सरयू माहात्म्यम् Shri Sharayu Mahatmyam

महारजदशरथ उवाच ।मन्वन्तर सहस्त्रैस्तु काशीवासेन यत्फलम् ।तत्फलं समवाप्नोति सरयू दर्शने कृते ॥ १॥

mahārajadaśaratha uvāca |manvantara sahastraistu kāśīvāsena yatphalam |tatphalaṃ samavāpnoti sarayū darśane kṛte || 1||

या गतिर्योगयुक्तानां वाराणस्यां तनुत्यजाम् ।सा गतिः स्नान मात्रेण सरय्वां हरि वासरे ॥ २॥

yā gatiryogayuktānāṃ vārāṇasyāṃ tanutyajām |sā gatiḥ snāna mātreṇa sarayvāṃ hari vāsare || 2||

पुष्करे तु नरो गत्वा कार्तिक्यां कृत्तिका दिने ।तत्फलं समवाप्नोति सरयू दर्शने कृते ॥ ३॥

puṣkare tu naro gatvā kārtikyāṃ kṛttikā dine |tatphalaṃ samavāpnoti sarayū darśane kṛte || 3||

षष्ठि वर्ष सहस्राणि भागीरथ्यवगाहनात् ।तत्फलं समवाप्नोति दृष्ट्वा दाशरथीं पुरीम् ॥ ४॥

ṣaṣṭhi varṣa sahasrāṇi bhāgīrathyavagāhanāt |tatphalaṃ samavāpnoti dṛṣṭvā dāśarathīṃ purīm || 4||

निमिषन्निमिषार्धं वा प्राणिनां रामचिन्तनम् ।यत्र कुत्रस्थितो जीवो ह्ययोध्यां मनसास्मरेत् ।न तस्य पुनरावृत्तिः कल्पान्तर शतैरपि ॥ ५॥

nimiṣannimiṣārdhaṃ vā prāṇināṃ rāmacintanam |yatra kutrasthito jīvo hyayodhyāṃ manasāsmaret |na tasya punarāvṛttiḥ kalpāntara śatairapi || 5||

जलरूपेण ब्रह्मैव सरयू मोक्षदा सदा ।नैवात्र कर्मणां भोगो रामरूपो भवेन्नरः ॥ ६॥

jalarūpeṇa brahmaiva sarayū mokṣadā sadā |naivātra karmaṇāṃ bhogo rāmarūpo bhavennaraḥ || 6||

इति श्रीसरयू माहात्म्यं सम्पूर्णम् ।

iti śrīsarayū māhātmyaṃ sampūrṇam |