पयोष्णीत्रिकम् Payoshnitrikam

पयोष्णिका पातु पयोधिमिष्टक्षीरा वरा सिन्धुषु याश्वभीष्टम् ।फलं सकृत्स्नानत एव राति त्वा तां प्रपद्येवहि नानवद्ये ॥ १॥

payoṣṇikā pātu payodhimiṣṭakṣīrā varā sindhuṣu yāśvabhīṣṭam |phalaṃ sakṛtsnānata eva rāti tvā tāṃ prapadyevahi nānavadye || 1||

यत्रर्णमोचनकमस्ति हि तीर्थवर्यंयत्सेवनेन सकलर्णनिवृत्तिरेव ।यत्स्नानतो गतिमवापुरहो पिशाचाःसर्वाघतोऽवतु सदाऽत्र पयोष्णिका सा ॥ २॥

yatrarṇamocanakamasti hi tīrthavaryaṃyatsevanena sakalarṇanivṛttireva |yatsnānato gatimavāpuraho piśācāḥsarvāghato'vatu sadā'tra payoṣṇikā sā || 2||

ताप्यन्विता हि सरिता प्रययौ समुद्रंपाश्चात्यमिष्टफलदा सकलार्तिहन्त्री ।त्रात्री समस्तदुरितादपि कामदात्रीसर्वाघतोऽवतु सदाऽत्र पयोष्णिका सा ॥ ३॥

tāpyanvitā hi saritā prayayau samudraṃpāścātyamiṣṭaphaladā sakalārtihantrī |trātrī samastaduritādapi kāmadātrīsarvāghato'vatu sadā'tra payoṣṇikā sā || 3||

इति श्रीवासुदेवानन्दसरस्वतीविरचितं श्रीपयोष्णित्रिकं सम्पूर्णम् ।

iti śrīvāsudevānandasarasvatīviracitaṃ śrīpayoṣṇitrikaṃ sampūrṇam |