गङ्गास्तवः १ Gangastava

श्रीगणेशाय नमः ॥सूत उवाचशृणुध्वं मुनयः सर्वे गङ्गास्तवमनुत्तमम् ।शोकमोहहरं पुंसामृषिभिः परिकीर्तितम् ॥ १॥

śrīgaṇeśāya namaḥ ||sūta uvācaśṛṇudhvaṃ munayaḥ sarve gaṅgāstavamanuttamam |śokamohaharaṃ puṃsāmṛṣibhiḥ parikīrtitam || 1||

ऋषय ऊचुःइयं सुरतरङ्गिणी भवनवारिधेस्तारिणीस्तुता हरिपदाम्बुजादुपगता जगत्संसदः ।सुमेरुशिखरामरप्रियजलामलक्षालिनीप्रसन्नवदना शुभा भवभयस्य विद्राविणी ॥ २॥

ṛṣaya ūcuḥiyaṃ surataraṅgiṇī bhavanavāridhestāriṇīstutā haripadāmbujādupagatā jagatsaṃsadaḥ |sumeruśikharāmarapriyajalāmalakṣālinīprasannavadanā śubhā bhavabhayasya vidrāviṇī || 2||

भगीरथरथानुगा सुरकरीन्द्रदर्पापहामहेशमुकुटप्रभा गिरिशिरःपताका सिता ।सुरासुरनरोरगैरजभवाच्युतैः संस्तुताविमुक्तिफलशालिनी कलुषनाशिनी राजते ॥ ३॥

bhagīratharathānugā surakarīndradarpāpahāmaheśamukuṭaprabhā giriśiraḥpatākā sitā |surāsuranaroragairajabhavācyutaiḥ saṃstutāvimuktiphalaśālinī kaluṣanāśinī rājate || 3||

पितामहकमण्डलुप्रभवमुक्तिबीजा लताश्रुतिस्मृतिगणस्तुतद्विजकुलालवालावृता ।सुमेरुशिखराभिदा निपतिता त्रिलोकावृतासुधर्मफलशालिनी सुखपलाशिनी राजते ॥ ४॥

pitāmahakamaṇḍaluprabhavamuktibījā latāśrutismṛtigaṇastutadvijakulālavālāvṛtā |sumeruśikharābhidā nipatitā trilokāvṛtāsudharmaphalaśālinī sukhapalāśinī rājate || 4||

चरद्विहगमालिनी सगरवंशमुक्तिप्रदामुनीन्द्रवरनन्दिनी दिवि मता च मन्दाकिनी ।सदा दुरितनाशिनी विमलवारिसन्दर्शनप्रणामगुणकीर्तनादिषु जगत्सु संराजते ॥ ५॥

caradvihagamālinī sagaravaṃśamuktipradāmunīndravaranandinī divi matā ca mandākinī |sadā duritanāśinī vimalavārisandarśanapraṇāmaguṇakīrtanādiṣu jagatsu saṃrājate || 5||

महाभिषसुताङ्गना हिमगिरीशकूटस्तनासफेनजलहासिनी सितमरालसच्चारिणी ।चलल्लहरिसत्करा वरसरोजमालाधरारसोल्लसितगामिनी जलधिकामिनी राजते ॥ ६॥

mahābhiṣasutāṅganā himagirīśakūṭastanāsaphenajalahāsinī sitamarālasaccāriṇī |calallaharisatkarā varasarojamālādharārasollasitagāminī jaladhikāminī rājate || 6||

क्वचिन्मुनिगणैः स्तुता क्वचिदनन्तसम्पूजिताक्वचित्कलकलस्वना क्वचिदधीरयादोगणा ।क्वचिद्रविकरोज्ज्वला क्वचिदुदग्रपाताकुलाक्वचिज्जनविगाहिता जयति भीष्ममाता सती ॥ ७॥

kvacinmunigaṇaiḥ stutā kvacidanantasampūjitākvacitkalakalasvanā kvacidadhīrayādogaṇā |kvacidravikarojjvalā kvacidudagrapātākulākvacijjanavigāhitā jayati bhīṣmamātā satī || 7||

