalatā mādhvī vṛndāraṇyavibhūṣaṇā |saundaryalaharī lakṣmīrmathurātīrthavāsinī || 31||

विश्रान्तवासिनी काम्या रम्या गोकुलवासिनी ।रमणस्थलशोभाढ्या महावनमहानदी ॥ ३२॥

viśrāntavāsinī kāmyā ramyā gokulavāsinī |ramaṇasthalaśobhāḍhyā mahāvanamahānadī || 32||

प्रणता प्रोन्नता पुष्टा भारती भारतार्चिता ।तीर्थराजगतिर्गोत्रा गङ्गासागरसङ्गमा ॥ ३३॥

praṇatā pronnatā puṣṭā bhāratī bhāratārcitā |tīrtharājagatirgotrā gaṅgāsāgarasaṅgamā || 33||

सप्ताब्धिभेदिनी लोला सप्तद्वीपगता बलात् ।लुठन्ती शैलभिद्यन्ती स्फुरन्ती वेगवत्तरा ॥ ३४॥

saptābdhibhedinī lolā saptadvīpagatā balāt |luṭhantī śailabhidyantī sphurantī vegavattarā || 34||

काञ्चनी काञ्चनीभूमिः काञ्चनीभूमिभाविता ।लोकदृष्टिर्लोकलीला लोकालोकाचलार्चिता ॥ ३५॥

kāñcanī kāñcanībhūmiḥ kāñcanībhūmibhāvitā |lokadṛṣṭirlokalīlā lokālokācalārcitā || 35||

शैलोद्गता स्वर्गगता स्वर्गार्च्या स्वर्गपूजिता ।वृन्दावनवनाध्यक्षा रक्षा कक्षा तटी पटी ॥ ३६॥

śailodgatā svargagatā svargārcyā svargapūjitā |vṛndāvanavanādhyakṣā rakṣā kakṣā taṭī paṭī || 36||

असिकुण्डगता कच्छा स्वच्छन्दोच्छलिताद्रिजा ।कुहरस्था रयप्रस्था प्रस्था शान्तेतरातुरा ॥ ३७॥

asikuṇḍagatā kacchā svacchandocchalitādrijā |kuharasthā rayaprasthā prasthā śāntetarāturā || 37||

अम्बुच्छटा सीकराभा दर्दुरा दर्दुरीधरा ।पापाङ्कुशा पापसिंही पापद्रुमकुठारिणी ॥ ३८॥

ambucchaṭā sīkarābhā dardurā dardurīdharā |pāpāṅkuśā pāpasiṃhī pāpadrumakuṭhāriṇī || 38||

पुण्यसङ्घा पुण्यकीर्तिः पुण्यदा पुण्यवर्धिनी ।मधोर्वननदीमुख्या तुला तालवनस्थिता ॥ ३९॥

puṇyasaṅghā puṇyakīrtiḥ puṇyadā puṇyavardhinī |madhorvananadīmukhyā tulā tālavanasthitā || 39||

कुमुद्वननदी कुब्जा कुमुदाम्भोजवर्धिनी ।प्लवरूपा वेगवती सिंहसर्पादिवाहिनी ॥ ४०॥

kumudvananadī kubjā kumudāmbhojavardhinī |plavarūpā vegavatī siṃhasarpādivāhinī || 40||

बहुली बहुदा बह्वी बहुला वनवन्दिता ।राधाकुण्डकलाराध्या कृष्णाकुण्डजलाश्रिता ॥ ४१॥

bahulī bahudā bahvī bahulā vanavanditā |rādhākuṇḍakalārādhyā kṛṣṇākuṇḍajalāśritā || 41||

ललिताकुण्डगा घण्टा विशाखाकुण्डमण्डिता ।गोविन्दकुण्डनिलया गोपकुण्डतरङ्गिणी ॥ ४२॥

lalitākuṇḍagā ghaṇṭā viśākhākuṇḍamaṇḍitā |govindakuṇḍanilayā gopakuṇḍataraṅgiṇī || 42||

श्रीगङ्गा मानसीगङ्गा कुसुमाम्बर भाविनी ।गोवर्धिनी गोधनाढ्या मयूरी वरवर्णिनी ॥ ४३॥

śrīgaṅgā mānasīgaṅgā kusumāmbara bhāvinī |govardhinī godhanāḍhyā mayūrī varavarṇinī || 43||

सारसी नीलकण्ठाभा कूजत्कोकिलपोतकी ।गिरिराजप्रभूर्भूरिरातपत्रातपत्रिणी ॥ ४४॥

sārasī nīlakaṇṭhābhā kūjatkokilapotakī |girirājaprabhūrbhūrirātapatrātapatriṇī || 44||

गोवर्धनाङ्का गोदन्ती दिव्यौषधिनिधिः श्रुतिः । वर् शृतिःपारदी पारदमयी नारदी शारदी भृतिः ॥ ४५॥

govardhanāṅkā godantī divyauṣadhinidhiḥ śrutiḥ | var śṛtiḥpāradī pāradamayī nāradī śāradī bhṛtiḥ || 45||

