सरयू अष्टकम् Shri Sarayu Ashtakam

चक्रवर्तीदशरथ उवाच ।नमस्ते सरयू देवि वसिष्ठ तनये शुभे ।ब्रह्मादि सकलैर्देवैरृषिभिर्नारदादिभिः ॥ १॥

cakravartīdaśaratha uvāca |namaste sarayū devi vasiṣṭha tanaye śubhe |brahmādi sakalairdevairṛṣibhirnāradādibhiḥ || 1||

सदा त्वं सेविता देवि तथा सुकृतिभिर्नरैः ।मानसाच्च समायाते जगतां पाप हारिणि ॥ २॥

sadā tvaṃ sevitā devi tathā sukṛtibhirnaraiḥ |mānasācca samāyāte jagatāṃ pāpa hāriṇi || 2||

स्मरतां पश्यतां देवि पापनाशे पटीयसि ।ये पिबन्ति जलं देवि त्वदीयं गतमत्सराः ॥ ३॥

smaratāṃ paśyatāṃ devi pāpanāśe paṭīyasi |ye pibanti jalaṃ devi tvadīyaṃ gatamatsarāḥ || 3||

स्तनपानं न ते मातुः करिष्यन्ति कदाचन ।मनु प्रभृतिभिर्मान्यैमानितासि सदा शुभे ॥ ४॥

stanapānaṃ na te mātuḥ kariṣyanti kadācana |manu prabhṛtibhirmānyaimānitāsi sadā śubhe || 4||

त्वत्तीर मरणेनैव त्वन्नाम रटनेन च ।ये त्यजन्ति तनुं देवि ते कृतार्था न संशयः ॥ ५॥

tvattīra maraṇenaiva tvannāma raṭanena ca |ye tyajanti tanuṃ devi te kṛtārthā na saṃśayaḥ || 5||

त्वं तु नेत्रोद्भवा देवि हरेर्नारायणस्य हि ।महिमा तव देवैश्च गीयते च मुहुर्मुहुः ॥ ६॥

tvaṃ tu netrodbhavā devi harernārāyaṇasya hi |mahimā tava devaiśca gīyate ca muhurmuhuḥ || 6||

तत्र का हि मनः शक्तिः स्तवने मानुषस्य च ।त्वत्तीरे सर्व तीर्थानि निवसन्ति चतुर्युगे ॥ ७॥

tatra kā hi manaḥ śaktiḥ stavane mānuṣasya ca |tvattīre sarva tīrthāni nivasanti caturyuge || 7||

नमो देवि नमो देवि पुनरेव नमो नमः ।हे वासिष्ठि महाभागे प्रणतं रक्ष बन्धनात् ॥ ८॥

namo devi namo devi punareva namo namaḥ |he vāsiṣṭhi mahābhāge praṇataṃ rakṣa bandhanāt || 8||

इति श्रीसरयू अष्टकं सम्पूर्णम् ।

iti śrīsarayū aṣṭakaṃ sampūrṇam |