स एव कुशली जनः प्रणमतीह भागीरथींस एव तपसां निधिर्जपति जाह्नवीमादरात् ।स एव पुरुषोत्तमः स्मरति साधु मन्दाकिनींस एव विजयी प्रभुः सुरतरङ्गिणीं सेवते ॥ ८॥

sa eva kuśalī janaḥ praṇamatīha bhāgīrathīṃsa eva tapasāṃ nidhirjapati jāhnavīmādarāt |sa eva puruṣottamaḥ smarati sādhu mandākinīṃsa eva vijayī prabhuḥ surataraṅgiṇīṃ sevate || 8||

तवामलजलाचितं खगसृगालमीनक्षतंचलल्लहरिलोलितं रुचिरतीरजम्बालितम् ।कदा निजवपुर्मुदा सुरनरोरगैः संस्तुतोऽप्यहंत्रिपथगामिनि प्रियमतीव पश्याम्यहो ॥ ९॥

tavāmalajalācitaṃ khagasṛgālamīnakṣataṃcalallaharilolitaṃ ruciratīrajambālitam |kadā nijavapurmudā suranaroragaiḥ saṃstuto'pyahaṃtripathagāmini priyamatīva paśyāmyaho || 9||

त्वत्तीरे वसतिं तवामलजलस्नानं तव प्रेक्षणंत्वन्नामस्मरणं तवोदयकथासंलापनं पावनम् ।गङ्गे मे तव सेवनैकनिपुणोऽप्यानन्दितश्चादृतःस्तुत्वा चोद्गतपातको भुवि कदा शान्तश्चरिष्याम्यहम् ॥ १०॥

tvattīre vasatiṃ tavāmalajalasnānaṃ tava prekṣaṇaṃtvannāmasmaraṇaṃ tavodayakathāsaṃlāpanaṃ pāvanam |gaṅge me tava sevanaikanipuṇo'pyānanditaścādṛtaḥstutvā codgatapātako bhuvi kadā śāntaścariṣyāmyaham || 10||

इत्येतदृषिभिः प्रोक्तं गङ्गास्तवनमुत्तमम् ।स्वर्ग्यं यश्स्यमायुष्यं पठनाच्छ्रवणादपि ॥ ११॥

ityetadṛṣibhiḥ proktaṃ gaṅgāstavanamuttamam |svargyaṃ yaśsyamāyuṣyaṃ paṭhanācchravaṇādapi || 11||

सर्वपापहरं पुंसां बलमायुर्विवर्धनम् ।प्रातर्मध्याह्नसायाह्ने गङ्गासान्निध्यता भवेत् ॥ १२॥

sarvapāpaharaṃ puṃsāṃ balamāyurvivardhanam |prātarmadhyāhnasāyāhne gaṅgāsānnidhyatā bhavet || 12||

इत्येतद्भार्गवाख्यानं शुकदेवान्मया श्रुतम् ।पठितं श्रावितं चात्र पुण्यं धन्यं यशस्करम् ॥ १३॥

ityetadbhārgavākhyānaṃ śukadevānmayā śrutam |paṭhitaṃ śrāvitaṃ cātra puṇyaṃ dhanyaṃ yaśaskaram || 13||

अवतारं महाविष्णोः कल्केः परममद्भुतम् ।पठतां शृण्वतां भक्त्या सर्वाशुभविनाशनम् ॥ १४॥

avatāraṃ mahāviṣṇoḥ kalkeḥ paramamadbhutam |paṭhatāṃ śṛṇvatāṃ bhaktyā sarvāśubhavināśanam || 14||

इति श्रीकल्किपुराणेऽनुभागवते भविष्ये तृतीयांशेऋषिकृतो गङ्गास्तवः सम्पूर्णः ॥

iti śrīkalkipurāṇe'nubhāgavate bhaviṣye tṛtīyāṃśeṛṣikṛto gaṅgāstavaḥ sampūrṇaḥ ||