यमुना कवचं Shri Yamuna Kavacham

गर्गसंहितान्तर्गतंमान्धातोवाचयमुनायाः कृष्णराज्ञ्याः कवचं सर्वतोऽमलम् ।देहि मह्यं महाभाग धारयिष्याम्यहं सदा ॥ १॥

gargasaṃhitāntargataṃmāndhātovācayamunāyāḥ kṛṣṇarājñyāḥ kavacaṃ sarvato'malam |dehi mahyaṃ mahābhāga dhārayiṣyāmyahaṃ sadā || 1||

सौभरिरुवाचयमुनायाश्च कवचं सर्वरक्षाकरं नृणाम् ।चतुष्पदार्थदं साक्षाच्छृणु राजन्महामते ॥ २॥

saubhariruvācayamunāyāśca kavacaṃ sarvarakṣākaraṃ nṛṇām |catuṣpadārthadaṃ sākṣācchṛṇu rājanmahāmate || 2||

कृष्णां चतुर्भुजां श्यामां पुण्डरीकदलेक्षणाम् ।रथस्थां सुन्दरीं ध्यात्वा धारयेत्कवचं ततः ॥ ३॥

kṛṣṇāṃ caturbhujāṃ śyāmāṃ puṇḍarīkadalekṣaṇām |rathasthāṃ sundarīṃ dhyātvā dhārayetkavacaṃ tataḥ || 3||

स्नातः पूर्वमुखो मौनी कृतसन्ध्यः कुशासने ।कुशैर्बद्धशिखो विप्रः पठेद्वै स्वस्तिकासनः ॥ ४॥

snātaḥ pūrvamukho maunī kṛtasandhyaḥ kuśāsane |kuśairbaddhaśikho vipraḥ paṭhedvai svastikāsanaḥ || 4||

यमुना मे शिरः पातु कृष्णा नेत्रद्वयं सदा ।श्यामा भ्रूभङ्गदेशं च नासिकां नाकवासिनी ॥ ५॥

yamunā me śiraḥ pātu kṛṣṇā netradvayaṃ sadā |śyāmā bhrūbhaṅgadeśaṃ ca nāsikāṃ nākavāsinī || 5||

कपोलौ पातु मे साक्षात्परमानन्दरूपिणी ।कृष्णवामांससम्भूता पातु कर्णद्वयं मम ॥ ६॥

kapolau pātu me sākṣātparamānandarūpiṇī |kṛṣṇavāmāṃsasambhūtā pātu karṇadvayaṃ mama || 6||

अधरौ पातु कालिन्दी चिबुकं सूर्यकन्यका ।यमस्वसा कन्धरां च हृदयं मे महानदी ॥ ७॥

adharau pātu kālindī cibukaṃ sūryakanyakā |yamasvasā kandharāṃ ca hṛdayaṃ me mahānadī || 7||

कृष्णप्रिया पातु पृष्ठं तटिनि मे भुजद्वयम् ।श्रोणीतटं च सुश्रोणी कटिं मे चारुदर्शना ॥ ८॥

kṛṣṇapriyā pātu pṛṣṭhaṃ taṭini me bhujadvayam |śroṇītaṭaṃ ca suśroṇī kaṭiṃ me cārudarśanā || 8||

ऊरुद्वयं तु रम्भोरुर्जानुनी त्वङ्घ्रिभेदिनी ।गुल्फौ रासेश्वरी पातु पादौ पापप्रहारिणी ॥ ९॥

ūrudvayaṃ tu rambhorurjānunī tvaṅghribhedinī |gulphau rāseśvarī pātu pādau pāpaprahāriṇī || 9||

अन्तर्बहिरधश्चोर्ध्वं दिशासु विदिशासु च ।समन्तात्पातु जगतः परिपूर्णतमप्रिया ॥ १०॥

antarbahiradhaścordhvaṃ diśāsu vidiśāsu ca |samantātpātu jagataḥ paripūrṇatamapriyā || 10||

इदं श्रीयमुनायाश्च कवचं परमाद्भुतम् ।दशवारं पठेद्भक्त्या निर्धनो धनवान्भवेत् ॥ ११॥

idaṃ śrīyamunāyāśca kavacaṃ paramādbhutam |daśavāraṃ paṭhedbhaktyā nirdhano dhanavānbhavet || 11||

त्रिभिर्मासैः पठेद्धीमान् ब्रह्मचारी मिताशनः ।सर्वराज्याधिपत्यञ्च प्राप्यते नात्र संशयः ॥ १२॥

tribhirmāsaiḥ paṭheddhīmān brahmacārī mitāśanaḥ |sarvarājyādhipatyañca prāpyate nātra saṃśayaḥ || 12||

दशोत्तरशतं नित्यं त्रिमासावधि भक्तितः ।यः पठेत्प्रयतो भूत्वा तस्य किं किं न जायते ॥ १३॥

daśottaraśataṃ nityaṃ trimāsāvadhi bhaktitaḥ |yaḥ paṭhetprayato bhūtvā tasya kiṃ kiṃ na jāyate || 13||

यः पठेत्प्रातरुत्थाय सर्वतीर्थफलं लभेत् ।अन्ते व्रजेत्परं धाम गोलोकं योगिदुर्लभम् ॥ १४॥

yaḥ paṭhetprātarutthāya sarvatīrthaphalaṃ labhet |ante vrajetparaṃ dhāma golokaṃ yogidurlabham || 14||

इति गर्गसंहितायां माधुर्यखण्डे षोडशाध्यायान्तर्गतंयमुना कवचं सम्पूर्णम् ।ग़र्ग षम्हित, ंअधुर्यखन्द, आधय १६

iti gargasaṃhitāyāṃ mādhuryakhaṇḍe ṣoḍaśādhyāyāntargataṃyamunā kavacaṃ sampūrṇam |ग़rga ṣamhita, ṃadhuryakhanda, ādhaya 16