श्रीकृष्णचरणाङ्कस्था कामा कामवनाञ्चिता ।कामाटवी नन्दिनी च नन्दग्राममहीधरा ॥ ४६॥

śrīkṛṣṇacaraṇāṅkasthā kāmā kāmavanāñcitā |kāmāṭavī nandinī ca nandagrāmamahīdharā || 46||

बृहत्सानुद्युतिः प्रोता नन्दीश्वरसमन्विता ।काकली कोकिलमयी भाण्डारकुशकौशला ॥ ४७॥

bṛhatsānudyutiḥ protā nandīśvarasamanvitā |kākalī kokilamayī bhāṇḍārakuśakauśalā || 47||

लोहार्गलप्रदाकारा काश्मीरवसनावृता ।बर्हिषदी शोणपुरी शूरक्षेत्रपुराधिका ॥ ४८॥

lohārgalapradākārā kāśmīravasanāvṛtā |barhiṣadī śoṇapurī śūrakṣetrapurādhikā || 48||

नानाभरणशोभाढ्या नानावर्णसमन्विता ।नानानारीकदम्बाढ्या नानावस्त्रविराजिता ॥ ४९॥

nānābharaṇaśobhāḍhyā nānāvarṇasamanvitā |nānānārīkadambāḍhyā nānāvastravirājitā || 49||

नानालोकगता वीचिर्नानाजलसमन्विता ।स्त्रीरत्नं रत्ननिलया ललनारत्नरञ्जिनी ॥ ५०॥

nānālokagatā vīcirnānājalasamanvitā |strīratnaṃ ratnanilayā lalanāratnarañjinī || 50||

रङ्गिणी रङ्गभूमाढ्या रङ्गा रङ्गमहीरुहा ।राजविद्या राजगुह्या जगत्कीर्तिर्घनापहा ॥ ५१॥

raṅgiṇī raṅgabhūmāḍhyā raṅgā raṅgamahīruhā |rājavidyā rājaguhyā jagatkīrtirghanāpahā || 51||

विलोलघण्टा कृष्णाङ्गी कृष्णदेहसमुद्भवा ।नीलपङ्कजवर्णाभा नीलपङ्कजहारिणी ॥ ५२॥

vilolaghaṇṭā kṛṣṇāṅgī kṛṣṇadehasamudbhavā |nīlapaṅkajavarṇābhā nīlapaṅkajahāriṇī || 52||

नीलाभा नीलपद्माढ्या नीलाम्भोरुहवासिनी ।नागवल्ली नागपुरी नागवल्लीदलार्चिता ॥ ५३॥

nīlābhā nīlapadmāḍhyā nīlāmbhoruhavāsinī |nāgavallī nāgapurī nāgavallīdalārcitā || 53||

ताम्बूलचर्चिता चर्चा मकरन्दमनोहरा ।सकेसरा केसरिणी केशपाशाभिशोभिता ॥ ५४॥

tāmbūlacarcitā carcā makarandamanoharā |sakesarā kesariṇī keśapāśābhiśobhitā || 54||

कज्जलाभा कज्जलाक्ता कज्जलीकलिताञ्जना ।अलक्तचरणा ताम्रा लालाताम्रकृताम्बरा ॥ ५५॥

kajjalābhā kajjalāktā kajjalīkalitāñjanā |alaktacaraṇā tāmrā lālātāmrakṛtāmbarā || 55||

सिन्दूरिता लिप्तवाणी सुश्रीः श्रीखण्डमण्डिता ।पाटीरपङ्कवसना जटामांसीरुचाम्बरा ॥ ५६॥

sindūritā liptavāṇī suśrīḥ śrīkhaṇḍamaṇḍitā |pāṭīrapaṅkavasanā jaṭāmāṃsīrucāmbarā || 56||

आगर्य्यगरुगन्धाक्ता तगराश्रितमारुता ।सुगन्धितैलरुचिरा कुन्तलालिः सुकुन्तला ॥ ५७॥

āgaryyagarugandhāktā tagarāśritamārutā |sugandhitailarucirā kuntalāliḥ sukuntalā || 57||

शकुन्तलाऽपांसुला च पातिव्रत्यपरायणा ।सूर्यकोटिप्रभा सूर्यकन्या सूर्यसमुद्भवा ॥ ५८॥

śakuntalā'pāṃsulā ca pātivratyaparāyaṇā |sūryakoṭiprabhā sūryakanyā sūryasamudbhavā || 58||

कोटिसूर्यप्रतीकाशा सूर्यजा सूर्यनन्दिनी ।संज्ञा संज्ञासुता स्वेच्छा संज्ञामोदप्रदायिनी ॥ ५९॥

koṭisūryapratīkāśā sūryajā sūryanandinī |saṃjñā saṃjñāsutā svecchā saṃjñāmodapradāyinī || 59||

संज्ञापुत्री स्फुरच्छाया तपन्ती तापकारिणी ।सावर्ण्यानुभवा वेदी वडवा सौख्यप्रदायिनी ॥ ६०॥

saṃjñāputrī sphuracchāyā tapantī tāpakāriṇī |sāvarṇyānubhavā vedī vaḍavā saukhyapradāyinī || 60||

