गङ्गास्तवः २ Gangastavah

प्रयाताऽगात्तुङ्गाद्विधिभवनरङ्गालयतलेनिवासाकाशाच्चेदतितपस आशुप्रपतिता ।अनङ्गारेरङ्गात्कनखलसुसङ्गात्प्रचलिताप्रयागात्सा गङ्गा प्रकटिततरङ्गाऽर्णवगता ॥ १॥

prayātā'gāttuṅgādvidhibhavanaraṅgālayatalenivāsākāśāccedatitapasa āśuprapatitā |anaṅgāreraṅgātkanakhalasusaṅgātpracalitāprayāgātsā gaṅgā prakaṭitataraṅgā'rṇavagatā || 1||

औदार्यन्तेऽनिवार्यं कथय कथमहो कार्यधार्यप्रपन्नमासन्नं ते विलसतिजने भुक्तिमुक्तिर्वदामि ।स्वामित्वं त्वं दिशसि नितरां पामराणां नराणांमान्यं नान्यं भुवनभवने यत्परं प्रार्थयामि ॥ २॥

audāryante'nivāryaṃ kathaya kathamaho kāryadhāryaprapannamāsannaṃ te vilasatijane bhuktimuktirvadāmi |svāmitvaṃ tvaṃ diśasi nitarāṃ pāmarāṇāṃ narāṇāṃmānyaṃ nānyaṃ bhuvanabhavane yatparaṃ prārthayāmi || 2||

गाङ्गे जले यः प्रविगाहते तेऽमृते च शेतेऽहिपतेः शरीरे ।तीरे गता ये दुरितावृताङ्गाः साङ्गाः परीवारयुता विशुद्धाः ॥ ३॥

gāṅge jale yaḥ pravigāhate te'mṛte ca śete'hipateḥ śarīre |tīre gatā ye duritāvṛtāṅgāḥ sāṅgāḥ parīvārayutā viśuddhāḥ || 3||

पापी तापी सशापी सुरसरिदवनो मध्यगो यः सुरापीकापीयञ्चाभितापी सदयहृदयतश्चेत्प्रतापी च जापी ।दाता माता जनकगुरुगोभक्तियुक्तः प्रयातिशम्भुत्वं ते जललवयुतश्चोद्धृतिर्वै विचित्रा ॥ ४॥

pāpī tāpī saśāpī surasaridavano madhyago yaḥ surāpīkāpīyañcābhitāpī sadayahṛdayataścetpratāpī ca jāpī |dātā mātā janakagurugobhaktiyuktaḥ prayātiśambhutvaṃ te jalalavayutaścoddhṛtirvai vicitrā || 4||

दानैर्ज्ञानैश्च गानैर्व्रतनियमगणैर्योगयागावदानैर्यानैर्वायोर्विधानैर्जपभजनदयातीर्थयात्रादिकानाम् ।सन्मानैर्भूसुराणां दिशति हरिहरावात्मलोकं हि गङ्गे !पापीनां त्वं विनैभिर्हरिहरमकरोत्को वदाग्रस्तदन्यः ॥ ५॥

dānairjñānaiśca gānairvrataniyamagaṇairyogayāgāvadānairyānairvāyorvidhānairjapabhajanadayātīrthayātrādikānām |sanmānairbhūsurāṇāṃ diśati hariharāvātmalokaṃ hi gaṅge !pāpīnāṃ tvaṃ vinaibhirhariharamakarotko vadāgrastadanyaḥ || 5||

गङ्गेऽति चिन्ता हृदये मदीये लोकैस्तिरस्कारवृतं शरीरम् ।क्लिन्नं गलत्कुष्ठयुतं विभिन्नं छिन्नं कथं विष्णुशिवं करोषि ॥ ६॥

gaṅge'ti cintā hṛdaye madīye lokaistiraskāravṛtaṃ śarīram |klinnaṃ galatkuṣṭhayutaṃ vibhinnaṃ chinnaṃ kathaṃ viṣṇuśivaṃ karoṣi || 6||

नाश्चर्यमेत्तव लोकमातर्माताऽऽत्मपुत्रं कुरुते पवित्रम् ।मूत्रैर्मलेधूलिभिरावृतं तं स्वाङ्के करोत्यम्बुनिजाञ्चलैश्च ॥ ७॥

nāścaryamettava lokamātarmātā''tmaputraṃ kurute pavitram |mūtrairmaledhūlibhirāvṛtaṃ taṃ svāṅke karotyambunijāñcalaiśca || 7||

चित्रगुप्त इह यस्य पातके लेखनेन शिथिलीकृताङ्गुलिः ।तारयेद्यदि महत्त्वमम्ब ! तत्ते द्विजे खलु प्रयागदत्तके ॥ ८॥

citragupta iha yasya pātake lekhanena śithilīkṛtāṅguliḥ |tārayedyadi mahattvamamba ! tatte dvije khalu prayāgadattake || 8||

इति श्रीमद्रामकुमारात्मजप्रयागदत्तविरचितः गङ्गास्तवः समाप्तः ।

iti śrīmadrāmakumārātmajaprayāgadattaviracitaḥ gaṅgāstavaḥ samāptaḥ |