शनैश्चरानुजा कीला चन्द्रवंशविवर्धिनी ।चन्द्रवंशवधूश्चन्द्रा चन्द्रावलिसहायिनी ॥ ६१॥

śanaiścarānujā kīlā candravaṃśavivardhinī |candravaṃśavadhūścandrā candrāvalisahāyinī || 61||

चन्द्रावती चन्द्रलेखा चन्द्रकान्तानुगांशुका ।भैरवी पिङ्गलाशङ्की लीलावत्यागरीमयी ॥ ६२॥

candrāvatī candralekhā candrakāntānugāṃśukā |bhairavī piṅgalāśaṅkī līlāvatyāgarīmayī || 62||

धनश्रीर्देवगान्धारी स्वर्मणिर्गुणवर्धिनी ।व्रजमल्लार्यन्धकरी विचित्रा जयकारिणी ॥ ६३॥ वर् व्रज

dhanaśrīrdevagāndhārī svarmaṇirguṇavardhinī |vrajamallāryandhakarī vicitrā jayakāriṇī || 63|| var vraja

गान्धारी मञ्जरी टोढी गुर्जर्यासावरी जया ।कर्णाटी रागिणी गौडी वैराटी गारवाटिका ॥ ६४॥

gāndhārī mañjarī ṭoḍhī gurjaryāsāvarī jayā |karṇāṭī rāgiṇī gauḍī vairāṭī gāravāṭikā || 64||

चतुश्चन्द्रकला हेरी तैलङ्गी विजयावती ।ताली तालस्वरा गानक्रिया मात्राप्रकाशिनी ॥ ६५॥

catuścandrakalā herī tailaṅgī vijayāvatī |tālī tālasvarā gānakriyā mātrāprakāśinī || 65||

वैशाखी चञ्चला चारुर्माचारी घुङ्घटी घटा ।वैरागरी सोरठी सा कैदारी जलधारिका ॥ ६६॥

vaiśākhī cañcalā cārurmācārī ghuṅghaṭī ghaṭā |vairāgarī soraṭhī sā kaidārī jaladhārikā || 66||

कामाकरश्रीकल्याणी गौडकल्याणमिश्रिता ।रामसञ्जीवनी हेला मन्दारी कामरूपिणी ॥ ६७॥

kāmākaraśrīkalyāṇī gauḍakalyāṇamiśritā |rāmasañjīvanī helā mandārī kāmarūpiṇī || 67||

सारङ्गी मारुती होढा सागरी कामवादिनी ।वैभासी मङ्गला चान्द्री रासमण्डलमण्डना ॥ ६८॥ वर् वैभासा

sāraṅgī mārutī hoḍhā sāgarī kāmavādinī |vaibhāsī maṅgalā cāndrī rāsamaṇḍalamaṇḍanā || 68|| var vaibhāsā

कामधेनुः कामलता कामदा कमनीयका ।कल्पवृक्षस्थली स्थूला क्षुधा सौधनिवासिनी ॥ ६९॥

kāmadhenuḥ kāmalatā kāmadā kamanīyakā |kalpavṛkṣasthalī sthūlā kṣudhā saudhanivāsinī || 69||

गोलोकवासिनी सुभ्रूर्यष्टिभृद्द्वारपालिका ।शृङ्गारप्रकरा शृङ्गा स्वच्छाक्षय्योपकारिका ॥ ७०॥

golokavāsinī subhrūryaṣṭibhṛddvārapālikā |śṛṅgāraprakarā śṛṅgā svacchākṣayyopakārikā || 70||

पार्षदा सुमुखी सेव्या श्रीवृन्दावनपालिका ।निकुञ्जभृत्कुञ्जपुञ्जा गुञ्जाभरणभूषिता ॥ ७१॥

pārṣadā sumukhī sevyā śrīvṛndāvanapālikā |nikuñjabhṛtkuñjapuñjā guñjābharaṇabhūṣitā || 71||

निकुञ्जवासिनी प्रेष्या गोवर्धनतटीभवा ।विशाखा ललिता रामा नीरजा मधुमाधवी ॥ ७२॥ वर् नीरुजा

nikuñjavāsinī preṣyā govardhanataṭībhavā |viśākhā lalitā rāmā nīrajā madhumādhavī || 72|| var nīrujā

एकानेकसखी शुक्ला सखीमध्या महामनाः ।श्रुतिरूपा ऋषिरूपा मैथिलाः कौशलाः स्त्रियः ॥ ७॥

ekānekasakhī śuklā sakhīmadhyā mahāmanāḥ |śrutirūpā ṛṣirūpā maithilāḥ kauśalāḥ striyaḥ || 7||

अयोध्यापुरवासिन्यो यज्ञसीताः पुलिन्दकाः ।रमा वैकुण्ठवासिन्यः श्वेतद्वीपसखीजनाः ॥ ७४॥

ayodhyāpuravāsinyo yajñasītāḥ pulindakāḥ |ramā vaikuṇṭhavāsinyaḥ śvetadvīpasakhījanāḥ || 74||

ऊर्ध्ववैकुण्ठवासिन्यो दिव्याजितपदाश्रिताः ।श्रीलोकाचलवासिन्यः श्रीसख्यः सागरोद्भवाः ॥ ७५॥

ūrdhvavaikuṇṭhavāsinyo divyājitapadāśritāḥ |śrīlokācalavāsinyaḥ śrīsakhyaḥ sāgarodbhavāḥ || 75||

दिव्या अदिव्या दिव्याङ्गा व्याप्तास्त्रिगुणवृत्तयः ।भूमिगोप्यो देवनार्यो लता ओषधिवीरुधः ॥ ७६॥

divyā adivyā divyāṅgā vyāptāstriguṇavṛttayaḥ |bhūmigopyo devanāryo latā oṣadhivīrudhaḥ || 76||

जालन्धर्यः सिन्धुसुताः पृथुबर्हिष्मतीभवाः ।दिव्याम्बरा अप्सरसः सौतला नागकन्यकाः ॥ ७७॥

jālandharyaḥ sindhusutāḥ pṛthubarhiṣmatībhavāḥ |divyāmbarā apsarasaḥ sautalā nāgakanyakāḥ || 77||

परं धाम परं ब्रह्म पौरुषा प्रकृतिः परा ।तटस्था गुणभूर्गीता गुणागुणमयी गुणा ॥ ७८॥

paraṃ dhāma paraṃ brahma pauruṣā prakṛtiḥ parā |taṭasthā guṇabhūrgītā guṇāguṇamayī guṇā || 78||

चिद्घना सदसन्माला दृष्टिर्दृश्या गुणाकरा ।महत्तत्त्वमहङ्कारो मनो बुद्धिः प्रचेतना ॥ ७९॥

cidghanā sadasanmālā dṛṣṭirdṛśyā guṇākarā |mahattattvamahaṅkāro mano buddhiḥ pracetanā || 79||

चेतोवृत्तिः स्वान्तरात्मा चतुर्धा चतुरक्षरा ।चतुर्व्यूहा चतुर्मूर्तिर्व्योम वायुरदो जलम् ॥ ८०॥

cetovṛttiḥ svāntarātmā caturdhā caturakṣarā |caturvyūhā caturmūrtirvyoma vāyurado jalam || 80||

मही शब्दो रसो गन्धः स्पर्शो रूपमनेकधा ।कर्मेन्द्रियं कर्ममयी ज्ञानं ज्ञानेन्द्रियं द्विधा ॥ ८१॥

mahī śabdo raso gandhaḥ sparśo rūpamanekadhā |karmendriyaṃ karmamayī jñānaṃ jñānendriyaṃ dvidhā || 81||

त्रिधाधिभूतमध्यात्ममधिदैवमधिस्थितम् ।ज्ञानशक्तिः क्रियाशक्तिः सर्वदेवाधिदेवता ॥ ८२॥

tridhādhibhūtamadhyātmamadhidaivamadhisthitam |jñānaśaktiḥ kriyāśaktiḥ sarvadevādhidevatā || 82||

तत्त्वसङ्घा विराण्मूर्तिर्धारणा धारणामयी ।श्रुतिः स्मृतिर्वेदमूर्तिः संहिता गर्गसंहिता ॥ ८३॥

tattvasaṅghā virāṇmūrtirdhāraṇā dhāraṇāmayī |śrutiḥ smṛtirvedamūrtiḥ saṃhitā gargasaṃhitā || 83||

पाराशरी सैव सृष्टिः पारहंसी विधातृका ।याज्ञवल्की भागवती श्रीमद्भागवतार्चिता ॥ ८४॥

pārāśarī saiva sṛṣṭiḥ pārahaṃsī vidhātṛkā |yājñavalkī bhāgavatī śrīmadbhāgavatārcitā || 84||

रामायणमयी रम्या पुराणपुरुषप्रिया ।पुराणमूर्तिः पुण्याङ्गी शास्त्रमूर्तिर्महोन्नता ॥ ८५॥

rāmāyaṇamayī ramyā purāṇapuruṣapriyā |purāṇamūrtiḥ puṇyāṅgī śāstramūrtirmahonnatā || 85||

मनीषा धिषणा बुद्धिर्वाणी धीः शेमुषी मतिः ।गायत्री वेदसावित्री ब्रह्माणी ब्रह्मलक्षणा ॥ ८६॥

manīṣā dhiṣaṇā buddhirvāṇī dhīḥ śemuṣī matiḥ |gāyatrī vedasāvitrī brahmāṇī brahmalakṣaṇā || 86||

दुर्गाऽपर्णा सती सत्या पार्वती चण्डिकाम्बिका ।आर्या दाक्षायणी दाक्षी दक्षयज्ञविघातिनी ॥ ८७॥

durgā'parṇā satī satyā pārvatī caṇḍikāmbikā |āryā dākṣāyaṇī dākṣī dakṣayajñavighātinī || 87||

पुलोमजा शचीन्द्राणी वेदी देववरार्पिता ।वयुनाधारिणी धन्या वायवी वायुवेगगा ॥ ८८॥

pulomajā śacīndrāṇī vedī devavarārpitā |vayunādhāriṇī dhanyā vāyavī vāyuvegagā || 88||

यमानुजा संयमनी संज्ञा छाया स्फुरद्द्युतिः ।रत्नदेवी रत्नवृन्दा तारा तरणिमण्डला ॥ ८९॥

yamānujā saṃyamanī saṃjñā chāyā sphuraddyutiḥ |ratnadevī ratnavṛndā tārā taraṇimaṇḍalā || 89||

रुचिः शान्तिः क्षमा शोभा दया दक्षा द्युतिस्त्रपा ।तलतुष्टिर्विभा पुष्टिः सन्तुष्टिः पुष्टभावना ॥ ९०॥

ruciḥ śāntiḥ kṣamā śobhā dayā dakṣā dyutistrapā |talatuṣṭirvibhā puṣṭiḥ santuṣṭiḥ puṣṭabhāvanā || 90||

चतुर्भुजा चारुनेत्रा द्विभुजाष्टभुजा बला ।शङ्खहस्ता पद्महस्ता चक्रहस्ता गदाधरा ॥ ९१॥

caturbhujā cārunetrā dvibhujāṣṭabhujā balā |śaṅkhahastā padmahastā cakrahastā gadādharā || 91||

निषङ्गधारिणी चर्मखड्गपाणिर्धनुर्धरा ।धनुष्टङ्कारिणी योद्ध्री दैत्योद्भटविनाशिनी ॥ ९२॥

niṣaṅgadhāriṇī carmakhaḍgapāṇirdhanurdharā |dhanuṣṭaṅkāriṇī yoddhrī daityodbhaṭavināśinī || 92||

रथस्था गरुडारूढा श्रीकृष्णहृदयस्थिता ।वंशीधरा कृष्णवेषा स्रग्विणी वनमालिनी ॥ ९३॥

rathasthā garuḍārūḍhā śrīkṛṣṇahṛdayasthitā |vaṃśīdharā kṛṣṇaveṣā sragviṇī vanamālinī || 93||

किरीटधारिणी याना मन्दा मन्दगतिर्गतिः ।चन्द्रकोटिप्रतीकाशा तन्वी कोमलविग्रहा ॥ ९४॥

kirīṭadhāriṇī yānā mandā mandagatirgatiḥ |candrakoṭipratīkāśā tanvī komalavigrahā || 94||

भैष्मी भीष्मसुता भीमा रुक्मिणी रुक्मरूपिणी ।सत्यभामा जाम्बवती सत्या भद्रा सुदक्षिणा ॥ ९५॥

bhaiṣmī bhīṣmasutā bhīmā rukmiṇī rukmarūpiṇī |satyabhāmā jāmbavatī satyā bhadrā sudakṣiṇā || 95||

मित्रविन्दा सखीवृन्दा वृन्दारण्यध्वजोर्ध्वगा ।शृङ्गारकारिणी शृङ्गा शृङ्गभूः शृङ्गदाऽऽशुगा ॥ ९६॥

mitravindā sakhīvṛndā vṛndāraṇyadhvajordhvagā |śṛṅgārakāriṇī śṛṅgā śṛṅgabhūḥ śṛṅgadā''śugā || 96||

तितिक्षेक्षा स्मृतिः स्पर्धा स्पृहा श्रद्धा स्वनिर्वृतिः ।ईशा तृष्णाभिधा प्रीतिर्हिता याञ्चा क्लमा कृषिः ॥ ९७॥

titikṣekṣā smṛtiḥ spardhā spṛhā śraddhā svanirvṛtiḥ |īśā tṛṣṇābhidhā prītirhitā yāñcā klamā kṛṣiḥ || 97||

आशा निद्रा योगनिद्रा योगिनी योगदा युगा ।निष्ठा प्रतिष्ठा समितिः सत्त्वप्रकृतिरुत्तमा ॥ ९८॥

āśā nidrā yoganidrā yoginī yogadā yugā |niṣṭhā pratiṣṭhā samitiḥ sattvaprakṛtiruttamā || 98||

तमःप्रकृतिर्दुर्मर्षा रजःप्रकृतिरानतिः ।क्रियाऽक्रियाकृतिर्ग्लानिः सात्त्विक्याध्यात्मिकी वृषा ॥ ९९॥

tamaḥprakṛtirdurmarṣā rajaḥprakṛtirānatiḥ |kriyā'kriyākṛtirglāniḥ sāttvikyādhyātmikī vṛṣā || 99||

सेवा शिखामणिर्वृद्धिराहूतिः सुमतिर्द्युभूः ।राज्जुर्द्विदाम्नी षड्वर्गा संहिता सौख्यदायिनी ॥ १००॥

sevā śikhāmaṇirvṛddhirāhūtiḥ sumatirdyubhūḥ |rājjurdvidāmnī ṣaḍvargā saṃhitā saukhyadāyinī || 100||

मुक्तिः प्रोक्तिर्देशभाषा प्रकृतिः पिङ्गलोद्भवा ।नागभावा नागभूषा नागरी नगरी नगा ॥ १०१॥

muktiḥ proktirdeśabhāṣā prakṛtiḥ piṅgalodbhavā |nāgabhāvā nāgabhūṣā nāgarī nagarī nagā || 101||

नौर्नौका भवनौर्भाव्या भवसागरसेतुका ।मनोमयी दारुमयी सैकती सिकतामयी ॥ १०२॥

naurnaukā bhavanaurbhāvyā bhavasāgarasetukā |manomayī dārumayī saikatī sikatāmayī || 102||

लेख्या लेप्या मणिमयी प्रतिमा हेमनिर्मिता ।शैला शैलभवा शीला शीलारामा चलाऽचला ॥ १०३॥ वर् शीकराभा

lekhyā lepyā maṇimayī pratimā hemanirmitā |śailā śailabhavā śīlā śīlārāmā calā'calā || 103|| var śīkarābhā

अस्थिता स्वस्थिता तूली वैदिकी तान्त्रिकी विधिः ।सन्ध्या सन्ध्याभ्रवसना वेदसन्धिः सुधामयी ॥ १०४॥

asthitā svasthitā tūlī vaidikī tāntrikī vidhiḥ |sandhyā sandhyābhravasanā vedasandhiḥ sudhāmayī || 104||

सायन्तनी शिखावेद्या सूक्ष्मा जीवकला कृतिः ।आत्मभूता भाविताऽण्वी प्रह्वा कमलकर्णिका ॥ १०५॥

sāyantanī śikhāvedyā sūkṣmā jīvakalā kṛtiḥ |ātmabhūtā bhāvitā'ṇvī prahvā kamalakarṇikā || 105||

नीराजनी महाविद्या कन्दली कार्यसाधिनी ।पूजा प्रतिष्ठा विपुला पुनन्ती पारलौकिकी ॥ १०६॥

nīrājanī mahāvidyā kandalī kāryasādhinī |pūjā pratiṣṭhā vipulā punantī pāralaukikī || 106||

शुक्लशुक्तिर्मौक्तिका च प्रतीतिः परमेश्वरी ।विराजोष्णिग्विराड्वेणी वेणुका वेणुनादिनी ॥ १०७॥

śuklaśuktirmauktikā ca pratītiḥ parameśvarī |virājoṣṇigvirāḍveṇī veṇukā veṇunādinī || 107||

आवर्तिनी वार्तिकदा वार्त्ता वृत्तिर्विमानगा ।सासाढ्यरासिनी सासी रासमण्डलमण्डली ॥ १०८॥

āvartinī vārtikadā vārttā vṛttirvimānagā |sāsāḍhyarāsinī sāsī rāsamaṇḍalamaṇḍalī || 108||

गोपगोपीश्वरी गोपी गोपीगोपालवन्दिता ।गोचारिणी गोपनदी गोपानन्दप्रदायिनी ॥ १०९॥

gopagopīśvarī gopī gopīgopālavanditā |gocāriṇī gopanadī gopānandapradāyinī || 109||

पशव्यदा गोपसेव्या कोटिशो गोगणावृता ।गोपानुगा गोपवती गोविन्दपदपादुका ॥ ११०॥

paśavyadā gopasevyā koṭiśo gogaṇāvṛtā |gopānugā gopavatī govindapadapādukā || 110||

वृषभानुसुता राधा श्रीकृष्णवशकारिणी ।कृष्णप्राणाधिका शश्वद्रसिका रसिकेश्वरी ॥ १११॥

vṛṣabhānusutā rādhā śrīkṛṣṇavaśakāriṇī |kṛṣṇaprāṇādhikā śaśvadrasikā rasikeśvarī || 111||

अवटोदा ताम्रपर्णी कृतमाला विहायसी ।कृष्णा वेणी भीमरथी तापी रेवा महापगा ॥ ११२॥

avaṭodā tāmraparṇī kṛtamālā vihāyasī |kṛṣṇā veṇī bhīmarathī tāpī revā mahāpagā || 112||

वैयासकी च कावेरी तुङ्गभद्रा सरस्वती ।चन्द्रभागा वेत्रवती गोविन्दपदपादुका ॥ ११३॥

vaiyāsakī ca kāverī tuṅgabhadrā sarasvatī |candrabhāgā vetravatī govindapadapādukā || 113||

गोमती कौशिकी सिन्धुर्बाणगङ्गातिसिद्धिदा ।गोदावरी रत्नमाला गङ्गा मन्दाकिनी बला ॥ ११४॥

gomatī kauśikī sindhurbāṇagaṅgātisiddhidā |godāvarī ratnamālā gaṅgā mandākinī balā || 114||

स्वर्णदी जाह्नवी वेला वैष्णवी मङ्गलालया ।बाला विष्णुपदीप्रोक्ता सिन्धुसागरसङ्गता ॥ ११५॥

svarṇadī jāhnavī velā vaiṣṇavī maṅgalālayā |bālā viṣṇupadīproktā sindhusāgarasaṅgatā || 115||

गङ्गासागर शोभाढ्या सामुद्री रत्नदा धुनी ।भागीरथी स्वर्धुनी भूः श्रीवामनपदच्युता ॥ ११६॥

gaṅgāsāgara śobhāḍhyā sāmudrī ratnadā dhunī |bhāgīrathī svardhunī bhūḥ śrīvāmanapadacyutā || 116||

लक्ष्मी रमा रामणीया भार्गवी विष्णुवल्लभा ।सीतार्चिर्जानकी माता कलङ्करहिता कला ॥ ११७॥

lakṣmī ramā rāmaṇīyā bhārgavī viṣṇuvallabhā |sītārcirjānakī mātā kalaṅkarahitā kalā || 117||

कृष्णपादाब्जसम्भूता सर्वा त्रिपथगामिनी ।धरा विश्वम्भराऽनन्ता भूमिर्धात्री क्षमामयी ॥ ११८॥

kṛṣṇapādābjasambhūtā sarvā tripathagāminī |dharā viśvambharā'nantā bhūmirdhātrī kṣamāmayī || 118||

स्थिरा धरित्री धरणिरुर्वी शेषफणस्थिता ।अयोध्या राघवपुरी कौशिकी रघुवंशजा ॥ ११९॥

sthirā dharitrī dharaṇirurvī śeṣaphaṇasthitā |ayodhyā rāghavapurī kauśikī raghuvaṃśajā || 119||

मथुरा माथुरी पन्था यादवी ध्रुवपूजिता ।मयायुर्बिल्वनीला द्वार्गङ्गाद्वारविनिर्गता ॥ १२०॥

mathurā māthurī panthā yādavī dhruvapūjitā |mayāyurbilvanīlā dvārgaṅgādvāravinirgatā || 120||

कुशावर्तमयी ध्रौव्या ध्रुवमण्डलमध्यगा । वर् मण्डलनिर्गताकाशी शिवपुरी शेषा विन्ध्या वाराणसी शिवा ॥ १२१॥

kuśāvartamayī dhrauvyā dhruvamaṇḍalamadhyagā | var maṇḍalanirgatākāśī śivapurī śeṣā vindhyā vārāṇasī śivā || 121||

अवन्तिका देवपुरी प्रोज्ज्वलोज्जयिनी जिता ।द्वारावती द्वारकामा कुशभूता कुशस्थली ॥ १२२॥

avantikā devapurī projjvalojjayinī jitā |dvārāvatī dvārakāmā kuśabhūtā kuśasthalī || 122||

महापुरी सप्तपुरी नन्दिग्रामस्थलस्थिता ।शास्त्रग्रामशिलादित्या शम्भलग्राममध्यगा ॥ १२३॥

mahāpurī saptapurī nandigrāmasthalasthitā |śāstragrāmaśilādityā śambhalagrāmamadhyagā || 123||

वंशा गोपालिनी क्षिप्रा हरिमन्दिरवर्तिनी ।बर्हिष्मती हस्तिपुरी शक्रप्रस्थनिवासिनी ॥ १२४॥

vaṃśā gopālinī kṣiprā harimandiravartinī |barhiṣmatī hastipurī śakraprasthanivāsinī || 124||

दाडिमी सैन्धवी जम्बुः पौष्करी पुष्करप्रसूः ।उत्पलावर्तगमना नैमिषी निमिषावृता ॥ १२५॥

dāḍimī saindhavī jambuḥ pauṣkarī puṣkaraprasūḥ |utpalāvartagamanā naimiṣī nimiṣāvṛtā || 125||

कुरुजाङ्गलभूः काली हैमावत्यर्बुदा बुधा ।शूकरक्षेत्रविदिता श्वेतवाराहधारिता ॥ १२६॥

kurujāṅgalabhūḥ kālī haimāvatyarbudā budhā |śūkarakṣetraviditā śvetavārāhadhāritā || 126||

सर्वतीर्थमयी तीर्था तीर्थानां कीर्तिकारिणी ।हारिणी सर्वदोषाणां दायिनी सर्वसम्पदाम् ॥ १२७॥

sarvatīrthamayī tīrthā tīrthānāṃ kīrtikāriṇī |hāriṇī sarvadoṣāṇāṃ dāyinī sarvasampadām || 127||

वर्धिनी तेजसां साक्षाद्गर्भवासनिकृन्तनी ।गोलोकधामधनिनी निकुञ्जनिजमञ्जरी ॥ १२८॥

vardhinī tejasāṃ sākṣādgarbhavāsanikṛntanī |golokadhāmadhaninī nikuñjanijamañjarī || 128||

सर्वोत्तमा सर्वपुण्या सर्वसौन्दर्यशृङ्खला ।सर्वतीर्थोपरिगता सर्वतीर्थाधिदेवता ॥ १२९॥

sarvottamā sarvapuṇyā sarvasaundaryaśṛṅkhalā |sarvatīrthoparigatā sarvatīrthādhidevatā || 129||

श्रीदा श्रीशा श्रीनिवासा श्रीनिधिः श्रीविभावना ।स्वक्षा स्वङ्गा शतानन्दा नन्दा ज्योतिर्गणेश्वरी ॥ १३० ॥

śrīdā śrīśā śrīnivāsā śrīnidhiḥ śrīvibhāvanā |svakṣā svaṅgā śatānandā nandā jyotirgaṇeśvarī || 130 ||

पह्लश्रुतिनाम्नां सहस्रं कालिन्द्याः कीर्तिदं कामदं परम् ।महापापहरं पुण्यमायुर्वर्धनमुत्तमम् ॥ १३१॥

pahlaśrutināmnāṃ sahasraṃ kālindyāḥ kīrtidaṃ kāmadaṃ param |mahāpāpaharaṃ puṇyamāyurvardhanamuttamam || 131||

एकवारं पठेद्रात्रौ चौरेभ्यो न भयं भवेत् ।द्विवारं प्रपठेन्मार्गे दस्युभ्यो न भयं क्वचित् ॥ १३२॥

ekavāraṃ paṭhedrātrau caurebhyo na bhayaṃ bhavet |dvivāraṃ prapaṭhenmārge dasyubhyo na bhayaṃ kvacit || 132||

द्वितीयां तु समारभ्य पठेत्पूर्णावधिं द्विजः ।दशवारमिदं भक्त्या ध्यात्वा देवो कलिन्दजाम् ॥ १३३॥

dvitīyāṃ tu samārabhya paṭhetpūrṇāvadhiṃ dvijaḥ |daśavāramidaṃ bhaktyā dhyātvā devo kalindajām || 133||

रोगी रोगात्प्रमुच्येत बद्धो मुच्येत बन्धनात् ।गुर्विणी जनयेत्पुत्रं विद्यार्थी पण्डितो भवेत् ॥ १३४॥

rogī rogātpramucyeta baddho mucyeta bandhanāt |gurviṇī janayetputraṃ vidyārthī paṇḍito bhavet || 134||

मोहनं स्तम्भनं शश्वद्वशीकरणमेव च ।उच्चाटनं पातनं च शोषणं दीपनं तथा ॥ १३५॥

mohanaṃ stambhanaṃ śaśvadvaśīkaraṇameva ca |uccāṭanaṃ pātanaṃ ca śoṣaṇaṃ dīpanaṃ tathā || 135||

उन्मादनं तापनं च निधिदर्शनमेव च ।यद्यद्वाञ्छति चित्तेन तत्तत्प्राप्नोति मानवः ॥ १३६॥

unmādanaṃ tāpanaṃ ca nidhidarśanameva ca |yadyadvāñchati cittena tattatprāpnoti mānavaḥ || 136||

ब्राह्मणो ब्रह्मवर्चस्वी राजन्यो जगतीपतिः ।वैश्यो निधिपतिर्भूयाच्छूद्रः श्रुत्वा तु निर्मलः ॥ १३७॥

brāhmaṇo brahmavarcasvī rājanyo jagatīpatiḥ |vaiśyo nidhipatirbhūyācchūdraḥ śrutvā tu nirmalaḥ || 137||

पूजाकाले तु यो नित्यं पठते भक्तिभावतः ।लिप्यते न स पापेन पद्मपत्रमिवाम्भसा ॥ १३८॥

pūjākāle tu yo nityaṃ paṭhate bhaktibhāvataḥ |lipyate na sa pāpena padmapatramivāmbhasā || 138||

शतवारं पठेन्नित्यं वर्षावधिमतः परम् ।पटलं पद्धतिं कृत्वा स्तवं च कवचं तथा ॥ १३९॥

śatavāraṃ paṭhennityaṃ varṣāvadhimataḥ param |paṭalaṃ paddhatiṃ kṛtvā stavaṃ ca kavacaṃ tathā || 139||

सप्तद्वीपमहीराज्यं प्राप्नुयान्नात्र संशयः ।निष्कारणं पठेद्यस्तु यमुनाभक्तिसंयुतः ॥ १४०॥

saptadvīpamahīrājyaṃ prāpnuyānnātra saṃśayaḥ |niṣkāraṇaṃ paṭhedyastu yamunābhaktisaṃyutaḥ || 140||

त्रैवर्ग्यमेत्य सुकृती जीवन्मुक्तो भवेदिह ॥ १४१॥

traivargyametya sukṛtī jīvanmukto bhavediha || 141||

निकुञ्जलीलाललितं मनोहरंकलिन्दजाकूललताकदम्बकम् ।वृन्दावनोन्मत्तमिलिन्दशब्दितंव्रजेत्स गोलोकमिदं पठेच्च यः ॥ १४२॥

nikuñjalīlālalitaṃ manoharaṃkalindajākūlalatākadambakam |vṛndāvanonmattamilindaśabditaṃvrajetsa golokamidaṃ paṭhecca yaḥ || 142||

॥ इति गर्गसंहितायां श्रीयमुनासहस्रनामस्तोत्रं सम्पूर्णम् ॥

|| iti gargasaṃhitāyāṃ śrīyamunāsahasranāmastotraṃ sampūrṇam ||